Ne një shkrim me titull "Mitsotakis dhe kërcënimet pa bukë për shqiptarët", analisti Dritan Hila, hedh ndër të tjera idenë hipotetike të një takse për ata që pushojnë në Greqi, si formë lufte ekonomike ndaj shtetit fqinj.

Qeveria e Serbisë dhe ajo e Republikës Srpska kanë nënshkruar sot në Pallatin e Serbisë në Beograd, Deklaratën mbi Mbrojtjen e të Drejtave Politike dhe Kombëtare dhe të Ardhmen e Përbashkët të Popullit Serb. Sipas presidentit serb, Aleksander Vuçiç, dokumenti adreson Kosovën dhe respektimin e Rezolutës 1244 të OKB-së, pjesëmarrjen në dialog dhe zbatimin e marrëveshjeve.

Modelet e inteligjencës artificiale, me sa duket, po përmirësohen në gënjeshtra të qëllimshme.

Një ditë më parë ndihmësi kryesor i presidentit amerikan për kontrollin e armëve, Pranay Vaddi, deklaroi se SHBA mundet që në vitet e ardhshme të dislokojë më shumë armë bërthamore strategjike në vende të tjera si pasojë e kërcënimeve në rritje nga Kina, Rusia dhe kundërshtarë të tjerë. Lidhur me këtë deklaratë, përfaqësuesi kinez në SHBA ka reaguar duke cilësuar se SHBA po minon regjimin e çarmatimit bërthamor ndërkombëtar dhe atë të mospërhapjes së armëve, duke vënë në pikëpyetje sigurinë globale.

Sekretari i Përgjithshëm i NATO-s, Jens Stoltenberg, ka hequr dorë nga një plan pesë-vjeçar për t'i ofruar Ukrainës 100 miliardë euro (108 miliardë dollarë) ndihmë ushtarake pas kundërshtimit nga anëtarët e bllokut, raporton Bloomberg, duke cituar njerëz që kanë dijeni mbi këtë çështje.

Kryeministrja daneze, Mette Frederiksen, u sulmua fizikisht nga një burrë në një rrugë në Kopenhagë të premten, vetëm dy ditë para zgjedhjeve evropiane.

Policia daneze nuk ka dhënë detaje për sulmin, por njoftoi se ka arrestuar një burrë 39-vjeçar, i cili del sot para gjykatës së kryeqytetit.

Sulmi vjen përpara se danezët të shkojnë në kutitë e votimit në zgjedhjet e Parlamentit Evropian.

Incidenti u dënua menjëherë nga politika europiane.

Veprat dhe mendimi i autorit hebreo-austriak, Stefan Cvajg, janë të pandashme nga ideja e tij për Evropën. Vizioni i tij përfshin një vajtim nostalgjik për një botë të humbur (së bashku me një mënyrë për ta parë dhe për ta jetuar), pritshmërinë për një ëndërr që nuk është realizuar ende, dhe ndërtimin e hapësirave utopike përmes përvojës dhe kujtesës.

Spartak Ngjela, që nuk ka nevojë të prezantohet, e ka cilësuar protestën me djegie gomash të PD-së si "degradim mendor të Saliut". Mund të jetë. Por z. Ngjela pak kohë më parë i quante hiçmosgjë edhe mijëra të vrarë. Ka shqiptarë që duhet të rrinë në pushtet, ka ca që duhen të vriten për këta, ka edhe ca që nuk bëjnë. Njësoj si Ngjela mendon edhe një farë Lorenc Vangjeli, autori i veprës së njohur për Rruzhdien. 

Opozita në Serbi akuzon ambasadorin amerikan se mbështet hapur qeverinë dhe presidentin Vuçiç. Kreu i Partisë Opozitare për Liri dhe Drejtësi (SSP), Dragan Djilas, thotë se sjellja e ambasadorit Christopher Hill flet qartë për mbështetjen e "grupit të krimit të organizuar që po mban rob Serbinë".

Ministria e Forcave të Armatosura Revolucionare të Kubës njoftoi se "një nëndetëse me energji bërthamore dhe tre anije të tjera luftarake ruse do të ankorohen në ishullin e Karaibeve javën e ardhshme". Havana saktëson se ndër mjetet lundruese që priten në Kubë janë nëndetësja Kazan dhe fregata raketore Admiral Gorshkov.