Pas reagimit të Shoqatës së Bankave për miratimin e tarifës së re të përmbarimit ka ardhur përgjigja e Dhomës Kombëtare të Përmbaruesve Gjyqësorë. Dhoma e cilëson disinformuese deklarimin dhe fushatën e bankave, ajo flet për sovranitet bankar që tenton të kundërvihet ndaj sovranitetit shtetëror mishëruar në ligje dhe akte nënligjore, ndërkohë që konsideron se veprimet e dy ministrave teknikë janë konform procedurës ligjore të iniciuar më parë.

Gazeta izraelite Haaretz sjell në një shkrim të sotëm, historinë e një mjeku gjerman, Hellmut Haubold, profesor pediatër në Mynih, i cili në janar të vitit 1960 u ftua nga disa prindër hebrej në Izrael që të trajtonte disa fëmijë me sindromën Daun. Në atë kohë shkruan gazeta, përflitej se doktori aplikonte një metodë të re që konsistonte në injektim qelizor në trurin e fëmijëve me probleme. Mediat raportuan si lajm mbërritjen e mjekut, i cili nga sa rezulton së fundmi ka qenë një nga drejtuesit e ekipit të mjekëve SS që kryenin eksperimente në kampin e përqendrimit në Buchenwald.

Për qytetin ka patur raportime vetëm nga historiani hebre Josephus Flavius. Qyteti u zbulua në veri të detit të Galilesë, në Luginën Bethsaida.

Ilir Meta sot është President i Republikës dhe prej gojës së tij nuk mund të dalin më ato frazat e mënyrës dëftore me mesazhe njëdrejtimëshe. Po kështu Ilir Meta e ka të vështirë edhe gjestikulacionin e të fortit që hakërrehet me duar dhe këmbë nga ndonjë foltore duke gënjyer ndonjë të mbetur para televizorit se ai është trimi i fundit në Shqipëri; kjo sepse fati politik e paketoi në krye të shtetit.

Drejtuesi i gazetës greke “Kathimerini” Alexis Papachelas i kushton sot një opinion lobit greko – amerikan. Ky i fundit është shpesh temë lajmesh edhe në Shqipëri dhe ushqen lloj- lloj alibish si për pushtetin e Tiranës, ashtu edhe për ata protagonistë të periferisë politike që ja dalin të qarkullojnë ndonjë fotografi. Për këtë arsye shkrimi i Papachelas ka një farë interesi për të hedhur dritë mbi ndryshimet që kanë ndodhur në atë që konsiderohet si lob i fuqishëm në Shtëpinë e Bardhe, por edhe strategjinë e lobimit. 

Usain Bolt, njeriu më i shpejtë në planet e mbyll karrierën me humbje. Në finalen e 100 metrave të botërorin e atletikës që po mbahet në Londër ai u rendit i treti, me kohën 9 sekonda e 95 të qindat, 3 të qindat më pak se amerikani Xhastin Gatlin.

Në gjithë vendin mësohet se  janë djegur më shumë se 500 hektarë pyje e kullota nga zjarret e shpërthyera që prej qershorit. Edhe këtë vërë Emergjencat Civile kanë kërkuar ndihmën e avionëve nga Greqia dhe Italia pasi  vendi ynë nuk ka avionë ujëhedhës. Tv Klan raporton se 20 bashki nga 61 që ka i gjithë vendi, nuk kanë fare shërbim zjarrfikës, ndaj dhe sytë jane drejtuar nga vendet fqinje ku është kërkuar dergimi i avionëve për të shuar nga ajri zjarret e shumta që janë shënuar këtë verë . Sipas Emergjencave Civile 90 për qind e rasteve janë zjarrvënie të qëllimshme.

Themeluesi i Wikeleaks, Julian Assange në një opinion të botuar në gazetën "Washington Post"  akuzon publikisht CIA-n dhe kreun e saj, Mike Pompeo se janë kundër fjalës së lirë. Asange thotë se Mike Pompeo, në fjalimin e tij të parë si drejtor i CIA-s, zgjodhi t’i shpallë luftë fjalës së lirë dhe jo kundërshtarëve të vërtetë të Shteteve të Bashkuara, duke e konsideruar WikiLeaks si një "shërbim informacioni armiqësor".

Ka një përpjekje tinzare në mediat e pushtetit të Tiranës për të amplifikuar atë që ka ndodhur këto ditë në Maqedoni me ligjin për gjuhët. “Zyrtarizohet gjuha shqipe”, ky është titulli që po synohet t’i ngulitet në mendje shqiptarëve, si e si që të shitet një sukses diplomatik i Tiranës zyrtare që mori pjesë aktivisht në minimin e stabilitetit politik e institucional të Maqedonisë në muajt e fundit.

Më 16 prill qytetarët turq votuan në favor të disa amendamenteve tërësore kushtetuese që e rishkojnë sistemin qeverisës drejt një modeli të presidencës me fuqi ekzekutive, një lëvizje e konsideruar si fillimi i një ere të re në Turqi. Në frymën e këtyre amendamenteve, presidenti Recep tayyip Erdogan u zgjodh kryetar i Partisë për Drejtësi dhe Zhvillim(AKP) në muajin maj por do të duhet të presim deri në zgjedhjet e vitit 2019 – nëse jo më shpejt – të ndjejmë zbatimin e kushtetutës së amenduar.