E ardhmja e Kosovës është pezull, sepse ajo vazhdon të pehatet ndërmjet kërcënimit gjenocidal pansllavist, në njërën anë, dhe kërcënimit islamofobik perëndimor, në anën tjetër. Ky është fati ters i këtij vendi të vogël, të varfër, të izoluar e të papranuar, i cili mbahet në këso gjendjeje për shkak synimeve revanshiste të koalicionit pansllavist (Rusisë e Serbisë) dhe projekteve konvertuese-prozelituese të Perëndimit.

Mediat në Kosovë njoftojnë vdekjen e ish-futbollistit të njohur, Fadil Vokrri. Koha Ditore shkruan se Vokrri, 57 vjeç, ka vdekur si pasojë e një ataku kardiak në orën 9:30 të mëngjesit të sotshëm kur ishte duke  bërë stërvitje.

Gazsjellësi Transadriatik njofton përmes faqes së vet online vendimin për nisjen e pyllëzimit masiv në Greqi në zonën ku ka kaluar gjurma e tij dhe ku për këtë shkak është bërë shpyllëzim. Sipas njoftimit, TAP merr përsipër të mbjellë dhe ripyllëzojë me 400 000 pemë dhe shkurre zonën që transformoi.

Ditën e hënë, në tregun e këmbimit valutor do të hidhen në qarkullim 14.5 miliardë Lekë. Televizioni Klan ka arritur të sigurojë një dokument ekskluziv, ku autoritetet publike i kanë kërkuar Bankës Europiane për Rindërtim e Zhvillim që kërkojnë që disbursimi i kredisë së Korporatës Elektroenergjetike Shqiptare me vlerë 118 milionë euro të bëhet në Lekë, përveç monedhës Euro.

Deputeti i partisë “Nisma” në Kosovë që drejtohet nga Fatmir Limaj, Milaim Zeka, ka deklaruar në Parlamentin e vendit se ish-prokurorja e EULEX, Isabelle Arnal ka patur marrëdhënie intime me një politikan të lartë. Sipas Zekës, që pretendon se ka raporte sekrete, prokurorja ka kryetr marrëdhënie në një vilë në Brezovicë, ku edhe i është kërkuar nga “politikani I lartë” që të procedojë Fatmir Limajn. Një akuzë e rëndë, ndonëse vjen nga një deputet që njihet se për qëndrime të këtilla publike.

Mediat serbe, por mesa duket edhe politika aty, po komplikojnë përditë e më shumë ecurinë e dialogut me Kosovën duke mbajtur nën presion informative me lajme që paralajmërojnë tensione. Në krye të diskutimit qëndron gazeta Vecernje Novosti, e cila citon shpesh burime diplomatike të nivelit të lartë.

Së pari, dje u njoftua me të madhe se tri fuqi kryesore europiane po nxisin dialogun dhe kërkojnë intensifikimin e tij, ndonëse pak ditë më parë, “Prishtina deklaronte se nuk do të dërgonte përfaqësues në Brukesl për të vijuar dialogun”.

Mesdheu po kthehet në një det që përmbytet nga plastika dhe ku ndotja mund ta bëjë atë të dëmshëm për jetën detare dhe shëndetin e njerëzve. Një raport i World Wild Life dëshmon se në detin  Mesdhe hidhen çdo vit 300 000 tonë plastikë duke ekspozuar shëndetin tonë ndaj rreziqeve serioze që vijnë me mikroplastikën.

Vendi kryesor që kontribuon në ndotjen në fjalë është Turqia, pasuar nga Spanja, Italia, Egjipti, Franca, Algjeria dhe Greqia.

Është domethënës fakti se debati për largimin e Blendi Fevizut nga Tv Klan u përhap në momentin që u përmend rroga e tij hipotetike në Top-Channel. Domethënëse pasi në të vërtetë duhet të diskutohej për tjetër gjë: modelin e medias së sotme në Shqipëri.

Thuhet prej kohësh që media është në krizë. Por edhe politika është në krizë. Këtë e përsërisin ata që janë gjeneruesit e krizës dhe që përfitojnë prej saj. Sepse kriza e medias kështu siç e shohim sot është strukturale. Por të përkufizosh diçka nuk do të thotë se ke dhënë edhe zgjidhjen.

Banka e Shqipërisë dha dritën jeshile për shitjen e filialit shqiptar të Bankës Kombëtare Greke (NBG Bank) tek Abi Bank.Transaksioni ka të bëjë me shitjen 100% të aksioneve të NBG Albania, nga Banka Amerikane e Investimeve. Marrëveshja tashmë është miratuar edhe  nga Autoriteti i Konkurrencës.

Asetet e përgjithshme të NBG Albania, që ka 16 degë, arrijnë në 306 milionë euro. Transaksioni është pjesë e planit të ristrukturimit të Bankës Kombëtare të Greqisë, e cila parashikon shitjen e filialeve të saj në vendet e Ballkanit.

Në Shqipëri mund të ndërtohet një kamp refugjatësh për emigrantët nga Lindja e Mesme. Klan Plus raporton se Austria, Gjermania, Holanda dhe Danimarka i propozuan sot Brukselit, si zgjidhje përfundimtare për refugjatët, ngritjen brenda këtij viti të një kampi të përhershëm azilkërkuesish, në një shtet të kontinentit evropian, por jashtë kufijve të Bashkimit Evropian.