Kryetari i grupit për Europën Juglinore në Bundestagun gjerman, Stephan Albani në një  intervistë për “DW” thotë se Shqipëria nuk e ka ende besueshmërinë në shkallë ndërkombëtare për të marrë hapjen e negociatave me Bashkimin Europian.

Ai sjell si shembull qëndrimin e mazhorancës në çështjen e  ish-ministrit të Brendshëm, Saimir Tahiri, duke thënë se nuk mund të përfitohet asnjë imunitet përpara një procedure ligjore që synon zbardhjen e një çështjeje.

Në Davos ku kryeministrat Rama e Cipras do të çertifikonin arritjen e bisedimeve të Kretës dhe Korçës u mësua se shefi i qeverisë greke së shpejti do të vizitojë Tiranën, duke i dhënë kështu fund një periudhe të ftohtë mes dy vendeve.

Mediat e vendit fqinj raportojnë se nënshkrimi i partneritetit strategjik i hap rrugën normalizimit të plotë dhe përmirësimit të marrëdhënieve greko-shqiptare pas takimit të kryeministrit Aleksis Cipras me homologun e tij shqiptar Edi Rama.

“Nuk do ta shohim më”. Kështu shkruan agjencia ruse “Sputnik” për Brian Hoyt Yee, zyrtarin e lartë të Departamentit Amerikan të Shtetit, i cili provokoi shumë reagime në muajt e fundit me deklaratat e tij në Beograd. Yee, i cili vitin e kaluar ndikoi në zgjidhjen e situatës në Maqedoni, në Shqipëri dhe kërkoi nga Serbia që punonjësve të qendrës humanitare ruse në Nish, të mos i jepet status diplomatik, duket se nuk është më pjesë e DASH. Kështu shkruan “Sputnik” dhe kështu referon edhe B92, një media që e quan veten liberale në Serbi.

Media të shumta në Perëndim raportojnë se autoritetet ruse kanë ndaluar shfaqjen në kinema të filmit “Vdekja e Stalinit”, një satirë që ka për autor Armando Iannuçi. Nuk ka një sqarim shterues për këtë vendim, por sipas mediave britanike, prej nga ku origjinon edhe ky produksion, thuhet se ka arsye politike dhe ideologjike. BBC-ja citon një zyrtar të Ministrisë ruse të Kulturës, Juri Poliakov, sipas të cilit “filmi ka elementë të luftës ideologjike”.

Të shmanget çdo veprim që mund të shkaktojë konflikt midis forcave ushtarake turke dhe amerikane në Siri kërkoi Donald Trump ndaj homologut të tij turk.

Kjo është hera e parë që presidenti amerikan bën thirrje haptazi kundër operacioneve ushtarake në Siri, duke i bërë thirrje presidenti turk Erdogan, të tërhiqet nga operacionet kundër kurdëve. 
Presidenti turk nga ana e tij i kërkoi homologut amerikan të ndalonte mbështetjen e SHBA ndaj kurdëve.

Për herë të parë shkencëtarët arrijnë klonimin e dy majmunëve, duke përdorur teknikën e cila krijoi delen e famshme Dolly 22 vjet më parë.

Klonimi u krye në një laborator në Akademinë e Shkencave në Shangai. Majmunët identikë Zhong Zhong dhe Hua Hua janë të parët që krijohen me teknikën e transferimit të qelizave të vetme, që përfshin kalimin e ADN-së së bërthamës qelizore në një qelizë vezësh të dhuruara, e cila më pas zhvillohet në një embrion

Në botën e mediave sociale po fiton terren ligjësia e kapilarizimit të “lajmit”, qoftë ky fals apo blof, çka shpjegon deri diku se përse njerëz shumë aktivë në to kanë sukses. Donald Trump, president i SHBA-së, është padyshim ilustrimi më domethënës i kësaj prirjeje të kohës sonë që likujdon çdo autoritet të establishmentit tradicional mediatik. Trump akuzohet se përhap edhe lajme të rreme, por ato nuk po diskreditohen dot, ndaj edhe lufta ndaj tij po regjistron një intensitet të paprecedentë.

Pas një takimi që zgjati më shumë se 3 orë kryeministri grek, Aleksis Cipras dhe ai maqedonas Zoran Zaev ranë dakord për lëshimet e para që do të bëjë Shkupi në kuadër të negociatave dypalëshe për zgjidhjen e çështjes së emrit.

Janusz Bugajski, analist i njohur i çështjeve të sigurisë në Ballkan, ka bërë thirrje që SHBA të marrë në dorë drejtimin strategjik në Ballkan. Në një shkrim për Europe’s Edge, cituar nga disa media, Bugajski sugjeron ndërhyrjen e SHBA për të shmangur polarizimin politik dhe atë etnik që mund të ndezë konflikte të armatosura.

Matteo Salvini, kreu i Lega Nord në Itali  kërcënon se do të dëbojë gjysmë milion refugjatë dhe emigrantë nga vendi i tij nëse do të bëhet kryeministër.

"Ka rreth gjysmë milioni emigrantë të parregullt në Itali. Të gjithë ata duhet të kthehe mbrapsht"-deklaroi Salvini për gazetën La Repubblica, ndërsa Kisha Katolike u ka bërë thirrje partive politike të mos e bazojnë fushatën e tyre zgjedhore mbi emigracionin.