NATO (Organizata e Traktatit të Atlantikut të Veriut) feston  në 4 Prill 70 vjetorin. E themeluar në vitin 1949, fill pas Luftës së Dytë Botërore qëllimi fillestar ishte për të kufizuar ndikimin sovjetik në kontinent gjatë Luftës së Ftohtë.

Sot, misioni zyrtar është që të zhvillojë bashkëpunimin mes vendeve anëtare në fusha të ndryshme (ushtarake, politike, ekonomike, sociale, arsimore), promovimin e interesave gjeopolitike dhe parandalimin e agresioneve të armatosura kundër çdo shteti anëtar.

Shtetet e Bashkuara të Amerikës mbështesin një marrëveshje mes Serbisë dhe Kosovës e cila është e zbatueshme, që nuk provokoj destabilitet në asnjërin prej vendeve apo në rajon dhe që të jetë e qëndrueshme. 

Kancelari i Austrisë, Sebastian Kurz deklaron në një intervistë për revistën “CorD” se Ballkani Perëndimor nuk është zhvendosur nga axhenda europiane e zgjerimit dhe integrimit. Por lidhur me Serbinë, ai ka bënë në dukje domosdoshmërinë e normalizimit të marrëdhënieve me Kosovën përmes një zgjidhjeje që siç tha ai duhet të miratohet nga Fuqitë e Mëdha. 

37 mjete të blinduara rezistente ndaj pritave dhe kurtheve të minuara i janë dhuruar ushtrisë shqiptare nga Shtetet e Bashkuara.  Në ceremoninë e dorëzimit të këtyre mjeteve, mori pjesë ministrja e Mbrojtjes OltaXhaçka, e ngarkuara me punëe Shteteve të Bashkuara në Tiranë, LeylaMoses-Ones dhe shefi i Shtabit të Përgjithshëm të FA, gjeneral brigade Bardhyl Kollçaku.

Ish-ministri i Jashtëm, Ditmir Bushati , i cili që pas shkarkimit është goditur nga kryeministri  Rama përmes rioshit Gent Cakaj foli  në parlament për situatën aktuale politike duke theksuar se maxhoranca nuk duhet të tregohet arrogante me opozitën që është jashtë Parlamentit.

Për Fondin Monetar Ndërkomëbtar, përfshirja e 13 mijë bizneseve të vogla në zinxhirin e tatimit mbi vlerën e shtuar, ka dhënë impakt të ulët në rritjen e të ardhurave tatimore. FMN ka bërë një analizë të sistemit të administrimit tatimor në Shqipëri, në bazë të një projekti që kishte me Drejtorinë e Përgjithshme të Tatimeve për dhënien e asistencës teknike në këtë fushë.

Sipas raporteve më të fundit ndërkombëtare nga ekspertë të shëndetit, Europa po përjeton aktualisht numrin më të lartë të të prekurve nga fruthi në 20 vjet, përfshirë ato vende ku sëmundja ishtë asgjësuar më parë. Brenda Bashkimit Europian, Greqia është vendi ku sëmundja ka goditur më fort. Arsyeja e parë, sipas Organizatës Botërore të Shëndetësisë, është “hezitimi ndaj vaksinave”, që është listuar prej saj si një nga 10 kërcënimet kryesore globale të shëndetit për vitin 2019, pavarësisht disponibilitetit të vaksinave.

Tërheqja e kryeminstrit dhe shpallja e zgjedhjeve të parakohshme duket se janë çështje kohe. Zoti Rama por edhe të tjerë brenda mazhorancës janë të ndërgjegjshëm se mbajtja e zgjedhjeve lokale në këto kushte është një rrugë pa krye që nuk ka për t’i dhënë zgjidhje situatës. Koha në dispozicion mesa duket do shfrytëzohet për ta shitur tërheqjen jo si disfatë  apo dorëzim i Edi Ramës por si reflektim i pavarur i elitës politike të socialistëve.

Viktimë e legjislacionit që parashikon burgimin për ata që "ofendojnë" qeverinë dhe presidentin Putin është bërë  një mbishkrim në fasadën e ndërtesës së Ministrisë së Brendshme ruse, ku shkruhej se “Putin është gay"”.  Lajmi i botuar fillimisht në agjencinë  “Tjournal” dhe disa portale u tërhoq me urdhër të Prokurorit të Përgjithshëm.

Të paktën pesë portale u detyruan të tërheqin lajmin pas ndërhyrjes së Shërbimit Roskomnadzor, i cili shpërndau për mediat një urdhëresë të posaçme.

Damian Gjiknuri e kaloi fazën e vështirë të heqjes nga detyra e ministrit. Ata që e njohin zotërinë në fjalë e përshkruajnë si njeri praktik që e di pse është në politikë, se çfarë duhet të bëjë dhe se për çfarë i shërben shefit.

Historiku i tij i ministër i Infrastrukturës dhe Energjetikës është udhërrëfyesi më u mirë për këtë. Zotëria e nis udhën mirë, me çështjen CEZ dhe 400 milionë dollarët e saj. E mbani mend si mbrohej juristi u shquar Gjiknuri kur u hapën dosjen në atë kohë?

“Ky është vendim i qeverisë dhe Parlamentit”, thoshte.