Pa përmendur detaje, ministri i Jashtëm grek, Nikos Kotzias tha se kryeministri i Maqedonisë, Zoran Zaev, ka zgjedhur variantin përfundimtar të emrit të Maqedonisë.
"Sot morëm hapin vendimtar"- tha shefi i diplomacisë greke duke iu referuar komunikimeve telefonike që Alexis Tsipras dhe Zoran Zaev kishin këtë të hënë. 

Qeveria shqiptare ka hedhur poshtë këro ditë çdo aludim se në Shqipëri do të ngrihet një kamp për refugjatët apo për azilantët. Përmes disa deklaratave të veta, qeveria i ka cilësuar këto lajme si trillime dhe fantazi. Por në një prononcim për Tv Klan, zv.ministrja e Brendshme, Rovena Voda, thotë se vendi ynë i ka kapacitetet për të përballur një fluks azilantësh. Sipas saj, deri në momentin e tanishëm nuk ka një kërkesë zyratre nga Bashkimi Europian.

Ish-prokurori i Përgjithshëm i Republikës, Adriatik Llalla është nxjerrë jashtë sistemit të drejtësisë për 15 vjet. Me vendim të Kolegjit të Posaçëm të Apelimit, Llalla nuk ka të drejtë të punojë në sistem për një dekadë e gjysmë ndërkohë që i është ndërprerë procesi I vettingut. Z. Llalla shpëton kështu kontrollin mbi pasurinë, por ai mbetet pa profesion, sidomos nëse vendoset se avokatët duhet t’I nënshtrohen vettingut.

Një portal lajmesh turk, Ahval, ka lëshuar akuza shumë të rënda ndaj presidentit turk Reçep Tayyip Erdogan dhe partisë së tij, AKP. Në një lajm të publikuar në datën 10 qershor, Ahval, pretendon se disponon një kopje të një raporti shumë sekret të Qendrës së Analizës së Inteligjencës së BE-së, EUINTCEN, sipas të cilit atentatit vetëvrasës i 10 tetorit 20015 në Ankara, u krye nga kamikazë të Shtetit Islamik të udhëzuar dhe kërkuar nga partia e Erdogan.

Judy Perkins, një inxhiniere nga Florida, ishte vetëm 49 vjeç kur mësoi nga mjekët se kishte ende 3 tre muaj jetë. Kanceri i gjirit me të cilin ishte diagnostikuar kishte avancuar, pavarësisht cikleve të përsëritura të kimioterapisë dhe terapive hormonale. Sëmundja ishte përhapur edhe në organe të tjera, si mëlçisë. "Situata ime ishte përkeqësuar shumë, kam pasur një tumor që më kishte detyruar ta kaloja gjithë ditën pa lëvizur në mënyrë që të shmangia dhimbjen. Unë isha dorëzuar"- tregoi ajo për mediat.

Përgjigjen e tij rreth intervistës sime te “Panorama” në lidhje me incidentin në “Bar West”, Fidel Ylli e fillon me fjalët: “Ky është një mashtrim i Demalisë”.

Një grup kërkuesish të drejtuar nga Instituti Max Planck për Shkencat e Historisë së Njerëzimit ka dekoduar një genom 3800 vjeçar prej nga ku mendohet se është identifikuar origjina  e murtajës bubonike. Sëmundja në fjalë ka goditur të paktën tri herë më mënyrë masive: së pari në shekullin e 6 e.s në atë që quhet Murtaja e Justinianit, në shekullin e 14-të, kur vrau 1/3 e popullsisë së Europës dhe në shekullin e 19-të kur goditi Kinën.

Vendimin e tij për të penguar hyrjen në portin italian të në anijes  Aquarius me  mbi 600 emigrantë në bord bëri publik  ministri i brendshëm i Italisë, Matteo Salvini.

Antipatia e Robert De Niro-s  për Donald Trump është e njohur, pasi aktori i famshëm hollivudian ka shprehur shumë herë përbuzjen e tij për presidentit amerikan dhe çfarë ai përfaqëson.

Megjithatë, skena që u shpalos në skenën e çmimeve Tony  përbën protestën më të fortë të yllit hollivudian. De Niro nuk hezitoi të qëndrojë në skenë përpara mijëra njerëzve dhe të  tregojë se çfarë mendon në të vërtetë për Trump. Fjalia e parë që doli nga goja e 74-vjeçarit, kur ai hyri në skenë ishte: "Dua t'ju them një gjë. Trump, shko qi...u”(Fuck Trump).

Pak orë pasi Partia Demokratike bëri publik procedurën që po ndjek qeveria për shembjen e Teatrit Kombëtar, një pjesë e aktorëve që kundërshtojnë këtë projekt kanë paralajmëruar grevë urie.