Fehmi Abdiu, ish-kryetar i Gjykatës Kushteuese ka dhënë dy ditë më parë një intervistë për gazetën “Tema” në cilësinë e konstitucionalistit. Abdiu është metaforikisht si makina e urgjencës për socialistët e gjeneratës tjetër që bëjnë politikë orale dhe nuk njohin nen e germë të ligjit. Kësaj radhe juristi ka folur edhe situatën e krijuar mes Presidentit dhe Kryeministrit për dekretet për ministrat e rinj.

SHBA duket se ka larë duart me vrasjen e gazetarit të “The Washington Post” Jamal Khashoggi teksa sekretari i Departamentit të Shtetit, Mike Pompeo ka takuar sot dy drejtuesit e monarkisë saudite, mbretin Salman dhe Princin e Kurorës, Mohammed bin Salman, i cili akuzohet ndërkombëtarisht si urdhërues i vrasjes së gazetarit në konsullatën suaidte në Stamboll.

Takimi mes Pompeo dhe Princit ka zgjatur 45 minuta dhe në të është folur kryesisht për krizën në Jemen, ku Arabia Suadite është aktor kryesor.

Në skadim të afatit një javor për të dekretuar Genti Cakajn si ministër të rinj, kryesia e Partisë Socialiste e pa të udhës të mos e çojë emrin e tij në parlament, por të gjejë si zgjidhje delegimin e kësaj detyre kryeministrit Rama, me kërkesë të këtij të fundit kuptohet.

Këtë zoti Rama e konfirmoi edhe me një status në twitter, ku thotë se presidenti do ballafaqohet më vonë me këto "paudhësi".

Greqia dhe Serbia mund të shkojnë së shpejti drejt zgjedhjeve të parakohshme, duke krijuar pasiguri të reja në rajonin tonë. 

Një ditë para vendimit histork gjasat janë që anëtarët e parlamentit britanik të bllokojnë Brexit se sa  të miratojnë largimin nga Bashkimi Evropian më 29 mars pa u pajtuar me kushtet e vendosura nga BE. 

Ngërçi është për mënyrën se si vendi do të shkojë drejt Brexit, i cili përbën ndryshimin më të rëndësishëm në politikën e jashtme dhe tregtare të Britanisë gjatë 40 viteve të fundit. 
Qëndrimet e konservatorëve e kanë zhytur edhe më thellë në pasigurinë e procesit të tërheqjes së Mbretërisë së Bashkuar nga BE

Bashar Al – Assad është drejt zyrtarizimit të fitores së luftës në Siri, qoftë asaj civile, qoftë asaj me sponsorizuesit e huaj që tentuan ta rrëzojnë. Associated Press raporton se shumica e vendeve arabe që deri më tani i kishin vënë bllokadë dhe madje kishin hedhur miliarda për ta rrëzuar nga pushteti, po rishikojnë mundësinë e hapjes së ambasadave në Damask së bashku me linjat ajrore deri më tani të ndërprera.

Qeveria shqiptare ka ndërmarrë së fundmi një nismë që synon të përfshijë në sistemin e administratës shtetërore student të ekselencës. Për këtë qëllim është hapur edhe një portal i ri, punetembare.al.

Top-Channel njofton sot se nga 803 vende të lira në administratë ka patur 100 aplikime, ndërkohë që niveli i pagave varion nga 48 mijë lekë në 75 mijë lekë të reja bruto.

Gazeta e njohur britanike “The Guardian” i është shtuar sot listës së pafundme të mediave që shkruajnë për të ashtuquajturën Mafia Shqiptare. Përmes një shkrimi ku nuk ka ndonjë të dhënë statistikore, ku përzihet emfatizimi i shqiptarëve të dhunshëm, ku dominon titulli bombastik “Mbretërit e kokainës”, ku venerohet pa dashje aftësia e shqiptarëve në trafik dhe në shpërndarje e ku patjetër që nuk mungojnë edhe klishetë e zakonshme të Besës dhe Kanunit, gazeta në fjalë përsërit litaninë e bezdishme të gënjeshtrës që quhet Mafia Shqiptare.

Është arrestuar në Santa Cruz de la Sierra të Bolivisë, Cesare Battisti, i shpallur në kërkim nga Italia që në vitin 1981. Ai ndodhej në Bolivi pasi ishte larguar nga Brazili në vitin 2018, për shkak se presidenti Michel Termer i revokoi statusin e rezidentit të përhershëm.

Qeveria greke ka hyrë në krizë sot, teksa partneri i djathtë i kryemininstrit grek Tsipras, Panos Kamenos, ka deklaruar tërheqjen nga qeveria. 

Deklarata erdhi pas një takimi me kryeministrin të cilin Kamenos e ka cilësuar si shumë të rëndësishëm. Ai ka vlerësuar bashkëqeverisjen me Syriza-n duke u ndalur gjithësesi te çështja e emrit të Maqedonisë, që sipas tij është e pakapërcyeshme. 

Kamenos do të sqarojë më gjerësisht mediat për vendimin e tij, por largimi duket se çon drejt zgjedhjeve të parakohshme në Greqi.