Dhjetëra urdhra arresti janë lëshuar në kuadër të një operacioni të gjerë të SPAK kundër krimit të organizuar në Tiranë e Durrës. Operacioni i koduar “Plumbi i artë 2” është vijim i operacionit me të njëjtin emër, i nisur në vitin 2022 dhe bazohet mbi hetimet për bisedat në SKY ECC.

Mes emrave për të cilët janë lëshuar masa sigurie ka eksponentë të krimit, si Talo Çela dhe Hajdar Çopja, ish-gjyqtarja e shkarkuar nga vetingu Pajtime Fetahu, ndaj të cilës është vendosur masa 'arrest shtëpie', si dhe zv.drejtori i burgut të Bradasheshit Martin Musaj dhe dy efektivë policie.

Dje u njoftua në media vrasja e një prej njerëzve kryesorë të Hezbollahut në Liban, Faruk Shukr, për të cilin Izraeli pranoi se “ishte objektiv i një eleminimi të bazuar mbi kërkimin e shërbimeve sekrete”. Sipas palës izraelite Shukr mbahej përgjegjës për një sulm me rakte në Lartësitë Golan gjatë të cilit vdiqën 12 fëmijë.

Ndërkohë pak më vonë në Teheran u likujdua kreu i grupit palestinez Hamas, Ismail Haniyeh, një akt që nuk është marrë përsipër nga TelAvivi, por që në çdo eventualitet lidhet me të.

Qeveria e Giorgia Melonit në Itali ka nisur një riformatim të drejtimit të institucioneve kulturore në vend. Synimi është largimi i drejtuesve të huaj.

Ndër të parët që u larguan janë Eike Schmidt, me origjinë gjermane, që u largua nga drejtimi i Galerive Uffizi në Firence dhe britaniko-kanadezi James Bradburne, i cili ka drejtuar Pinacoteca di Brera në Milano.

Fermerët pas të dhënave të publikuara nga Autoriteti i Konkurrencës konfirmojnë se janë tregtarët që rrisin çmimet e produkteve të tyre deri në 100%.

Në tregun e shumicës në Lushnjë, MCN vëzhgoi nga afër çmimet e produkteve vendase ku dukshëm vihet re një rënie e shitjes.

Prodhuesit akuzojnë tregtarët se kërkojnë t’ua blejnë produktet sa më lirë.

Vetë kreu i Autoritetit të Konkurrencës, Denar Biba tha për MCN se nga rezultatet e deritanishme të hetimit, del në pah se hallka më problematike e zinxhirit janë grumbulluesit.

Arben Ahmetaj na konfirmoi akuzat që kemi bërë! Mediat po censurojnë intervistën e Arben Ahmetajt.

Këto janë disa nga reagimet e brendshme të opozitës kryesore në vend rreth heshtjes që mbulon intervistën e ish-zv.kryeministrit Arben Ahmetaj. Në parim është e drejtë të shqetësohesh për një qëndrim të kësaj natyre, për këtë indiferencë verbale që nuk ka sesi të jetë edhe e brendshme. 

Tërheqjen e Joe Biden nga gara për kreun e Shtëpisë së Bardhë, rivali i tij republikan e sheh si grushtin e parë të shtetit në historinë e SHBA-ve. Sipas Donald Trump, përgjegjësia është e demokratëve dhe jo e vetë Biden-it.

"Ata [demokratët] organizuan një grusht shteti kundër presidentit të Shteteve të Bashkuara. Ata shkuan tek ai dhe i thanë: "Ti duhet të largohesh. Ti je shumë poshtë në sondazhe", tha ai për Fox News.

Kreu i Autoritetit Palestinez, Mahmud Abbas, do të vizitojë Turqinë. Lajmi u bë i ditur nga Partia për Drejtësi dhe Zhvillim e presidentit Erdogan.

Zëdhënësi i AKP-së, Ömer Çelik, tha gjatë një konference për shtyp se Abbas nuk ka përcaktuar datë për shkak të problemeve shëndetësore.

Deklarata erdhi pasi presidenti turk, Rexhep Tajip, u shpreh se priste ndjesën e Abass pasi ai refuzoi një ftesë për të vizituar Turqinë.

Deklarimet e ish-zv.kryeministrit Arben Ahmetaj dje kanë krijuar në perceptimin e shumëkujt se qeveria e Republikës së Shqipërisë ekziston, funksionon dhe vepron vetëm për të kanalizuar paratë publike në një rrjet të ngushtë klientele. Se i gjithë vendi, e gjithë ekonomia e vendit, çdo akt ligjor dhe nënligjor në fakt i shërben maksimalizimit të fitimeve dhe përfitimeve të një grupi të ngushtë njerëzish duke nisur nga Edi Rama, familjarë të tij e mandej te bota e biznesit.

Franca ka ndryshuar qasjen në raport me planin e autonomisë së Marokut për Saharanë Perëndimore.

Në një letër drejtuar Mbretit Mohammed VI, Presidenti i Francës Emmanuel Macron e quajti planin që Maroku propozoi në 2007 për t'i ofruar rajonit autonomi të kufizuar nën sovranitetin e tij, "bazën e vetme" për zgjidhjen e konfliktit. Ndryshimi i jep një goditje Frontit Polisario pro-pavarësisë, i cili për dekada ka pretenduar se është përfaqësuesi legjitim i popullit indigjen saharawi.

Ish-zv.kryeministri Arben Ahmetaj bën përgjegjës kryeministrin dhe kryetarin e bashkisë për inceneratorin e Tiranës. Ahmetaj tha në një intervistë për Syrin se Mirel Mërtiri është thjesht një individ i përdorur ndërsa kostoja totale e inceneratorit të kryeqytetit mund të shkojë 700 milionë euro.

Peka: I mori Mirel Mërtiri këto para...