Avokati i Popullit dhe Enti rregullator i Energjisë kanë të dhëna të ndryshme për ankesat e qytetarëve për mbifaturimet e energjisë elektrike. Sipas institucionit të Avokatit të Popullit numri i ankesave ka trend në rritje, ndërsa ERE deklaron të kundërtën, por gjithsesi ka trajtuar 564 denoncime të qytetarëve për OSHEE-në gjatë vitit 2017.

TemaTV

Ambasadori i Rusisë në Shqipëri, Aleksandër Karpushin ka folur sot gjatë një aktiviteti me temë: “Politika e jashtme e Rusisë: Shqipëria dhe çështje strategjike”, organizuar nga Instituti i Studimeve Ndërkombëtare, për marrëdhëniet dyplaëshe. Ai i është referuar raporteve njerëzore të trashëguara nga koha e pas luftës së Dytë Botërore, për të nënvizuar një shembull të mirë që sot sipas tij pengohet të zhvillohet më tej.

Kryeprokurorja e Përgjithshme e Përkohshme, Arta Marku citohet të jetë shprehur sot se hetimet e kryera nga organi i akuzës janë të paplota dhe me mangësi. Deklarimet thuajse të përditshme të zonjës Marku po bëhen në kuadër të analizave që po kryhen në çdo prokurori rrethi.

Ajo çfarë bën përshtypje është anashkalimi i plotë i kryelajmit të sotshëm: refuzimit nga SHBA i të drejtës për hyrje të ish-prokurorit të Përgjithshëm, Adriatik Llalla.

Edhe pas shumë ditësh denoncimi në media e rrjete sociale për rrezikun e shembjes së Kalasë së Gjirokastrës, nuk është marrë asnjë masë e nuk është bërë asnjë ndërhyrje. Kalaja e qytetit të Gjirokastrës ka pësuar çarje në pjesë të mëdha të murit të saj, duke rrezikuar seriozisht shembjen. Ka një rrëshqitje të një pjese shkëmbi në zonën poshtë Kullës së Sahatit, e cila vë në rrezik tërë Kalanë, monument kulture i kategorisë së parë.

Universiteti i Peloponezit anulloi ceremoninë dhënies së Titullit të Nderit për Presidentin rus, Vladimir Putin. Aktiviteti ishte parashikuar të mbahej më 22 Shkurt nga Departamenti i Arkeologjisë dhe Menaxhimit të Kulturës e Historisë në këtë universitet. Argumenti është se presidenti i Rusisë e ka të pamundur pjesëmarrjen në këtë aktivitet. Por çështja duket se shkaktoi një shumëllojshmëri reagimesh si në bashkësinë universitare dhe në opinionin publik.

Ish-kryeprokurori i Përgjithshëm, Adratik Llalla dhe familja e tij janë shpallur “non grata” nga Departamenti i Shtetit për shkak të përfshirjes së ish zyrtarit shqiptar në raste të mëdha korrupsioni. Vendimi u mor nga Sekretari i Shtetit Rex Tillerson dhe u bë publik të mërkurën. Përveç zotit Llalla, Sekretari Tillerson ka miratur ndalimin e hyrjes në Amerikë edhe të bashkëshortes së tij Ardjana Llalla, të vajzës Eni Llalla dhe një fëmije tjetër të tij, që nuk ka shtetësinë amerikane.

Përballja qeveri – artistë ka edhe një dimension komunikimi përveç përmbajtjes dhe argumentit. Nga njëra anë një grup njerëzish të irrituar dhe të kapur në befasi me projektligjin e ri për artin përfshirë edhe dëshirën për të rrafshuar godinën e teatrit kombëtar, nga ana tjetër një ministre, ministri dhe kryeministri.

Sot është bërë publik lajmi se Ministria e Jashtme i ka dorëzuar Presidentit të Republikës kërkesën për marrjen e plotfuqisë për negociatorët që do të përfshihen në bisedime me Greqinë. Fjala është për marrëveshjen e detit, që kërkon ekspertizë teknike.

Kërkesa për plotfuqinë është ligjore, por ajo rrjedh edhe nga vendimi i Gjykatës Kushtetuese. Kemi të bëjmë pra me kompetenca të Presidentit që ka tagrin për të dhënë autorizimin e negociatave.

Projektligji për menaxhimin e integruar të burimeve ujore nuk parashikon as tarifa të shtuara dhe as tarifa të reja për puset, pasi ato janë të përcaktuara që nga viti 2016. Në thelb, ai synon të bëjë formalizimin e tyre përmes vetëdeklarimit, ndërsa procesi nuk do të ndiqet nga Ministria e Bujqësisë, por nga Agjencia e Menaxhimit të Burimeve Ujore. Gerta Lubonja nga Sekretariati i Ujit shpjegon për TEMA Tv mekanzimin.  

Ministrat e jashtëm të Greqisë dhe Maqedonisë, Nikos Kotzias dhe Nikolla Dimitrov ranë dakord  të vazhdojnë përpjekjet e tyre për të gjetur një zgjidhje të pranueshme për çështjen e emrit të Maqedonisë. Orët e gjata të diskutimit që patën së bashku në selinë e tretë të OKB-së në Vjenë me të Dërguarin Personal të Sekretarit të Përgjithshëm të Organizatës Ndërkombëtare, Mattheë Nimetz u konsideruan si pozitive.