Ahed Tamimi është vetëm 17 vjeçe dhe është kthyer në një nga simbolet e rezistencës palestineze ndaj izraelitëve. Kjo për shkak se bashkë me kushërirën e saj sulmuan me gurë dy ushtarë izraelitë Indinjatën e saj kundër regjimit izraelit ajo e ka shprehur kohë më parë kur ende fëmijë kafshoi dorën e një ushtari izraelit duke u përpjekur të ndalojë arrestimin e një djali palestinez. Fotoja bëri xhiron e internetit.

Gjykata Kushtetuese e Shqipërisë ka rrëzuar një kërkesë të Gjykatës Administrative të Vlorës, e cila kërkonte shfquqizimin si antikushtetues të nenit 91/4 të ligjit nr. 7703 “Për sigurimet shoqërore…”. Neni në fjalë sanksionon të drejtën vetëm për gratë të njohjes së viteve të shkollimit të lartë me shkëputje nga puna për efekt pensioni. Kjo e drejtë u njihet grave pavarësisht vendit ku kryhet shkollimi, për periudhën e viteve 2000-2032 dhe kur shkollimi nuk është më shumë se gjashtë vjet. 

Ballkani po kalon një klimë pozitive dhe kjo po konstatohet gjerësisht jo vetëm nga shtypi, por edhe nga qaqet politike që ndjekin zhvillimet. Udhëheqja politike në trekëndëshin, Shqipëri, Greqi, Maqedoni po investohet për të zgjidhur mosmarrëveshjet në një garë me kohën siç thotë gazeta “Rizospastis”, organ i së majtës ekstreme në Greqi, ose thënë ndryshe zëdhënëse e qëndrimeve të Partisë Komuniste.

Mediat koreanougore raportojnë për kontrabandë nafte mes Koresë së Veriut dhe Kinës duke shpërndarë me këtë rast edhe fotot përkatëse.

Që nga muaji tetor raportohen 30 raste dhe mënyra e kontrabandimit është rreshtimi i çisternave kineze me njësi detare të Koresë së Veriut në Detin e Verdhë.

Fotot satelitore janë shpërndarë nga agjencitë amerikane dhe konfirmojnë se Pekini zyrtar po mban në jetë regjimin Korean.

U bënë gati katër muaj që përballë qeverisë së drejtuar nga Edi Rama është krijuar një opozitë e re parlamentare. Të paktën për çështje të caktuara, PD-ja dhe LSI-ja janë bërë bashkë, me një sipërmarrje politike që kulmoi me protestën e fundit me rastin e zgjedhjes së prokurores së përkohshme.

Vitet e fundit, LSI-ja u kthye në një mit. Partia që qëndron gjithmonë në pushtet; partia që të siguron punë; partia që kushtëzon dy partitë e mëdha; partia që rritet dita ditës; partia e rinisë dhe e energjisë së pashteruar; partia që të mbaron punë, etj. Ky mit ra. E me sa duket zor se mund të ngrihet përsëri. Viti 2017 ishte viti i shkëlqimit por dhe i rënies së LSI-së.

U desh rrugëtimi me këmbë nga Patosi në Tiranë qe naftëtarët e rafinerisë së Ballshit të merrnin zgjidhje për pagat e prapambetura të muajit nëntor. Thuajse i njëjti film si me banorët e Zharrzës që themeluar të parët këtë lloj proteste, duke detyruar ministrin e linjës të ulet në bisedime.

Përse duhet që bisedimet të kryhen në Tiranë dhe pasi naftëtarët zënë derën e ministrit, kësaj pyetje vetëm qeveria mund t'i japë përgjigje. Gjithsesi  pas takimit me ministrin Gjiknuri është rënë dakord që naftëtarët do të marrin 100% të pagës së tyre për muajin nëntor.

Media të ndryshme në rajon po i bëjnë jehonë një deklarate të Daut Haradinajt, vëllai i kryeministrit të Kosovës, Ramush Haradinajt, sipas të cilit një arrestim nga Gjykata Speciale, do të aktivizonte sërish UÇK-në. 
Deklarata u bë për Klan Kosova dhe reflekton tensionin në rritje për çështjen e ngritjessë Gjykatës që e vendos Kosovën dhe luftën e saj në kontekstin e ekuivalencës kriminale me veprimet e forcave serbe. 

Sot ka shkruar për votën e Shqipërisë në OKB për Jeruzalemin edhe ish-kryeministri Sali Berisha. Nuk është hera e parë këto ditë që z. Berisha flet për këtë çështje, por shkrimi i sotshëm pason një serial konspirativ të opozitës që po kërkon të na bindë vetëm për një gjë: Edi Rama është antiamerikan dhe cenon raportet me SHBA-në. 

https://www.facebook.com/SaliBerisha/posts/925904694237105

Mohimi për 4 vite i situatës me kanabisin mund të ishte një refren që do ta dëgjonim edhe sot nëse përgjimet e Prokurorisë së Katanias nuk do nxirrnin në skenë emrin e ish-ministrit të Brendshëm, Sajmir Tahiri. Që pas këtij momenti, mazhoranca u detyrua të moderojë qëndrimin duke pranuar shtrirjen e fenomenit në të gjithë vendin, madje duke nisur të flasë për drunj të shtrembër brenda radhëve të saj. I fundit që ka komentuar çështjen e drogës është kryetari i parlamentit Gramoz Ruçi me një optikë që ngre shumë pikëpyetje.