Me titullin “Karrota për Shqipërinë dhe Maqedoninë, bashkim doganor me Turqinë”, EURACTIV ka pasqyruar një intervistë të Komisionerit të Zgjerimit, Johannes Hahn ku ai komenton zhvillimet e fundit dhe arsyet pse Komisioni ka vendosur të rekomandojë hapjen e negociatave të pranimit me Shqipërinë dhe Maqedoninë. Ajo që lihet të kuptohet është se Brukseli ka ndjekur edhe këtë radhë të njëjtën filozofi me vendet e Ballknanit, atë të karrotës dhe kamzhikut.

Bashkia e Tiranës nën drejtimin e Erjon Veliajt raportonte sot mbylljen e fazës së mbjelljes së pemëve që sipas saj arrin në numrin 120 mijë. Në mbledhjen me stafin e afërt, kryetari Veliaj ka përgëzuar stafin, por ka vënë në dukje se nga përvoja e deritanishme e tij dhe e bashkisë, rezulton se java me shtatë ditë është e pamjaftueshme. Për këtë arsye z. Veliaj ka propozuar që java e një novatori të Bashkisë të jetë me tetë ditë.

E quajnë “Marine Le Pen e Turqisë" për shkak të përfshirjes për shumë vite në partinë e ekstremit të djathtë MHP.

Po ashtu ajo është kthyer në makthin e Erdogan në rrugën drejt rizgjedhjes. Jo sepse do të ketë një përqindje të barabartë me presidentin aktual, por për shkak se në qoftë se tejkalon 10% ju mund të kontrollojë përparimin triumfin e një presidenti suprem.

Ministri Damian Gjiknuri ka premtuar nga Fieri se qeveria ka rënë dakord me kompaninë Bankers për të lëvruar fondin e dëmshpërblimeve  për banesat e dëmtuara në fshatin Zharrëz. Një vendim me dëmet dhe shumat përkatëse të dëmshpëblimeve tashmë është në fuqi, por Bankers nuk ka pranuar të nxjerrë para nga buxheti i vet, me arsyetimin se shkaqet për dëmtimet kanë qenë natyrore dhe jo si rezultat i aktivitetit të saj.

Deputetja e Partisë Demokratike, Jorida Tabaku, poston në faqen e vet në Facebook disa të dhëna që flasin për prokurimet në vitin 2017. Sipas saj shifra totale e tenderimeve arrin në 31% të vlerës së prokurimit për katër vjet, që në fakt është diçka më shumë se ¼ që është edhe vlera normale. Më poshtë shënimi i znj. Tabaku:

Para disa ditësh, Komuna e Skarbekut në Bruksel lajmëroi mbajtjen më 23 prill (të hënën), të një konference kushtuar Skënderbeut, me rastin e 550-vjetorit të vdekjes së Heroit tonë kombëtar. 

Në lajmërimin dhe ftesat e shpërndara bëhej me dije se ky aktivitet organizohej me mbështetjen e Ambasadës së Shqipërisë në Belgjikë dhe se konferencierët-panelistë të përzgjedhur nga ambasada do të ishin zotërinjtë Pëllumb Xhufi, Lek Pervizi e Safet Kryemadhi.

Zhvillimet e ditëve të fundit dhe në veçanti ato që lidhen me opozitën janë komentuar si një tjetër disfatë politike e Lulzim Bashës. Kjo me argumentin se autokratizmi i treguar nga Basha në drejtimin e PD-së po favorizon Edi Ramën dhe po i zgjat pushtetin këtij të fundit, pavarësisht momentin të disfavorshëm të kryeministrit.

Revista Spiegel në një koment për zgjedhjet e parakohshme në Turqi thotë se ky vendim është shenjë e pasigurisë së Erdogan për të ardhmen e tij politike.

Sot Top-Channel raportonte për përmbytjen e një piste biçikletash ndërtuar anës liqenit të Belshit në kuadër të asaj që njihet si Rilindja Urbane. Projekti ka marrë qindra milionë euro në 4 vjet dhe ka synuar rigjallërimin urban të qyteteve shqiptare të cilave u është imponuar monotonia e një shëtitoreje me pllaka dhe ndriçim, disa pemë, ndonjë shatërvan dhe kuptohet shiriti i përurimit.

Nga prononcimet e banorëve rezulton se liqeni ka qenë 70 cm më lart se vija aktuale e ujit, gjë që duhet të ishte marrë parasysh nga zbatuesit e projektit.

Reforma në drejtësi ka futur në kaos edhe Gjykatën e Lartë. Mbarimi i mandatit të disa gjyqtarëve ka bërë që në Gjykatën e Lartë të mbesin 9 gjyqtarë nga 19 që duhet të ishin normalisht. Ndërkohë 9 gjyqtarët e mbetur kanë për të gjykuar mbi 26 mijë dosje, çka është në fakt paralizim i punës. Nuk dihet sesi do të procedohet për të zgjidhur këtë situatë që vazhdon prej kohësh dhe mbi të gjitha nuk dihet sa është kostoja e këtij bllokimi absurd që mban peng marrëdhënie civile, administrative dhe penale për mbarë vendin. 

TvT