Autoritetet irakiane janë duke u përgatitur për të shpallur një tjetër fitore të madhe. Suksesin e operacionit për rimarrjen e Mosulit, qyteti i dytë më i madh të vendit, i cili ka qenë nën kontrollin e xhihadistëve të Shtetit Islamik. Duke folur për AFP, gjenerali amerikan Robert Softz tha nga Bagdadi se: "Njoftimi është i pashmangshëm. Nuk mund të them nëse do të jetë sot ose nesër, por unë mendoj se do të jetë shumë shpejt." Sipas gjeneralit, xhihadistët janë duke luftuar deri në vdekje në një  perimetër të vogël në zemër të qytetit të vjetër, në afërsi të lumit Tigër.

Dje qarkulloi një lajm sipas të cilit nëse nuk ndryshoni gjendjen civile brenda 28 korrikut, gjobiteni me 10 000 lekë. Protagonist i këtij lajmi që përhap panik, ishte drejtori i Gjendjes Civile, Bledar Doracaj, i cili shpjegonte efektet e disa amendimeve ligjore mbi ligjin aktual për Gjendjen Civile, përmes një dispozite kalimtare, e cila pushon efektin pikërisht më 28 korrik. Kjo dispozitë anulonte për 6 muaj sanksionet ekzistuese (nga 3000 lekë bëhen 10 000 lekë) për mosdeklarim në afat të vendbanimit të ri. 

Gazeta “Zëri” në Kosovë raporton se dogana e Shqipërisë ka rritur tarifat për mallrat kosovare, duke sjellë kështu dëme ndaj biznesit të vendit fqinj. 

“Për sezonin e verës Dogana e Shqipërisë ka rritur tarifën për mallrat që do të eksportohen nga Kosova.
Kjo për tregun e Kosovës dhe ekonominë e vendit po vlerësohet e dëmshme dhe që do e rëndoj edhe më shumë ekonominë vendore.
Sipas njohësve të ekonomisë ky veprim nuk lë hapësira që Kosova të planifikojë të eksportojë në ndonjë vend tjetër rajonal”, shkruan gazeta. 

Ali Ahmeti, kreu i Bashkimit Demokratik për Integrim, thotë në një intervistë për gazetën “Kathimerini” se qeveria e re e Maqedonisë ka dy prioritete: zgjidhjen e problemit të emrit me Greqinë dhe anëtarësimin në NATO. 
“Zgjidhja e konfliktit për emrin është një prioritetet tona më të mëdha. Ne jemi fqinj dhe e ardhmja jonë e përbashkët është në BE. Greqia duhet të jetë fanari që do të na udhëheqë ne në BE. Ne do të anëtarësohemi në NATO me akronimin FYROM -IRFJM”, tha ai. Ahmeti ka shtuar se Shkupi nuk ka asnjë pretendim territorial ndaj Greqisë. 

Të shkruajnë më gërma të mëdha ankesat e tyre për administratën, sepse siç thotë kryeministri ai do të bashkqeverisë me njerëzit për katër vjet. Duke sugjeruar modestisht, që mos ta hajë njeri këtë karamele që u ngjan atyre monedhave që dikur turistët u hidhnin fëmijëve shqiptarë që u rendnin nga pas me pak fjalë anglisht, duhet të kujtojmë se kjo mënyrë e drejtimit me frymë kapanoni, do dëmtojë rëndë atë reformim të administratës dhe forcim të institucioneve. Mbani mend para disa muajsh një spot publicitar që dilte thuajse në çdo faqe të mediave online për të ashtuquajturit Sinjalizues?

Gjithcka që udhëheqësit botërorë mundën të bënin për ndryshimet e klimës gjatë samitit të G20, ishte një kritikë e fortë për presidentin amerikan, Donald Trump. Hendeku për këtë çështje nuk u kapërcye dhe lideret e  vendeve me te industrializuara te botes, përveç kreut të Shtëpisë së Bardhë ranë dakort të vijojnë me zbatimin e marrëveshjes së Parisit edhe pse Shtetet e Bashkuara vendosën të dalin nga zotimi i vitit 2015.

Më 26 prill, Komisioni Evropian propozoi krijimin e një Mekanizmi për të mbështetur dimensionin social të Bashkimit Evropian. Qëllimi është për të krijuar një "busull" për shtetet anëtare dhe organet evuropiane në fushën e punësimit. I gjashti nga njëzet parimet ka të bëjë me pagat dhe përfshinëtri pika kryesore. Së pari, e drejta e punëtorëve që  të paguhen në mënyrë të drejtë për të siguruar një standard të denjë jetese. Së dyti, krijimi i një "page bazë” të mjaftueshme” dhe  së treti, për të shmangur "kushtet e  varfërisë"në punë.

Dhjetëra liderë fetarë kanë nisur një tur europian në përkujtim të atentateve terroriste në Francë, Belgjikë, Britani e Madhe. Turi synon të japë një mesazh kundër sulmeve dhe të denoncojë. Nisma u mor nga disa imamë, teologë të Islamit nga Franca, Belgjika, Britania e Madhe dhe Tunizia, të cilëve iu bashkuan edhe përfaqësues të komuniteteve të tjera fetare. Turi  përfshin Berlinin,  ku organizatorët do të takohen me kancelaren Angela Merkel, Brukselin, Nisën dhe kthimi në Paris, më 14 korrik,  që përkon me 1 vjetorin e sulmeve në Nisë.

Më 6 gusht 1945 ndodhi një katastrofë e paimagjinueshme. Shtetet e Bashkuara hodhën  bombën e parë atomike në Hiroshimë.
Pjesa më e madhe e qytetit u dogj. Nga shpërthimi temperatura arriti në 4 000 gradë Celsius. Dhjetëra mijëra njerëz u asgjesuan. Numri i përgjithshëm i viktimave arriti në 140,000 mijë. Tre ditë pas Hiroshimës, një bombë e dytë atomike goditi Nagasakin.
Ne të gjithë i kemi parë imazhet e shkatërrimit. Qyteti i djegur, njerëzit që mbijetuan.

Eduart Selami qoftë edhe formalisht po e vë në pozitë të vështirë Lulzim Bashën, ndonëse fituesi i garës për kryetar të Partisë Demokratike është i paravendosur. Kundërshtar në letër apo i ngjashëm me Maqo Lakrorin, Selami po i qëndron linjës se Lulzim Basha është një model i dështuar dhe ky konstatim tejkalon konjukturat e brendshme në PD.