Bisedimet e lëna pezull në Kretë mes ministrave Bushati e Kotzias do vijojnë në Janar në Tiranë.  Ministri i Jashtëm shqiptar, Ditmir Bushati tha në një intervistë për VOA se diskutimet do të vijojnë në raundin e dytë në pikën ku janë lënë. 

“Ne kemi shtruar të gjitha çështjet që datojnë që nga Lufta e Dytë Botërore deri në ditët e sotme. Besoj se jemi në një rrugë më të mirë seç kemi qenë. Do të ketë një raund tjetër në janar, këtë herë në Shqipëri, ku ne do të vazhdojmë mbi ato diskutime që kemi bërë, sidomos gjatë takimit të fundit në Kretë” – tha Bushati.

Atë që deri dje e konsideronin politikë të stekës së ulët, socialistët tashmë po e përdorin në funksion të imazhit të tyre në një situatë ku baltosja nga permbytjet duket se mbart përgjegjësi penale për segmente të strukturave shtetërore dhe projekte që kanë qenë edhe publikisht nën kujdesin e kryeministrit. 

Presidenti i SHBA Donald Trump ka vendosur të tërheqë Shtetet e Bashkuara nga Pakti i OKB-së për menaxhimin e krizave të emigrantëve dhe refugjatëve, pasi ai beson se ky Pakt është "i papajtueshëm" me politikën e tij të emigracionit.

"Misioni i Shteteve të Bashkuara në Kombet e Bashkuara ka njoftuar Sekretarin e Përgjithshëm se Shtetet e Bashkuara po ndërpresin pjesëmarrjen  në Paktin Global për Imigracionin, i njohur ndryshe si Deklarata e New Yorkut"- bëri të ditur delegacioni i SHBA në OKB.

Protestuesit kanë dalë në shesh në Izrael për të protestuar kundër një ligji që detyron policinë që të mos publikojë rekomandimin e saj për formulimin e akuzës pas përfundimit të një hetimi. Aktualisht në hetim është edhe kryeministri Netanyahu. 

Ja një lajm “allosoj” nga Kina. Revista “Diplomat” shkruante dje në një përmbledhje të vetën, për një situatë të pazakontë ku janë vendosur kompanitë e huaja që operojnë në Kinë. Sipas tyre, Partia Komuniste po kërkon të perfshijë njerëz të vet në strukturat menaxhuese të tyre, diçka që është e papranueshme. Kompainitë e huaja kanë ngritur zërin, madje në muajin korrik të këtij viti, ato u mblohën për të diskutuar situatën e krijuar.

Bernd Fisher është një prej anëtarëve të komisionit për rishkimin e teksteve të historisë, në veçanti të kapitullit të Luftës së Dytë Botërore. Në një intervistë për Televizionin Shqiptar ai jep disa konsiderata për këtë periudhë por edhe për debatin mbi datën e çlirimit apo ndikimin e perandorisë Osmane.

Nëse flasim për veçantitë e Shqipërisë në periudhën e pushtimit, si nga italianët, ashtu edhe nga gjermanët, cilat janë gjetjet që në një farë mënyre ju kanë befasuar?

Rexhep Taip Erdogan do të jetë në Greqi më 7 dhe 8 dhjetor me ftesë të Presidentit grek, Prokopis Pavlopulos. Presidenti turk do të takohet me udhëheqjen politike të vendit dhe do të vizitojë zonën e Trakës ku jeton një minoritet fetar i besimit islam. Për palën greke dialogu me fqinjët është i rëndësishëm, sidomos në një kohë të vështirë për marrëdhëniet midis dy vendeve.

Përmbytjet po tregojnë se dëmet mund të jenë kolosale, në krahasim me fondin që ka në dispozicion qeveria për emergjencat civile. Megjithëse është herët të flitet për shifra, shuma e vënë në dispozicion nuk është premtuese. Nga ana tjetër edhe pse është pranuar se Shqipëria hyn në zonat e rrezikut, fondet për emergjergjencat janë ulur.

TemaTv

50% e transportit të udhëtarëve që lëvizin mes Shqipërisë dhe Greqisë kryhet në kushte informale. Revista ekonomike “Monitor” sjell përmes një shkrimi të djeshëm një situatë të pazakontë të krijuar për operatorët shqiptarë të cilët i kërkojnë ndihmë shtetit shqiptar që të ndërhyjë.

Mirëqenia e përgjithshme në botë mund të jetë rritur, por bashkë me të, dhe problemet janë shtuar. Dhe ato po shfaqen këmbëngulëse dhe të thella për nga pasojat e veta aty ku pritej më pak. Ushqimi dhe kultura e të ushqyerit është sot një ndër problemet kryesore në botë. Nga njëra anë ka qindra milionë të uritur, nga ana tjetër ka qindra milionë obezë. Të dyja janë faktorë që në fund peshojnë në jetëgjatësinë e njeriut dhe ekonominë globale.