Ka ndërruar jetë në moshën 101 vjeçare Bernard Lewis, një ndër historianët më të njohur për çështjet e Lindjes së Mesme. Ai ishte këshilltar i liderëve izraelitë dhe amerikanë dhe shkrimet e tij për historinë e këtij rajoni patën ndikim të madh, por edhe provokuan kundërshti. Një prej kritikëve të tij ka qenë edhe Edward Said që e akuzon Lewis për sjellje paternaliste ndaj Islamit, demagogji dhe injorancë.

Ngjarja ka ndodhur më 12 mars:

Shkencëtarët nga Australian National University kanë zbuluar një vrimë të zezë që rritet në mënyrë të jashtëzakonshme. Ajo e rrit masën e vet me atë të një dielli si ai i sistemit tonë, për çdo dy ditë. Ajo ndodhet shumë larg, 12 miliardë vjet dritë larg, ndërkohë që vetë mosha e universit mbahet të jetë 13.5 miliardë vjet dritë dhe ka arritur në masën e 200 miliardë diejve.

“Kjo vrimë e zezë po rritet kaq shpejt saqë shkëlqen shumë më tepër se një galaktikë”, citohet dr. Christian Wolf që është pjesë e kërkimit.

Ekonomia shqiptare po përballet me një vërshim gati të paprecedentë të eurove në treg. Sipas të dhënave nga Banka e Shqipërisë, oferta e euros në tregun vendas është rritur me 35 për qind në katër vitet e fundit.

Italia më në fund duket se do të ketë qeverinë e dalë nga zgjedhjet e fundit. "Marrëveshja për qeverinë e re të Italisë dhe emrin e kryeministrit është përfunduar"- tha kreu i Lega Mateo Salvini. 
Kryeministri nuk do të jetë asnjë nga liderët e dy partive, Lega Nord dhe Pesë Yjet. Salvinini dhe Di Maio u takuan përsëri në Romë për të përcaktuar detajet e fundit të marrëveshjes.

Kampionati Botëror i Futbollit Rusi 2018 do të transmetohet nga Radio Televizioni Shqiptar. Ekskluziviteti i transmetimit që i ikën kësaj radhe operatorëve privatë, është njoftuar në faqen e RTSH-së që bën me dije edhe investimet e kryera në infrastrukturë e që sigurojnë mbulim në disa zona të Shqipërisë.

Mjafton një televizor DVB T2 ose një marrës i thjeshte dixhital për aparatet televizive të gjeneratës T1 apo më të hershme dhe bota vjen në shtëpinë e shqiptarëve pa asnjë pagesë në kualitetin më të lartë të figurës Full HD

Autoriteti i Mbikëqyrjes Financiare nuk e konsultuar me grupet e interesit projektligjin e sigurimit të mjeteve, që është dorëzuar në Kuvend. Avni Ponari në një intervistë për Tema TV thotë se AMF nuk e ka konsultuar këtë variant me grupet e interesit dhe kërkon që të reflektohen një sërë ndryshimesh thelbësore.

Kryebashkiaku i Tiranës Erjon Veliaj ka përuruar në njësinë nr. 5 shërbimin e ri e-kiosk, parashikuar të vihej në funksionim që në muajin janar. Veliaj është shprehur i lumtur për projektin që sipas tij tani zgjidh çështjen e radhëve në zyrat e njësive. Ndonëse ky problem është tashmë i paqenë, vendosja e kioskave është shoqëruar edhe me shërbimin online ekioska.al ku ofrohen shërbimet njësoj si në portalin qeveritar e-albania.

“Fjalori elektronik i gjuhës shqipe”, në variantin e tij të ri në bazë të fjalorit të “Gjuhës së sotme shqipe” të vitit 1980 nuk është më në qarkullim.

I hartuar dhe i nxjerrë në qarkullim në 100 vjetorin e Pavarësisë së Shqipërisë nga Instituti i Gjuhësisë së Akademisë së Shqipërisë, në bashkëpunim me “Terminal Albania” dhe Leonard Boduri në Kosovë, ky fjalor tashmë nuk gjendet në duart e lexuesit dhe është zhdukur, për shkak të mosmarrveshjeve midis Institutit të Gjuhësisë dhe përfaqësuesit të “Terminal Albania”.

Shërbimet e inteligjencës e Turqisë dhe vendeve të Ballkanit po kryejnë bashkarisht kërkime  pasi informacioneve për një atentat të mundshëm kundër Presidenti turk Recep Tayyip Erdogan.

Plani i vrasjes sipas  një informacioni nga një burim i inteligjencës turke  u zbulua një ditë para vizitës së Erdogan në Bosnjë. Ky informacion i është dhënë inteligjencës turke nga spiunazhit i Maqedonisë, pas raportimeve të marra nga turqit që jetojnë në vend.