Një dëshmitar kolumbian, Alex Cifuentes, ish-trafikant droge, ka deklaruar gjatë një seance gjyqësore në Neë York, se ish-bosi i trafikut të kokainës, Joaquin Guzman, i njohur me nofkën “El Chapo” i ka paguar ish-presidentit meksikan Enrique Pena Niet, 100 milonë dollarë për të mos e arrestuar. AFP shkruan se ka shumë të dhëna të dyshimta në këtë dëshmi që ëstë akuzë për ish-presidentin meksikan të vitit 2012.

Franca dhe Gjermania po bëhen gati të nënshkruajnë një traktat, ku të dy vendet janë të vendosur të kenë politikën e jashtme, të mbrojtjes, të sigurisë dhe të zhvillimit ekonomik të përbashkët. Ky traktat i pashoq po konsiderohet si gjedhe për të ardhmen e Bashkimit Europian (BE). Një vit më parë, diplomatë nga të dy vendet filluan të negociojnë një marrëveshje në frymën e Marrëveshjes të Elizesë (Élysée) të vitit 1963, e cila, zyrtarisht, la pas shekuj armiqësish të përbashkëta dhe farkëtoi aleancën franko-gjermane, që është kthyer në një forcë lëvizëse e BE-së.

Turqia e Recep Tayyip Erdogan kërkon rishikimin e Marrëveshjes së Dejtonit të vitit 1995 që i dha fund luftës në Bosnje – Hercegovinë. Gjatë një konference për shtyp në Ankara me homologen kroate, Kolinda Grabar Kitaroviç, Erdogan deklaroi se marrëveshja e vitit 1995 nuk ka sjellë paqen.

Detektivi i plagjiaturës Taulant Muka, ka raportuar së fundmi se një sërë deputetësh si Taulant Balla, Niko Peleshi apo Lefter Koka kanë gënjyer me diplomimin e tyre apo me doktorimin. 

Media të ndryshme kanë rendur për të përgënjeshtruar këto akuza duke publikuar online diploma e dëftesa, si e si për të shërbyer me idenë se këta që janë në politikë nuk janë të denjë të na përfaqëojnë sepse nuk kanë haber nga zhvillimet e reja. 

Parlamenti Europian ka vendosur dje të lejojë që presidenti i Bankës Qendrore Europiane, Mario Draghi të vijojë të qëndrojë si anëtar i grupit të mbyllurG30 – Grupi i të Tridhjetëve.

Amendamenti i propozuar u rrëzua me 439 vota kundër dhe vetëm 181 pro, këta të fundit kryesisht nga e majta. Teksti final i rezolutës sanksionon se drejtuesit e Bankës Qendrore janë të lirë për të vendosur nëse do të marrin pjesë në forume, qofshin këto edhe të mbyllura…

Alexis Tsipras ia hodhi edhe kësaj radhe. Ai ka kaluar provën e mocionit të votëbesimit në Parlament pasi aleati i tij i djathtë, Kamenos u tërhoq nga qeveria. Me 151 vota pro dhe 148 kundër, Tsipras mbette në detyrë duke u përqendruar te vota për marrëveshjen e Prespës që pret ratifikimin nga Parlamenti grek.

Kjo është një votë për stabilitetin. Mora rrezikun duke treguar kuarjo politike sepse ajo që kemi përpara kërkon zgjidhje të qarta

tha Tsipras para votimit.

Shumica në parlament noterizoi ndryshimet në qeveri, në një seancë që konfirmoi nivelin banal që i kanë imponuar rendit politik tri parti (PS-PD dhe LSI).

Deputetët e Lulzim Bashës dhe Monika Kryemadhit u paraqitën si mbrojtës të parlamentarizmit, duke nxitur një debat të stisur, nisur nga pretendimi se mazhoranca refuzoi një seancë me debat për ministrat e rinj.

Socialistët janë hedhur në mësymje të përgjithshme për të këshilluar presidentin e Republikës, Ilir Meta se po bën një gabim të rëndë me mosdekretimin e ministrit të Jashtëm. Me një qasje që manifeston siguri të pambështetur, përfaqësues të PS-së e konsiderojnë çështje të fituar prej tyre në Gjykatën Kushtetuese kazusin nëse kreu i shtetit ka apo jo të drejtë të refuzojë një propozim të kryeministrit. Çdo gjë do të varet nga objekti i ankimit dhe mënyra sesi do të përpilohet ai, por në çdo rast, askush nuk mund të jetë garanci të plota se Gjykata Kushtetuese do të vendosë pro tyre.

Telekom Albania i është shitur për 50 milion euro kompanisë bullgare “Albania Telecom Invest AD”. Njoftimin e ka bërë përmes një deklarate zyrtare grupi “OTE” që është pronari i kompanisë Telekom në Shqipëri dhe që kontrollohet nga grupi gjerman “Deutche Telekom”.