Vendimi i qeverisë shqiptare për fillimin zbatimin së  marrëveshjes për ngritjen e varrezave të ushtarëve grekë të rënë në luftën e Dytë Botërore është parë nga mediat e vendit fqinj si një hap mbrapa i kryeministrit Edi Rama në raport me Greqinë. Seksioni grek i CNN duke iu referuar mediave shqiptare shkruan se Takimi i Kretës me sa duket prodhoi një marrëveshje, dhe vendimi i 13 dhjetorit i qeverisë shqiptare është zbatimi i pikës së parë të saj.

Kuotat e detyrueshme për marrjen e një numri të azilkërkuesve, për të cilat ka pasur grindje në samitin e BE, janë harruar. Marrëveshja për kuota nga shtatori i vitit 2015, si një masë për shpërndarjen e ngarkesës me refugjatët, ka qenë e afatizuar për dy vite. Por koha ka kaluar dhe kuotat nuk janë respektuar. Ndërkohë që vazhdimi i këtij afati nuk është parashikuar. Gjykata Evropiane i ka hedhur poshtë ankesat e Hungarisë dhe Sllovakisë, kundër kuotave. Edhe ato kanë qenë të detyruara të marrin azilkërkues nga Greqia dhe Italia.

Seanca e zgjedhjes së Prokurorit të Përkohshëm ka nisur me konfrontime fizike. Deputeti i PD-së, Sali Berisha ka dalë në foltore ku është penguar nga punonjësit e Gardës. Socialistët kanë sjellë për votim, kandidaten Arta Marku. Jashtë selisë së Parlamentit janë mbledhur protestues që janë sjellë aty nga PD-ja dhe LSI-ja. 

Një gjykatë në Kinë ka dënuar me vdekje 10 persona, të akuzuar për trafik droge apo vrasje dhe grabitje. Gjykimi dhe vendimi është dhënë para mijëra njerëzve që merrnin pjesë në seancën e hapur si spektatorë. Të akuzuarit u ekzekutuan menjëherë pas vendimit të marrë nga gjykata në Lufeng, në jug të provincës së Guangdong.

Kisha Autoqefale e Shkupit kërkoi anëtarësimin në Patriarkanën Bullgare, duke ngjallur reagimin e  Kishës Ortodokse Serbe dhe disa kishave të tjera. Në kërkesë parashtrohej nevoja që Kisha Maqedonase  të dilte nga izolimi në të cilin ajo e gjeti veten pas shkëputjes së Patriarkanës së Serbisë.

Opozita parlamentare po bën çmos ta paresë ditën e nesërme, pra 18 dhjetorin, si ditën e qametit dhe revolucionit. Shkëndijën do ta japë një protestë e orës 09:30 para Parlamentit, ku opozita, pra PD-LSI dhe partitë e tjera do të kundërshtojnë zgjedhjen e një prokurori të Përgjithshëm të përkohshëm.

Qeveria aktuale e ka kthyer në standard vetëpromovimin e ministrave përmes xhirimeve që kryhen nga stafet e zyrave të shtypit dhe më pas u përcillen mediave. Meraku është që ashtu si kryeministri Rama apo kryebashkiaku Veliaj, edhe ministrat të jenë sa më shumë të pranishëm në media. Në këtë garë të shfrenuar secili përpiqet të tregohet sa më praktik, ndonjëherë duke mos u kujdesur shume për atë çfarë del në kamera.

Autoritetet ruse kanë shmangur një sulm terrorist të Shtetit Islamik me ndihmën e CIA-s amerikane. Këtë e konfirmoi vetë presidenti rus Vladimir Putin, i cili i telefonoi homologut amerikan për ti shprehur mirënjohjen.

Siç bëjnë të ditur mediat ruse, zyrtarët e CIA-s kishin informuar kolegët e tyre të agjencisë ruse të zbulimit FSB për një plan të militantëve të Shtetit Islamik për të kryer një seri sulmesh terroriste të përmasave të mëdha në Shën Peterburg, më 16 dhjetor.

Me slogane kundër BE-së u takuan të shtunën në një hotel në Pragë liderët nacionalistë të krahut të djathtë nga 10 vende evropiane, duke përfshirë francezen Marine Le Pen, holandezin Geert Wilders, gjermanin Markus Pretzel, italianin Lorenzo Fontana dhe grekun Failos Kranidiotis. Takimi u zhvillua me iniciativën e çeko-japonezi nacionalist Tommy Okamoura me temë "një Europë e e shteteve kombe pa BE-në".

Karta patriotike e Partisë Socialiste në raport me Greqinë po shkërrmoqet, me qeverinë shqiptare që po përpiqet t'i japë një karakter diplomatik "zbythjes" nga fqinjët. Mediat greke vijojnë të flasin për progres në raportet shqiptaro-greke, bazuar në atë çfarë është arritur në takimin e Kretës mes ministrave Bushati- Kotzias.