Një nga aspektet më të rëndësishme të zgjedhjeve të fundit parlamentare italiane ëstë humbja e qendrës politike. Në një opinion të vetin në gazetnë “Corriere della Sera”, Angelo Panebianco shkruan se rezultati i tanishëm i faturohet pikë së pari edhe gabimeve të kreut të qendrës së majtë Matteo Renzi, i cili duke mosrespektuar Paktin e Nazarenos me Berlusconin për kryerjen e disa reformave, provokoi kalimin e tij drejt armiqve të dikurshëm.

Oligarkët janë një problem edhe në një vend të Bashkimit Europian si Greqia. Të paktën këtë mendon kreu i partisë kryesore opozitare greke, Kyriakos Mitsotakis, i cili gjatë një fjalimi në Qendrën e Studimeve Ndërkombëtare Strategjike në Washington ka folur madje për “brezin e oligarkëve të rinj”.
Sipas tij këta oligarkë të rinj janë më keq se të vjetrit dhe se qeveria aktuale greke i mbështet ata dhe ka marrëdhënie të dyshimta mes të cilave edhe ajo për kontrollin e mediave në Greqi. 

Fizikani i shquar britanik dhe kozmologu Stephen Hawking vdiq të mërkurën në moshën 76 vjeç në shtëpinë e tij në Kembrixh."Ndiejmë keqardhje të madhe për vdekjen e babait tonë të dashur, i cili ishte njeri i rrallë dhe një shkencëtar i madh, puna e të cilit do të jetojë për shumë vite”-thuhet në një deklaratë të familjes.

Edi Rama e pati të thjeshtë kësaj radhe për të rrëzuar nga themelet godinën e Teatrit Kombëtar. Pak ditë proteste, një testim me daljet e ministres së Kulturës dhe kryetarit të Bashkisë, dhe kryeministri doli para artistëve për t’u thënë troç: aty ku sot është teatri do bëhet ça dua unë.

Ai që mund të quhet zhvillim politik i ditës ishte vizita e ambasadorit amerikan, Donald Lu në selinë e Partisë Demokratike. Zyrtari i lartë amerikan pati një takim kokë më kokë me kryetarin, Lulzim Basha në një moment kur ku i fundit akuzohet nga kundërshtarët politikë por edhe nga elementë brenda partisë për lidhje me kompani ruse në çështjen e kontratave të lobimit.

Përmes Twitter-it lajmëroi shkarkimin e Sekretarit të Shtetit,  Reks Tillerson, Presidenti amerikan Donald Trump. Timonin e Departamentit të Shtetit do ta marrë shefi i CIA-s Majk Pompeo, për të cilin presidenti Tramp është i bindur se do të bëjë një punë të shkëlqyer.

Sipas njoftimit të Shtëpisë së Bardhë "Popmeo është njeriu i duhur për të drejtuar politikën e Jashtme amerikane në këtë moment". Kreu i Shtëpisë së Bardhë u mjaftua vetëm me një falenderim për Tillerson, ndërsa lajmëroi se për herë të parë në krye të CIA-s do të jetë një grua, Xhina Haspëll. 

Pas lajmit të shkarkimit të Rex Tillerson nga presidenti amerikan Donald Trump, kryeministri shqiptar i ka dërgua një letër ish-sekretarit të DASH.

Në letrën që disponohet nga redaksia e “Të Kripura”, Rama shpreh mbështetjen e vet për Tillerson si figurë që përbënte garanci për mbarë komunitetin atlantik, ndërkohë që nuk ka hezituar të shprehë konsideratat personale për largimin e tij nga detyra. Rama shkruan se ai dhe disa shokë socialistë, e kanë parë në ëndërr këtë largim, ëndërr të cilën ja kanë treguar zyrtarisht ambasadorit amerikan në Tiranë, Donald Lu.  

Skema e qeverisë për mbështetjen e fermerëve me subvencione edhe këtë vit nuk do të plotësojë nevojat për më shumë se 90 për qind të tyre. Kjo për faktin se 320 mijë fermerë nuk janë ende të pajisur me NIPT, i cili është edhe kushti kryesor për përfitimin. Kreu i Këshillit të Agrobiznesit Agim Rrapaj komenton  për TEMA TV formulën duke sqaruar se edhe 10% e fermerëve që janë të formalizuar nuk kanë përfituar asgjë në këto 8 vitet e fundit. 

Shumë eurodeputetë shprehën indinjatë dhe zemërim të hënën për emërimin e papritur dhe të errët të Martin Selmaier, në postin më të lartë “burokratik” në Komisionin Evropian, atë të Sekretarit të Përgjithshëm të Komisionit Evropian. Selmaier, kreu i zyrës së Presidentit të Komisionit Evropian Juncker  që nga viti 2014, u emërua në postin strategjik muajin e kaluar në një proces ku shumë prej eurodeputetëve nuk hezituan për ta karakterizuar "grusht shteti" që ka goditur rëndë besueshmërinë e të gjithë BE-së.

Lajmi I importeve të mishit me etiketa të falsifikuara në Kosovës ka gjetur vend edhe në mediat në Europë. Gazeta blege “Het Laatste Nieuws” shkruan se autoritetet kosovare kishin njoftuar kolegët belgë për mundësinë e mashtrimit që në shtator të vitit 2016, por blegët nisën hetimet vetëm 18 muaj më pas. Ministry belg i Bujqësisë citohet të jetë shprehur se agjencia e ushqimit do t’i nënshtrohet auditit.