Megjithë polemikat Këshilli Bashkiak i Himarës miratoi planin rregullues të Himarës  ku përfaqësuesit e PS-së dhe PD-së votuan pro. Plani rregullues i Himarës parashikon zgjatimin e shëtitores së qytetit deri në afërsi të portit, ndërsa nga zgjatimi i saj preken disa ndërtime në këtë zonë, të cilat do të shemben. Mes personave të prekur nga ky plan janë edhe vetë Beleri dhe Neranxi, të cilët zotërojnë prona në mesin e ndërtesave që parashikohen të shemben pas miratimit të planit.
Athina e konsideron kete shkelje te te drejtave te Njeriut te minoritetit grek ne vendin tone.

Bashkimi Europian do të trajtojë çështjen e lajmeve të rreme në nivel politik. Komisionerja e re për Dixhitalizimin Mariya Gabriel deklaroi se ajo do të krijojë një grup ekspertësh për të vlerësuar në kohë publikimin e lajmeve të rreme nga platformat online. Komisionerja do t’i kushtojë 3 muaj konsultime publike kësaj teme duke kërkuar mendime dhe sugjerime mbi çështje konkrete të cilat mandej mund të shërbejnë edhe për integrimin e tyre në ndryshime legjislative. Këto të fundit nuk prashikohen të prezantohen së shpejti. 

Ish – deputeti i Partisë Demokratike, Sherefedin Shehu flet në një intervistë për gazetën “Shekulli” për ndërhyrjet që po aplikohen në qeveri nga kryeministri Edi Rama. Ndonëse nuk është e qartë nëse Shehu flet në tagër personal, apo përfaqëson një mendim edhe të PD-së, “idetë” e tij për pakte thuajse për çdo gjë, flasin për një refuzim të demokratëve, apo atyre që quhen të tillë, për të qëndruar në opozitë. Thotë Shehu për administratën: 

Ministria ruse e Mbrojtjes ka deklasifikuar një sërë dokumentesh deri më tani sekrete, që përshkruajnë aspekte të ndryshme të betejës së Stalingradit. Siç dihet beteja në fjalë nisi më 17 korrik 1942(23 gusht sipas një vlerësimi tjetër) dhe u konsiderua e përfunduar më 2 shkurt 1943 për të hyrë në histori si beteja më mizore që është zhvilluar ndonjëherë.

Greqia është e para në listën e vendeve me shkallë të lartë të "ekonomisë informale". Sipas një studimi nga Instituti i Kërkimeve Ekonomike të Aplikuara, të Universitetit të Tübingen në Gjermani, ekonomia e zezë në shtetin fqinj është nivelin 21.5% të GDP-së për 2017.

Për Italinë ekonomia informale llogaritet në 19.2%, për Spanjën në 17.8%, për Gjermaninë në 10.4%, ndërsa për SHBA  në 5.4%. Për Norvegjinë, ekonomia e zezë llogaritet në 12.2% të PBB-së, për Mbretërinë e Bashkuar në 9.4%, për Japoninë  në 8.6% ndërsa për Zvicrën në 6%.

Në listën e gjatë me 18 500 biznese që rezultojnë debitore pranë autoriteteve fiskale, Drejtoria e Përgjithshme e Tatimeve paralajmëron për bllokim të llogarive bankare edhe 13 bashki.  9 prej tyre kanë hyrë në listën e borxhit tatimor pas bashkimit që ndodhi nga reforma administrativo – territoriale. Detyrimi që zyrat e pushtetit lokal kanë në tatime lidhet me mosderdhjen e kontributeve të sigurimeve shoqërore për një pjesë të stafit të tyre.

Sot në disa televizione u raportua se mbledhja e këshillit bashkiak të Himarës u transferua në Kuç të Vlorës, për shkak të tensioneve të provokuara sipas këtyre të dhënave nga përfaqësues të Omonias si Fredi Bejleri dhe biznesmeni Nikollaq Neranxi. Këta kanë shkuar edhe në Kuç por mandej janë larguar për të lënë vijimin e mbledhjes me konsensus mes PS, LSI dhe PD. Në mbledhje diskutohet plani i ri rregullues që sipas Rilindjes do transformojë zonën ndërkohë që banorët ankohen se po u grabitet prona. 

Rex – 1, kështu quhet prototipi i armës antidron që është prezantuar nga koncerni Kalashnikov në panairin e armëve në Moskë këtë vit. Ajo po testohet për njësitë e Gardës Kombëtare dhe konsiderohet si armë radiomagnetike e cila neutralizon komandën e dronëve, apo pjesës më të madhe të tyre. Po ashtu ajo bllokon sistemet GSM, GPS, GLONASS dhe Galileo. Arma mund të përdoret në mënyrë efektive pa ndërprerje për katër orë dhe rikarikohet për katër orë në 220 volt. Koncerni po mendon zhvillimin edhe të një versioni për tregun civil që mund të kushtojë 5000$ njësia. 

Si mund të merresh me hashash në Shqipëri? Ka disa mënyra. Më parë ka qenë e vështirë; duhej një lidhje jashtë, pastaj këtu duhet të punoje në grup dhe të korruptoje ndonjë oficer policie, shqiptar apo të huaj, sipas doganës dhe të përpiqeshe të kaloje mallin. Lazarati u kthye në pikën kryesore të kultivimit dhe shpërndarjes dhe siç thonë shumë zëra edhe të informacionit për policinë.

Një gjykatë në Indi ka vendosur se Taj Mahal është një mauzoleum mysliman i ndërtuar nga perandori Mughal për të nderuar gruan e tij të vdekur. Gjykata ka zgjidhur një debat mes myslimanëve dhe hinduistëve për origjinën e tempullit. Shërbimi arkeologjik indian që mbron monumentet me rëndësi kombëtare ka dhënë pikëpamjen e tij në përgjigje të një peticioni të nënshkruar nga nga 6 avokatë që deklaronin se tempulli që ndodhet në qytetin e Agras në origjinë quhej Tejo Mahalava dhe i dedikohej perëndisë hindu, Shiva.