Edi Rama na thotë mirëmëngjes. Por edhe Erjon Veliaj e ka nisur këtë zanat. Të dy harrojnë të na thonë natën e mirë, por të paktën na kënaqin sytë me foto të bukura. Vetëm se Veliaj, nga ëndrrat që ka për Tiranën, ndodh që ta ngatërrojë me ndonjë vend tjetër. Të paktën këtë vërejtje ja bëjnë në Facebook me një foto që ai e di në Tiranë, ndërkohë që siç duket është në një kontinent tjetër. Sigurisht që po të klikoni linkun që ju çon në profilin e Veliajt, ku ishte postuar foto, ajo nuk ekziston më.  Sepse që Tirana të bëhet SHBA duhet edhe një mandat tjetër…

Një nga gjërat që e dallon politikën amerikane, apo atë të disa vendeve kryesore apo jo, është kultura e marrëdhënieve me publikun. Të cilës i kushtohet shumë rëndësi, aq sa zëdhënësat dhe këshilltarët dalin në konferenca për shtyp dhe u përgjigjen një sërë pyetjesh. Këtë praktikë e ka përforcuar shumë së fundmi edhe një vend si Rusia apo Kina, çka na provon se ndonëse jetojmë në epokën e komunikimit, asgjë nuk e zëvendëson kontaktin njerëzor. Madje konferencat për shtyp janë një mundësi për të korrigjuar të famshmet fake neës, për të izoluar rrugën e përhapjes së tyre.  

Imazhi i SHBA-së në botë është ndoshta në kuotat më të ulëta. Një vëzhgim i kryer nga Pew Research Center, kryer në 30 vende  në vitin 2013 dhe tani, pra 4 vite më pas, dëshmon për rritjen e një fryme antiamerikane në mbarë globin. 38% e njerëzve mendojnë se SHBA pëërbën kërcënim kryesor për vendin e tyre, krahasuar me 13% që ishte kjo shifër në vitin 2013.

Ai ishte fenomeni i parë i vërtetë Rilindjes, artisti që pikturoi Mona Lizën dhe një shpikës inovativ që ka projektuar helikopterin dhe parashutën. Leonardo Da Vinci ishte një gjeni i vërtetë puna e të cilit shenjoi historinë e shekujve të mëvonshëm. Pavarësisht nga çdo gjë tjetër, ishte një njeri që shkruante shënimet e tij nga e djathta në të majtë, duke i bërë ato të kuptueshme vetëm me përdorimin e pasqyrës .

Nuk është çudi të duam të mësojnë më shumë mbi mënyrën e të menduarit të Da Vinçit, ky piktor legjendar, inxhinier, matematikan dhe tërësisht vizionar si njeri. 

 Italianët preferojnë Shqipërinë dhe Rumaninë, gjermanët me gjasë Bullgarinë. Është fjala për një lloj tjetër emigrimi, jo thjesht për arsye ekonomike, por një rikthim në një lloj jete që perëndimi e ka asgjësuar përfundimisht. Al Jazeera shkruan për zhvendosjen e disa gjermanëve në Bullgari, një vend që ka përjetuar shpopullim masiv të fshatrave. Fshati Odrintsi është një prej tyre, me vetëm dy banorë: një grua e shkuar në moshë dhe një bari. Tani kanë ardhur gjermanët, 14 të rritur dhe 5 fëmijë. Blenë 8 shtëpi të vjetra dhe i rregulluan.

Me Gjermaninë është e lehtë të bësh diplomaci. Mjafton të përmendësh reparacionet e luftës. E bëri Greqia gjatë kohës më të vështirë të krizës financiare, por së fundmi po e vendos në axhendë edhe Polonia. Bloomberg raporton se deputetët e partisë Ligj dhe Drejtësi, që ka shumicën, po rishikojnë mundësinë nëse do të kërkojnë reparacione të mëtejshme nga Gjermania ose jo për LIIB. Kreu i partisë Jaroslaw Kaczynski deklaroi një javë më parë se “Polonia po përgatit një kundërfensivë historike”, ndonëse Polonia e regjimit komunist e ndërpreu kërkesën për reparacione pas vitit 1953.

Samiti i Podgoricës mbajtur me iniciativën amerikane, rikonfirmoi angazhimin e SHBA-së në çështje të sigurisë për rajonin e Ballkanit Perëndimor. Nuk është e rastit që vizita e Pence në Mal të Zi formalisht u realizua nën ombrellën e Kartës së Adriatikut, një krijim amerikan për promovimin e anëtarësimit në NATO të vendeve të Ballkanit. Karta e Adriatikut u nënshkrua në Tiranë në vitin 2003  dhe që prej themelimit, nismës i janë shtuar edhe dy anëtarë, Mali i Zi dhe Bosnja, si dhe Kosova e Serbia në cilësinë e vendeve vëzhguese.