Kandidati për President të Federatës Shqiptare të Futbollit, Armand Duka, ka nisur fushatën lobuese pranë subjekteve politike që kanë përfaqësimin e tyre në Asamblenë e Përgjithshme të saj. Ai ka qenë sot në një takim me kryebashkiakun e Beratit, Petrit Sinaj, që vjen nga Lëvizja Socialiste për Integrim. Kjo e fundit ka 7 drejtues bashkish dhe po kërkon që bashkë me PD-në të luajnë me vota kundër kandidatit Bashkim Fino.

Pas përfundimit të takimit me homologun e tij helen Nikos Kotzias, ministri Jashtëm Ditmir Bushati, ka dhënë një prononcim të shkurtër për gazetarët në Korçë ku theksoi se është bërë progres në këto bisedime. Shefi i diplomacisë shqiptare tha se nuk ka asgjë sekrete, pasi temat janë të ditura, duke thënë se nesër do të jetë po një ditë e rëndësishme.

Ndërmjetësi i OKB-së, Mattheë Nimetz konfirmoi në një intervistë me kanalin "Sitel" të Maqedonisë se pesë emrat që kanë dalë në media janë të përfshira në propozimet e tij. 
Nimetz vuri në dukje se pikëpamja që ka formuar nga bashkëveprimi me maqedonasit është se "ata kanë një identitet shumë të fortë", i cili nuk është ndërtuar 25 vitet e fundit, por ekzistonte: "Kishit identitet kur keni qenë pjesë e Jugosllavisë, Mbretërisë së Serbisë, Perandorisë Osmane, prandaj besoj se idetë e paraqitura nuk janë për ta dëmtuar, por për të forcuar atë".

Ben Blushi ka njoftuar përmes një statusi në Facebook dorëheqjen nga drejtimi i LIBRA-s.  Blushi, që këto kohë ka patur fërkime verbale me bashkëthemeluesen Mimoza Hafizi, nuk jep arsye politike, por personale për largimin, duke u dorëzuar tërësisht para një vullneti për të votuar banditët, siç thotë ai. Më poshtë deklarata e plotë:

PËRSE TËRHQEM NGA DREJTIMI LIBRËS.

Me vendim të Këshillit të Ministrave nr. 737, datë 13.12.2017 është krijuar Qendra e Koordinimit kundër Ekstremizmit të Dhunshëm (QKEDH). Një nga aktivitet trajnuese që ka organizuar kjo qendër, këto ditë dhe në vazhdim, është ajo me shkollat publike të arsimit para-universitar me temën “Me shkollat për Komunitete më të Sigurta. Guidë Referuese”.

Presidenti i Serbisë, Aleksandër Vuçiç i ndodhur në  Kosovë ku po vizitoi manastirin e Zveçanit, foli për situatën e krijuar pas vrasjes së Oliver Ivanoviç. Ai tha se punohet për zbardhjen e vrasjes, duke shtuar se ky rast ka trishtuar Serbinë.

Vuçic nuk anashkaloi kontekstin politik të situatës duke thënë se Beogradi kërkon një marrëveshje me shqiptarët. “U them shqiptarëve, edhe pse kemi shpesh mosmarrëveshje, se ne duam që të gjejmë një zgjidhje të mirë për të dyja palët, për të mirën e serbëve në Kosovë dhe për të mirën e shqiptarëve”- tha presidenti serb.

Vetëm një vit pas inaugurimit të Donald Trump në presidencën amerikane, Shtetet e Bashkuara po shkojnë drejt pezullimit të  disa agjencive federale pas refuzimit nga senati të një projekligji për financimin e buxhetit. Republikanët, që kanë 51 vende në senatin 100 vendesh nuk arritën t'i bindin demokratët që të bëjnë 60 votat e nevojshme për për financimin e shtetit federal deri më 16 shkurt.

Komisioneri i BE-së për Zgjerimin, Johannes Hahn është shprehur për agjencinë austriake, APA, se vendet e Ballkanit që kanë probleme kufitare, ose probleme të tjera me njëri-tjetrin, nuk do të pranohen në BE. 

Ne sigurisht që nuk do të pranojmë ato vende që kanë çështje të hapura me fqinjët. Konfliktet kufitare si Sllovenia dhe Kroacia nuk mund të ekzistojnë më në Union. Sigurisht Serbia duhet të zgjidhë së pari çështjen me Kosovën dhe pastajnka çështje të hapura mes Serbisë dhe Kroacisë, Malit të Zi dhe Kosovës, Shqipërisë dhe Greqisë

Presidenti amerikan Donald Trump nxitoi për të kapitalizuar investimet e ardhshme të Apple në Amerikë, por edhe pagesën e taksave të prapambetura prej 38 miliardë USD.

Gjigandi i teknologjisë së lartë tha se do të kanalizonte rreth  30 miliardë dollarë gjatë pesë viteve të ardhshme në Shtetet e Bashkuara, duke synuar ndërtimin e centraleve të reja dhe krijimin e 20,000 vendeve të reja të punës.

Ashtu si në takimin e Kretës edhe në Korçë, bisedimet e ditës së parë në Korçë mes ministrave Bushati e Kotzias janë mbajtur hermetike. Ajo që palët kanë tejkaluar është çështja e varrezave dhe vullneti i shprehur i Athinës për të shfuqizuar ligjin e luftës. Pika më e vështirë ka të bëjë me marrëveshjen e detit, ku mund të ketë një rinegocim të paktit, në thelb pa lëvizur shumë nga kordinatat e marrëveshjes ekzistuese. Por kjo mbetet e pakonfirmuar.