Si deputete, dhe sidomos si qytetare e Vlorës, si një grua me lidhje gjaku, fisi e shpirti me këtë zonë, ku përfshihet edhe Himara, pres një gjë nga zoti Rama të flasë për Himarën si Kryeministër i Shqipërisë dhe jo si estet, jo si biznesmen, jo si arkitekt dhe, sidomos, jo si artisti që është bërë Kryeministër “për të ndryshuar botën”. Ai zgjedh këtë gjuhë dhe këtë aksion, në vend të fjalorit dhe veprimit të një Kryeministri, që e ka për detyrë të qeverisë vendin, dhe jo territoret e imagjinatës apo interesave të veta.

Panajot Barka, opinionist dhe publicist që shkruan shpesh për çështjet e minoritetit grek në Shqipëri, ka publikuar një opinion për lëvizjet e fundit të ministrit të Jashtëm, Ditmir Bushati. Barka merr në shqyrtim itinerarin e javës së kaluar të Bushatit nga Derviçani  në Kakavijë dhe mandej në Janinë. Vizita e tij përkoi me një situatë të pakëndshme në doganë ku qindra qytetarë ishin bllokuar për shkak të një defekti në sistemin TIMS në Greqi. Por Barka vë në dukje tjetër gjë. Sipas tij, Bushati u bojkotua nga emigrantët shqiptarë në takimin e Janinës dhe kjo për arsye shumë të qarta.

Kryeministri Edi Rama ka deklaruar sot nisjen e operacionit për kontrollin dhe menaxhimin e ujit. Sipas tij parimi që do të udhëheqë këtë operacion është I njëjtë me atë për energjinë elektrike. Pra afat për shlyerjen e pagesave, vendosje matësash dhe mandej penalizime për ata që refuzojnë. Në sistemin e formalizimit dhe matjes, pra edhe pagesës do të përfshihen edhe puset e hapura në mbarë vendin.

 Shërbimi Informativ i Shtetit ka kundërshtuar përmes përfaqësuesve, buxhetin e akorduar nga qeveria për vitin 2018. Në mbledhjen e mbajtur për këtë çështje në Komisionin Parlamentar të Sigurisë, përfaqësues të SHISH, kanë kundërshtuar fondin 1.5 miliardë lekë duke kërkuar para shtesë për ndërtime godinash, paga dhe përgjime. Report Tv citon burime brenda mbledhjes së Komisionit, sipas të cilave kërkesa e SHISH është pranuar nga deputetët me arsyetimin se kontribuon te siguria kombëtare.

Materiali i mëposhtëm trajton efektet e naftës në zonën e Patosit, ku fushat inaktive po kthehen në pika kritike ndotjeje me pasoja për shëndetin e njerëzve. 

Ambasadori rus në Beograd, Aleksandr Chepurin ka provokuar reagime në Serbi pas deklaratës së tij për median ruse “Sputnik” se vizitës së zv.ndihmës sekretarit amerikan të Shtetit, Yee, iu kushtua shumë vëmendje. Një akademik serb, Dusan Teodoroviç, ish-anëtar i lëvizjes opozitare “Mjaft është Mjaft” dhe një nga themeluesit e lëvizjes së Qytetarëve të Lirë, ka reaguar duke i kujtuar Chepurin se nuk ka pse ta ndihmojë më Serbinë. Po kështu thirrja i ka shkuar edhe Qendrës Humanitare në Nish, për të ciln Teodoroviç shprehet se nuk duhet të vijojn më me qëndrimin në Serbi.

Një grup emigrantësh kanë protestuar dhe gati sulmuar ministren daneze për Imigrimin, Inger Støjberg, e cila ishte për një vizitë në një qendër deportimi në Sjælsmark. Emigrantët ishin të irrituar pas refuzimit prej saj të kërkesës së tyre dhe për faktin se ministrja i kushtoi vëmendje vetëm një familjeje. 

Saad Hariri, që dha dorëheqjen të shtunën si kryeministër i Libanit, është përballur përherë me një situatë pa rrugëdalje teksa përpiqej që të shërbente në atë rol. Largimi i tij njofton një rritje të tensioneve mes Arabisë Saudite dhe Iranit që përballen në rajon dhe që ka implikime thelbësore për Izraelin. 

Një sulm i përgjakshëm tronditi të dielën Teksasin teksa një person hyri në një kishë dhe vrau të paktën 26 besimtarë që ndodheshin brenda saj. Mes viktimave raportohet të jenë persona nga 5 deri ne 70 vjeç

Policia amerikane ka zbardhur të dhenat mbi autorin e masakrës së një dite më parë në një kishë të Teksasit ku mbetën të vrarë 26 persona dhe u plagosën 20 të tjerë. Ai është një ish-ushtarak 26 vjeçar i quajtur Devin Patrick Kelley i njohur si atesit dhe predikues on line i bindjeve të tij. Në postimet në internet ai i quante qesharakë të gjithë ata që besojnë në Zot.