Nga janari qeveria do të fillojë të mbledhë taksën e pronës, një tarifë që do të vendoset mbi vlerën reale të tregut të dhe do të vilet përmes faturës së energjisë elektrike. Burime zyrtare në Ministrinë e Financave thanë për televizionin Klan se rritja për individët do të variojë nga 20- 50% të shumës që paguhet sot, ndërsa për godinat në periferi nuk do të ndryshojë. Bizneset, që aktualisht paguajnë një tatim të lartë, do të kenë një taksë më të zbutur vitin e ardhshëm.

Krimi dhe lidhjet me politikën  janë bërë temë e ditës për shkak të situatës me ngjarjet e fundit në Elbasan, Vlorë, e Lushnjë, por edhe pas publikimit të disa fotove nga kryetari i PD-së Lulzim Basha, ku pretendohet se ministri Blendi Klosi është mbështetur gjatë zgjedhjeve nga Durim Keçi, person që sipas tij është në kërkim ndërkombëtar. Në parlament pati akuza dhe kundër akuza, por interpretimin më të thjeshtuar dhe më të sinqertë duket se e ka bërë deputeti socialist, njëherësh dhe ministër, Pandeli Majko.

Presidenti i Shqipërisë, Ilir Meta, ka përsëritur sot refuzimin e tij ndaj kërkesës së homolgut kosovar për dhënie shtetësie shqiptare për qytetarët e Kosovës, si një mënyrë për shmangien e penalizimit në lëvzjen e lirë. Sipas Metës kjo nuk është zgjidhje për qytetarët e Kosovës, as afatshkurtër dhe as afatgjatë.

Kryetari i PD-së, Lulzim Basha publikoi disa foto që sipas tij dëshmojnë për lidhjet kriminale të kryeministrit me kontigjentë të shpallur në kërkim nga Interpoli dhe të mbrojtur nga policia shqiptare.

Basha foli me emra, duke përmendur Durim Keçin si personi që shfaqet në një foto me ministrin e Turizmit, Blendi Klosi. Personazhi në fjalë sipas kreut të PD-së ishte në kërkim nga policia italiane, por i pa përfshirë në sistemin e Interpolit nga policia shqiptare.

Ministri i Jashtëm Ditmir Bushati ka folur sot në seancën plenare në mbrojtje të projektligjit për pakicat kombëtare. Sipas ministrit, diskutimet për projektligjin kanë qenë të shumta, në to kanë marrë pjesë shkencëtarë “nga ata të vërtetët”, projekti ka qenë ekspozuar në faqen online për 40 ditë dhe ka patur angazhim të 35 shoqatave të ndryshme. Ministri ka refuzuar ose ka anashkalur vërejtjen e bërë nga përfaqësuesit e LSI-së për faktin se projektligji nuk ndan mes pakicës kombëtare dhe minortetit etnolinguistik.

Kryeminstri grek, Alexis Tsipras ka hequr një ditë kostumin e zyrës për të provuar ndjesinë e fluturimit me një avion F16. Me emrin e tij shkruar në skaf, avioni është ngritur nga pista e Larisës, ku kryeministri grek është pritur nga krerët e ushtrisë greke, Admirali Vangelis Apostolakis dhe Shefi i Shtabit të përgjithshëm, Christos Christodoulou. Për prova të tilla shumëarmëshe, më i njohuri ndër politikanët është presidenti rus, Vladimir Putin.

Katalonja nuk është i vetmi rajon në Europë, që kërkon më shumë pavarësi. Skocia, Tiroli i Jugut, Aland, Flandra e ndoshta edhe Bavaria. Lista nuk është e plotë. Disa rajone madje nuk kërkojnë mëvetësinë, por vetëm më shumë autonomi, ndërsa të tjerë rajone si Skocia apo Katalonja duan të bëhen shtete nacionale. Këto forca separatiste shihen në BE në Bruksel me ndjenja të dyjëzuara. Sepse ato venë në pikëpyetje rendin e shteteve ekzistuese nacionale. Por mbrojtja e integritetit të shteteve nacionale, që janë anëtarë të BE-së, është pjesë e marrëveshjeve të BE-së.

Ministri i Jashtëm gjerman, Sigmar Gabriel ka paralajmërur se tërheqja e SHBA-së nga marrëveshja bërthamore me Iranin  mund të ketë pasoja të thella në peizazhin ndërkombëtar.

“Është imperative që Europa të qëndrojë e bashkuar në këtë çështje. E duhet t’u themi amerikanëve se sjellja e tyre mbi çështjen e Iranit do të drejtojë europianët në një pozicion të përbashkët me Rusinë dhe Kinën kundër SHBA-së”, tha Gabriel në një intervistë për gazetën e grupit “RND”, citon “Deutsche Welle”.

1. Grupimi kryesor i biznesit që bën evazion (fsheh taksat) është biznesi i madh. Kjo ndodh si përmes korruptimit të institucioneve, si doganat, tatimet, inspektimet, etj., por edhe lidhjeve të shkurtra me lidershipin politik të vendit. Ndërkaq, e njëjta gjë ndodh edhe nëpërmjet mospajisjes së sipërmarrësve të vegjël me faturën përkatëse tatimore.

Nënkryetari i Lëvizjes Socialiste për Integrim, Luan Rama ka hartuar një letër publike drejtuar kreut të Kuvendit Gramoz Ruçi, përmes të cilës sugjeron që ligji për pakicat kombëtare të mos miratohet. Më poshtë letra e plotë:

Projektligji "Për mbrojtjen e pakicave kombëtare" në mënyrën si është paraqitur, nuk duhet miratuar.

I nderuar zoti Kryetar i Kuvendit!