Aleanca për Mbrojtjen e Teatrit ka njoftuar sot për një marifet të zyrës së Misionit të Bashkimit Europian në Tiranë. Pas kërkesës për një takim me ambasadoren Romana Vlahutin dhe miratimit prej kësaj të fundit të kërkesës, AMT thotë se është njoftuar për në ndryshim formati dhe përfshirjen në takim të përfaqësuesve të Forumit për Mbrojtjen e Trashëgimisë.

Parlamenti i Izraelit miratoi të enjten një ligj që përcakton se vetëm hebrenjtë kanë të drejtën e vetëvendosjes në vend, vendim që pjesëtarët e pakicës arabe e quajtën me prapavijë raciste dhe që e kthen vendin në një regjim aparteidi.

Ligji që sanksionon "kombin-shtet të hebrenjve" në favor të cilat ishte shprehur qeveria e krahut të djathtë u miratua me 62 vota në favor, 55 kundër, ndërsa dy prej 120 anëtarëve të parlamentit izraelit abstenuan. Disa deputetë arabo-izraelitë reaguan ashpër duke grisur kopjet e tekstit pas votimit.

Anullohet vizita e ministrit të jashtëm rus në Athinë, Sergei Lavrov. Duke iu referuar agjencinë ruse të lajmeve TASS, Reuters citon ambasadorin rus në Greqi të jetë shprehur se “koha e vizitës së planifikuar në vjeshtë të Sergei Lavrov në Athinë nuk është e përshtatshme".

Klima mes dy vendeve është veçantërisht e tensionuar pas vendimit të Athinës për të dëbuar dy diplomatë rusë të dyshuar për nxitje të zërave kundër nënshkrimit të marrëveshjes me Maqedoninë për emrin.

Sot është shpërndarë përmes e-mailit një opinion i Ayhan Demir i gazetës turke pranë presidentit Erdogan, Yeni Akit. Autori që është i njohur për analizimin e raprteve të gulenistëve me pushtetin turk, shkruan për të disatën herë për kreun e Komunitetit Mysliman Shqiptar, Skënder Bruçaj. 

Një kompani eksplorimi nga Koreja e Jugut gjeti pas kërkimesh disavjeçare kryqëzorin rus që u u mbyt 113 vjet më parë në një betejë detare në afërsi të ishullit Ulleungdo në  Detin e Koresë. 
Rëndësia e këtij zbulimi lidhet me faktin sasisë së madhe të arit që gjendjej në bordin e anijes, e cila ishte pjesë e Flotës Përandorake të Rusisë. 
"Dmitrii Donskoi" u gjet të dielën në një thellësi prej 434 metrash dhe 1 kilometarër nga ishulli. Kryqëzori rus kishte marrë pjesë në luftën Ruso-Japoneze (të viteve 1904-1905), për t'u fundosur në betejën detare të Tsushimas.

Këtë të hënë Jeff Bezos, themelues dhe CEO i Amazon dhe pronar i Washington Post, u bë njeriu më i pasur në historinë moderne të njerëzimit.

Pasuria e tij ka tejkaluar 151 miliardë dollarë, pas një rritje të qëndrueshme të aksioneve të Amazon në bursë sipas Indeksit të Bloomberg. Që nga fillimi i vitit pasuria e Bezos u rrit me 50 miliardë dollarë.Të ardhurat e tij kanë tejkaluar edhe ato të themeluesit të Microsoft, Bill Gates, i cili kryesoi renditjen e miliarderëve në vitin 1999, me 100 miliardë dollarë.

Google duhet t’i paguajë 4.3 miliardë euro gjobë Komisionit Europian për shkak të keqpërdorimit të pozitës dominuese të sistemit operativ Android.

Dy vjet më parë Google u akuzua zyrtarisht se kishte detyruar prodhuesit e smartfonëve, si Samsung apo Huaëei, të instalojnë paraprakisht Google Search dhe ta vendosin atë si një aplikacion kërkimi ekskluziv ose të paracaktuar.

Të gjithë e mbajnë mend ekzaltimin dhe mallëngjimin e Artan Shkrelit dhe Artan Lames kur Edi Rama në ditët e para si kryeministër hoqi rrethimin me kangjella të kryeministrisë. Të dy u prononcuan publikisht për kët akt madhor të Edi Ramës në mbrojtje të trashëgimisë kulturore. Tani që po bëhet debat për shembjen e godinës së Teatrit Kombëtar me qëllim ndërtimin e kullave nga Fusha sh.p.k çifti adhurues i Gherardo Bosios që projektoi Tiranën moderne nuk ka thënë asnjë fjalë.

Erion Veliaj u shfaq këtë të mërkurë në krah të Ilir Metës duke thënë se tashmë ekziston një konsensus i gjerë, si nga grupet e interesit, ashtu edhe nga popullata, mbi nevojën e një godine të re dhe moderne për Teatrin Kombëtar, që plotëson të gjitha kushtet për aktorët.

Refuzimi i kryeregjistruesit të Tiranës për të dhënë informacion mbi statusin e zonës ku qeveria kërkon t‘i falë kompanisë Fusha një sipërfaqe të konsiderushme prone publike mbi të cilën do të ndërtohen disa kulla sipas Partisë Demokratike është një përpjekje për t’i fshehur publikut aferën që lidh kryeministrin Rama me biznesin e ndërtimit.