Ndryshimet që iu bënë ligjit për Vettingun në polici  presidenti Ilir Meta i ka gjetur në kundërshtim me Kushtetutën, duke kthyer e kthyer atë mbrapsht për rishqyrtim. Sipas  kreut të shtetit , mekanizimi i ri që është propozuar  shkrin organet që ishin përgjegjës për realizimin e fazës së dytë dhe të tretë të procesit, duke parashikuar si organ për kryerjen e vlerësimit kalimtar për këto faza, Shërbimin për Çështjet e Brendshme dhe Ankesat në Ministrinë e Brendshme.

Presidenti i Italisë, Sergio Mattarella mendon se vala a e sovranizmit që ka përfshirë së fundmi Europën nuk do të kërcënojë dot ekzistencën e Bashkimit Europian. Ai ka shprehur disa qëndrimet të vetat gjatë një interviste dhënë për revistën farnceze, Politique Internationale, intervistë e cila është edituar me titullin: Francë-Itali, një marrëdhënie e pashkatërrueshme.

Pekini zyrtar ka ftuar edhe Korenë e Veriut të marrë pjesë në nismën “Një Brez, një Rrugë”.  Projekti është 1 trilionë dollarë dhe përfshin ndërtim rrugësh, hekurudhash dhe portesh. Njoftimin për pjesëmarrjen në samitin e javës tjetër e ka dhënë ministri i Jashtëm kinez, Wang Yi sipas të cilit:

Një gjë e tillë është shumë normale sepse është një nismë e bashkëpunimit ekonomik

Olta Xhaçka ishte në Pentagon për herë të  dytë brenda një viti, ku u prit nga sekretari i Mbrojtjes në detyrë, Patrick Shanahan. Kryefjalë e vizitës ishte marrëveshja me Departamentin Amerikan të Mbrojtjes për modernizimin e Forcave të Armatosura shqiptare, veçanërisht të Forcës Ajrore, përmes marrjes së disa helikopterëve “Black Hawk”.

Njësitë e kundërterrorizmit në policinë greke kanë arrestuar dje një ndër avokatët më të njohur në end, Alexandros Lykourezos, bashkë me disa bashkëpunëtorë të tij. Akuza që ngrihet ndaj avokatit, i cili për një periudhë kohe mori në mbrojtje edhe interesat e familjes Katsifas në Bularat është përfshirje në atë që media greke e quan Mafia e Burgjeve dhe që kryesisht kryen aktivitetin në burgun e sigurisë së lartë të Korydhalos. 

Ministrja e Infrastrukturës dhe Energjisë, Belinda Balluku tha se qeveria do të hapë së shpejti garën për ndërtimin dhe menaxhimin e aeroportit ndërkombëtar të Vlorës. 

Gjatë nënshkrimit të marrëveshjes me një kompani fluturimi, Balluku e cila tha se në garë do të marrin pjesë një numër i konsiderueshëm firmash.  Një vit më parë qeveria dhuroi 10% të pikëve bonus në garë për një bashkim kompanish turke për ndërtimin e e aeroportit, të cilat mësohet se janë tërhequr.

Qeveria e Alexis Tsipras në Greqi po përballet me një sulm të zgjatur rreth një skandali të madh të dyshuar që ka përfshirë ministrin për Dixhitalizimin, Nikos Pappas. Ky i fundit konsiderohet një ndër njerëzit më të afërt të Tsipras dhe prej disa muash tashmë është në qendër të akuzave sipas të cilave ish-drejtori I kompanisë shtetërore të gazit, DEPA, Theodoros Kitsakos nuk ka mbledhur borxhet që shkojnë deri në 110 milionë euro që I kishte si detyrim, kompania Elfe e biznesmenit Lavrendi Lavrendiadhi.

Raporti i fundit i Reporterëve pa Kufij e vendos Shqipërinë në rënie, por duke identifikuar veprimet ligjore dhe qëndrimet publike të kryeministrit Edi Rama si faktor për këtë.

A do hyjë Partia Demokratike në zgjedhje? Kësaj pyetje nuk di t’i japë përgjigje as vetë Lulzim Basha.

Në propozimet që i ka bërë kryesisë së PD, kreu i demokratëve lë të hapur mundësinë për të negociuar futjen në zgjedhje, nisur nga optimizmi i sondazheve.

Burime thanë për Respublica thanë se seksionet e PD janë porositur të përgatiten për t'u futur ne zgjedhje.

Në propozime Basha flet për krijimin e kushteve për zgjedhje të lira, pa specifikuar se cilat janë këto kushte.

Shqipëria ka regjistruar rënië në lirinë e medias për vitin 2018. Raporti i fundit i Reporterëve pa Kufij e rendit atë tonë në vendimme 82-të, shtatë vende më poshtë se një vit më parë. Rënia është karakteristike për mbarë rajonin dhe BE-në që për nga niveli i humbjes së renditjes vijnë të dytët në botë pavarësisht se Europa është mjedisi më i mirë për gazetarët. 
Për Shqipërinë ka rëndësi arsyeja që ka çuar në këtë rënie dhe pushteti është violinë e parë e kësaj note negative.