Presidenti i Serbisë, Aleksandër Vuçiç, ka deklaruar se pa njohjen, apo normalizimin zyrtar të marrëdhënieve me Prishtinën, anëtarësimi i plotë i vendit në Bashkimin Europian, nuk do të jetë i mundur. 

“Ju duhet të normalizoni situatën, na thonë. Cilido qoftë interpretimi, kjo është se çfarë pret BE-ja”, tha Vuçiç gjatë një fjalë në Arandjelovac.

“Nuk është një njohje, askush nuk flet në atë mënyrë. Ata flasin mes rreshtave, por jo në atë mënyrë , por kjo është ajo çfarë mund t’ju them”, shtoi presidenti serb.

Spartak Braho, themelues i LSI-së dhe një nga njerëzit më të afërt të Ilir Metës, ka dhënë së fundmi një intervistë për gazetën “Dita” përmes së cilës ka bërë publike divorcin përfundimtar me partinë ku aderoi që nga viti 2004. Braho ka bërë disa komente edhe për kursin e ri të LSI-së që e cilëson si rrugë pa krye teksa ka vlerësuar se edhe ndarja e saj me PS-në është ndoshta përfundimtare.

Media të ndryshme në Kosovë përcjellin lajmin e një interviste të Shkëlzen Maliqit, këshilltar i kryeministrit Edi Rama, për mediat serbe. I cituar nga mediat kosovare, Maliqi ka propozuar idenë e shkëmbimit të territoreve mes Serbisë dhe Kosovës. Sipas tij, kjo politikë kushtëzohet nga njohja e Kosovës nga Serbia, pasi përndryshe nuk ka sesi të kryhet shkëmbimi i territoreve që përfshin Veriun e Kosovës me Luginën e Preshevës.

Si autori i një fjalori të hershëm shumëgjuhësh, në të cilin është përfshirë edhe gjuha shqipe (1770), T. Kavalioti ka zënë një vend të qëndrueshëm në historikun e shkrimeve shqipe. Vepra e tij është në të vërtetë i dyti fjalor i botuar që përmban një leksik të shqipes, pas Fjalorit latinisht-shqip të Frang Bardhit (1635). Autorët që kanë shkruar për të kanë shprehur pikëpamje të ndryshme për vendlindjen e tij, ndërsa mbizotërojnë mendimet se ishte nga familjet e ardhura prej kohësh nga Kavalla e Greqisë ose nga Kavaja.

Rusia dhe SHBA po transferojnë tensionet në raportet shtetërore drejt mediave. Pak ditë më parë, SHBA e detyroi televizionin Russia Today që të regjistrohet si agjent i huaj, vendim që ka sjellë reagimin e Moskës. Duma ruse ka miratuar një ligj, sipas të cilit autoritetet ruse kanë të drejtë të emërtojnë çdo organizatë të huaj mediatike si “agjent I huaj”, duke sinjalizuar kundërmasat ndaj mediave amerikane. 

Qeveria greke ka menduar që të përballet me fenomentin e lajmeve të rreme, duke vendosur në faqet online të çdo ministrie rubrikën: “Fake News”. Në rubrikën në fjalë përfshihen përgënjeshtrime, informacione apo të dhëna që janë publikuar në mediat e ndryshme, të cilat konsiderohen të pabazuara. Sipas mediave greke, në rubrikën në fjalë janë përfshirë shumë materiale që janë publikuar së fundmi.

Lumenjtë mund të duken si një zgjidhje e pastër dhe e lehtë për Shqipërinë dhe vendet e tjera të uritura për energji. Por djalli fshihet në detaje. Kështu e nis shkrimin  www.outsideonline.com duke iu referuar ndwrtimit tw disa digave pwr hidrocentaralet qw parashikohet tw ngrihen mbi lumin Vjosë.

Kryetari i Komisionit Parlamentar të Ekonomisë, Erjon Braçe, ka deklaruar gjatë një interviste për emisionin “Koaludim” në InTV se investimi në Palasë nuk mund të quhet strategjik. Fjala është për Green Coast, të ashtuquajturin fshat turistik që ndërtohet nga Samir Mane dhe në kuadër të ligjit për investimet strategjike përfiton lehtësi të konsiderueshme.

Me 66 vota “pro” dhe 41 “kundër” Parlamenti i Maqedonisë  votoi nevojën për sjelljen në kuvend të  projektligjit për përdorimin e gjuhëve. Për shumicën parlamentare ligji do të kontribuojë në bashkëjetesë, nuk e prish karakterin unitar dhe është në pajtim me Kushtetutën, ndërsa opozita maqedonase thekson se ky ligj është anti-kushtetues dhe do të sjell dygjuhësi në gjithë shtetin.