Presidenti i Shteteve të Bashkuara të Amerikës, Donald Trump, ka revokuar urdhërin e paraardhësit të tij, nobelistit të paqes, Barack Obama, për raportimin e viktimave civile nga goditjet ajrore me dron.  Urdhëri i ri nuk aplikohet për zona lufte si Siria, Iraku dhe Afganistani, ku SHBA ka trupa ushtarake të dislokuara, por për goditjet ajrore që kryhen nga operativët e shërbimeve sekrete.

Mark Zuckerberg bën një kthesë 180 gradë. Nëse më parë koncepti i rrjeteve sociale bazohej në shpërndarjen publike të statuseve, fotove dhe mesazheve, tani ai do të përqendrohet te privatësia dhe komunikimi i kriptuar mes përdoruesve.

Kryefjala e vizitës në Tiranë të Drejtorit të Zgjerimit, Christian Danielsson ishte sërish nevoja për të ruajtur stabilitetin, por ndryshe nga misioni i javës së kaluar, zyrtari i lartë i BE-së, tregoi një qasje më të baraslarguar në raport me palët. 

Përtej mosdakordësisë me daljen nga parlamenti të opozitës, ai foli për nevojën e një udhëheqje të përgjejgjshme për vendin në raport me kërkesat e Brukselit.

Konstatimi i bërë prejt tij duket një lexim më realist i situatës, ku sipas zyrtarit të BE asnjë nga palët nuk e dëshiron dialogun.

Në një takim të sotshëm kryeministri Edi Rama ndër të tjera tha: 

Ka ende drejtues dhe punonjës që nuk janë në lartësinë e duhur dhe ne po përgatitemi për një paketë të re masash ndëshkimore për të gjithë ata të cilët fshihen pas neneve të ligjit të shërbimit civil apo fshihen pas njëri-tjertrit dhe nuk shërbejnë si duhet dhe nuk e përfaqësojnë në asnjë mënyrë ambicjen tonë për administratën që duam

24 orë televizon më televizion dhe gazetë më gazetë.

Kështu shkruan kryeministri Edi Rama për vizitën e tij në Itali që mund të quhet padyshim e pazakontë, në mos e paprecedentë. Kryetari i një qeverie shkon nga njëra redaksi në tjetrën për të sqaruar atë që mendon ai se duhet sqaruar për Shqipërinë. Me siguri që edhe Ismail Qemali kur po shpallte Mëvetësinë nuk do të ketë qenë kaq i angazhuar me gazetat që asokohe kishin ndoshta më shumë fuqi reale sesa sot.

Edi Rama ka marrë me radhë televizionet dhe gazetat italiane për t’i mbushur mendjen njerëzve të medias dhe publikut atje se ajo që shohin në Shqipëri nuk është ashtu siç duket.

Protestat e opozitës dhe akuzat e saj për korrupsionin e qeverisë apo  lidhje të pushtetit me segmente kriminale, sipas kryeministrit nuk përputhen me gjendjen faktike në vend.

Bashkia e Tiranës ka pagëzuar vitin 2019 për mungesën e transparencës pasuar nga Autoriteti Rrugor Shqiptar. Vendimi i parë i Komisionerit për të Drejtën e Informimit dhe Mbrojtjen e të Dhënave Perosnale ka qenë pranimi i një ankese të bërë për refuzimin nga Bashkia të vënies në dispozicion të Urdhërit nr. 25000, dt. 27 qershor 2018 për Ngritjen e Grupit të konstatimit dhe verifikimit të dëmeve në Bashkinë e Tiranës si dhe raportin përfundimtar që është vendosur në dispozicion të kryetarit të bashkisë.

Mediat greke raportojnë për lëvizjen e ministrit të Jashtëm venezuelian Jorge Arreza me një avion që është ngritur nga Caracas dhe është ulur në Athinë për katër në datën 2 mars.

Sipas këtyre raportimeve që referojnë burimet opozitare në Venezuelë, avioni në fjalë është ngritur në fluturim pa planifikim paraprak, në të njëjtën ditë që qeveria e Maduros nxori jashtë vendit një sasi të madhe ari.

Pas 32 vitesh punë si Prokuror, Petrit Fusha thotë se Prokuroria nuk është vendi ku ai mund të kontribuojë më mirë.

Ai ka dorezuar doreheqjen ne daten 28 shkurt ne Këshillin e Lartë të Prokurorisë. Kjo lëvizje e Fushës dyshohet se ka lidhje me kontrollin e pasurisë dhe kritereve profesionale, pasi nga doreheqja atij i nderpritet edhe procesi i vetingut.

Petrit Fusha është përfolur në opinionin publik si mbrojtësi i kryebashkiakut Erion Veliaj, pas takimit me të cilin  dyshohet se mbylli dosjen e Ardit Gjoklajt, adoleshentit që u gjet i vrarë në landfillin e Sharrës.

Pështjellim ka krijuar në Greqi një deklaratë e ambasadorit amerikan Jeffrey Paiat se Shtetet e Bashkuara kanë prova të përpjekjeve ruse për të ndërhyrë në zgjedhjet e ardhshme në vendin fqinj.

"Ne kemi parë prova të përpjekjeve të Rusisë për të minuar rolin e Patriarkut Ekumenik. Tani mund t'ju them se kam parë prova të ndërhyrjes ruse në zgjedhjet e ardhshme greke"- tha diplomati amerikan në një prononcim për televizionin grek Antena.