CIA vlerëson se princit saudit, Mohammed bin Salman urdhëroi vrasjen e gazetarit Jamal Khashoggi në Stamboll. Këto vlerësime ndërlikojnë edhe më shumë përpjekjet e presidentit amerikan Donald Trump për të shpëtuar marrëdhëniet me aleatin kyç të SHBA-ve.

CIA ka informuar edhe segmente të tjera të qeverisë amerikane, duke përfshirë edhe Kongresin, për vlerësimin e saj, përfundime që bien ndesh me  pozicionet e qeverisë saudite se Princi Mohammed nuk është i përfshirë në vrasjen e gazetarit.

Presidenti i Republikës Ilir Meta ka dekretuar sot Sandër Lleshajn në detyrën e ministrit të Brendshëm. Kreu i shtetit ka miratuar propozimin e kryeministrit Edi Rama depozituar në datën 9 nëntor.

Lleshi vjen në detyrë pas një debati mbi kushtetueshmërinë e refuzimit të parë të presidentit, ndërkohë që kësaj radhe kryeministri Rama ka folur me tone konstruktive në raport me presidentin.

Njeriu i duhur  në kohën e duhur, thotë Rama për Lleshajn. Mbetet për t'u parë. 

Kryeministrja britanike Tereza Mei mund të përballet me mocion mosbesimi në parlament, pasi  anëtarë të Partisë Konservatore pritet të dorëzojnë 48 firmat e nevojshme për të vënë në lëvizje procedurën parlamentare.

Duke cituar burime nga kampi i Brexit, Daily Telegraph thotë se votimi për mocionin mund të ndodhë të martën që vjen.

Sipas kësaj gazete, partia irlandezoveriore e DUP deklaroi se marrëveshja me Partinë Konservatore do të anullohet nëse kryeministrja e Britanisë Tereza Mei nuk zëvendësohet me një udhëheqës të ri.

Kjo më poshtë është Kërkesa që Sandër Lleshaj i ka nisur Presidentit më datë 12/11/2018. P0 ta lexosh atë krijon bindjen se z. Lleshi nuk ndihet ushtarak aktiv dhe e ka krijuar këtë bindje jo si person, si gjeneral, apo si intelektual siç na thonë se është, por si jurist. Ai i interpreton presidentit ligjet dhe vendimet e gjykatave, bën deduksione dhe kalime logjike. Si e si për të thënë se "unë nuk jam ushtarak aktiv". 

Presidenti i Republikës ka paralajmëruar sot dekretimin e Sandër Lleshit/ajt në detyrën e ministrit të Brendshëm. Me një dekret të orës së fundit, Ilir Meta ka dekretuar nxjerrjen në lirim të Sandër Lleshajt, duke konfirmuar kështu zyrtarisht se kandidati i Edi Ramës ka qenë deri më tani ushtarak aktiv.

Presidenti njoftoi ditë më parë 14 pyetje për Ministrinë e Mbrojtjes të cilat kërkonin informacion për statusin e Lleshajt që më vonë bëri kërkesë për lirimin.

Peter Beyer, raportues i grupit parlamentar CDU/CSU për Kosovën dhe Serbinë në Komisionin e Jashtëm të Bundestag-ut, thotë se askush në administratën amerikane nuk është euforik ndaj propozimit të Hashim Thaçit për korrigjim të kufijve.

Ai thekson se është në interes të përbashkët dhe në interes të BE-së dhe të Gjermanisë që këto vende të shkojnë mirë me njëri-tjetrin, në fund që të dy do të jenë anëtare të plota të BE-së.

Kryeministrja e Serbisë Ana Brnabiq u përball me pyetje shumë të pakëndshme për Kosovën, reformat, perspektivën e Serbisë në intervistën për Deutsche Welle me Tim Sebastian.

Ajo ka pranuar se Serbisë i është bërë e qartë se pa njohur Kosovën nuk mund të hyjë në BE. Sipas Brnabiq ekziston mundësia që deri në vitin 2025  Beogradi të nënshkruajë një marrëveshje të qëndrueshme për normalizimin e raporteve me Prishtinën.

Departamenti i Shtetit përgënjeshtron lajmin e dhënë nga NBC se Shtëpia e Bardhë është duke kërkuar rrugë ligjore për dëbimin nga SHBA të imamit, Fethullah Gylenit, të cilin Ankaraja akuzon si orkestrues kryesor të grushtit të dështuar ushtarak.

"Më lejoni të shtoj se, nga bisedat që kam bërë me disa kolegë, Shtëpia e Bardhë nuk ka marrë pjesë në ndonjë diskutim mbi çështjen e Fethullah Gylenit"- tha zëdhënësi i Departamentit amerikan të Shtetit, Heather Naouert.

Zv. Ministri i Arsimit, Tulant Muka, dha dorëheqjen. Arsyet etike dhe mospërputhja me modelin sesi bëhen punët në Ministrinë e Arsimit ishinato që z. Muka dha për largimin e tij. Nuk mbushi dy javë në këtë detyrë, çka flet më së paku për dobësi të mëdha si menaxher.

Z. Muka, një denoncues i falsifikimit të punimeve shkencore të shumë emrave të profesoratit në Shqipëri, mori detyrën pasi denoncoi edhe paraardhësin për plagjiaturë.