Regjizori i njohur serb Emir Kusturica është i pakursyer në qëndrime politike kur vjen puna sidomos te përshkrimi i pozitave serbe në Ballkan. Në një intervistë të fundit për agjencinë B92, Kusturica ka folur me prizëm nacionalist edhe për ndeshjen e fundit mes Serbisë dhe Zvicrës, duke nënvizuar se shqiptarët janë përfituesit më të mëdhenj në Ballkan.

Ivanon refuzon të dekretojë marrëveshjen për emrin e Maqedonisë. "Unë nuk  pranoj ide apo propozime që mund të rrezikojnë identitetin kombëtar të maqedonasve dhe gjuhën  maqedonase” tha Ivanon në një deklaratë për shtyp.

Ai shtoi më tej se kjo marrëveshje nuk ka bazë kushtetuese dhe legjitimon nënshtrimin e Maqedonisë ndaj Greqisë. Ivanon i referua edhe nenit 308 të Kodit Penal, sipas të cilit çdo qytetar që e çon vendin në  një pozitë të nënshtrimi apo varësie ndajnjë shteti tjetër dënohet me pesë vjet burgim.

Prej ditësh tashmë kryebashkiaku i Tiranës Erion Veliaj ka nisur atë që po quhet negociata me artistët për teatrin kombëtar. Veliaj nuk ka shkuar në propozimet e veta më larg sesa ajo që tha kryeministri Rama disa muaj më parë kur në një takim me një përfaqësi artistësh tah se sipërfaqja e teatrit të ri trefishohet krahasuar me godinën ekzistuese dhe se mbi të nuk do të ketë kullë.

Këtë gjë e përsëriti sërish Veliaj dje, duke shtruar në tryezë një propozim që duket se është final dhe nga I cili nuk mund të lëvizet.

A mundet kancelarja Angela Merkel pas samitit të migracionit t'i prezantojë partnerit të saj të koalicionit Horst Seehofer një zgjidhje, se do mund të kthehen në Itali refugjatët, të cilëve u është refuzuar kërkesa për azil? Jo. Nëse ajo do të arrijë diçka në këtë front, i duhet të gjejë zgjidhje bilaterale. Duke u nisur nga qendrimi i vetedijshëm i qeverisë së re italiane në Romë kancelares vetëm mund t'i urojmë fat.

Rezistenca e Francës kundrejt presionit të Gjermanisë, Greqisë dhe disa vendeve për t’i hapur negociatat me Shqipërinë dhe Maqedoninë është një bindje e presidentit Makron se BE nuk mund të ecë me zgjerimin para se të zgjidhë çështje kruciale si ajo e krizës së emigrantëve.

Në prill presidenti francez i tha Parlamentit Evropian se reformat e brendshme janë në plan të parë.

Në një intervistë të thukët për spanjollen “El Pais”, filozofi dhe mendimtari i njohur gjerman, Jürgen Habermas flet për situatën e tanishme në Europë, për kulturat “e shkartisura” në të dhe prirjen drejt një të ardhmeje që bëhet e palexueshme. Zënë vend në të edhe tema shumë të rëndësishme të kohës sonë, si interneti dhe ndikimi i tij, rënia e mediave tradicionale, degradimi i sferës publike, e bashkë me të edhe e intelektualit të angazhuar.

Shqipëria mund të përfitojë hapjen e negociatave për një konjukturë që nuk lidhet drejtëpërdrejtë me përmbushjen e kritereve nga ana e saj, por nga marrëveshja e Greqisë me Maqedonië. 
Presioni i Athinës mbi vendet anëtare është rritur pas paktit me Shkupin dhe një "jo" për hapjen e negociatave të Maqedonisë do vinte në diskutim kredibilitetin e Europës përballë një hapi të madh politik për stabilitetin e rajonit.

Emrin tuaj unë e dëgjova për herë të parë më 23 nëntor 2017. Kryetari i Bashkisë së Tiranës, z. Veliaj, tha në një mbledhje të Këshillit Bashkiak, se ju ishit ofruar për të projektuar Teatrin e ri Kombëtar të Shqipërisë, madje i kishit paraqitur atij (në mënyrë ende të paqartë për opinionin publik shqiptar) projekt-idenë tuaj “fantastike”. Përralla dukej tepër e bukur për të qenë e vërtetë: Ju, starkitekti (arkitekti yll), projektuesi i një prej kullave të Qendrës Botërore të Tregtisë në Nju Jork, ishit vetofruar për t’i bërë këtë nder Shqipërisë dhe Tiranës.

Për të dytën here brenda 15 muajve Biblioteka Kombëtare shpall gjendjen e emergjencës. Ajo do të qëndrojë e mbyllur deri në fund të Qershorit në përpjekje për të rikuperuar gjithë materialet e dëmtuara dhe përllogaritjen e dëmit të shkaktuar nga vërshimi ujit në katet e nëndheshme të saj.

Të dhënat flasin për 12 mijë njësi me libra revista dhe gazeta të lagura nga uji. Në hapësirën depozituese të koleksioneve bibliotekare e prekur nga përmbytja ishin kryesisht tekste shkollore dhe botime të 15 viteve të fundit.