Autoritetet turke raportojnë se kanë sekuestruar 18.1 gram Californium radioaktiv, material që përdoret në prodhimin e armëve bërthamore dhe në reaktorë bërthamorë. Vlera e materialit të kapur shkon në 72 milionë dollarë dhe ajo u kap nga policia kriminale dhe antitrafik në një makinë në rajonin Detit të Zi.

Mediat raportojnë se sasia e kapur i është dërguar për analiza të mëtejshme Autoritetit Turk për Energjinë Atomike.

Juncker tha se rotacioni në krye të Komisionit Europian nuk pati shumë transparencë. Nuk është e qartë se çfarë donte të thoshte zyrtari në fjalë që e plotësoi mandatin me mikroskandale dhe skena komike të një pijedashësi që është ngopur duke qenë në krye. Por fjala është për caktimin në vend të tij të ministres gjermane të Mbrojtjes, Ursula von der Leyen. Një njeri I gjermanëve në krye të KE-së. Kështu është ideja e parë. Një njeri i Merkel që sot ka timonin e Europës, ekzekutivit të saj.

Në gjendjen aktuale politike në Bashkimin Europian askush nuk mendon për zgjerimin e tij në drejtim të Ballkanit Perëndimor. Kjo është e vërteta e thjeshtë dhe e qartë. BE brenda saj ka kaq shumë sprova të vështira, me të cilat duhet të përballet, e në lidhje me Ballkanin Perëndimor është tërësisht jo-unike.

Vizita e presidentit rus, Vladimir Putin në Itali, është shoqëruar me optimizëm nga politika e vendit fqinj që përherë ka mbajtur një linjë komunikimi të veçantë me Moskën. kryeministri Italian, Giuseppe Conte është shprehur në një intervistë për gazetën “La Stampa” se Rusia mund të luajë një rol në menaxhimin dhe zgjidhjen e krizave rajonale si ato në Venezuelë, Siri apo Libi. Conte ka nënëvizuar se për situatën në Libi është mirë që violin e parë për armëpushimin të jetë OKB-ja, një qasje që shkon në logjikën e tij për një dialog përfshirës mes Rusisë dhe SHBA-së.

Karikatura si nëndegë e artit viziv njihet ndryshe si portreti i ekzagjeruar. Vetë fjala ka kuptimin e paraqitjes groteske ose qesharake nëpërmjet ekzagjerimit të një tipari karakteristik, ndërsa ruhet ngjashmëria e përgjithshme.

Si një zhanër që njohu zhvillim në shekujt e 16 dhe 17, karikatura u përdor nga satiristët e kohës për të vënë në lojë figura publike dhe politikanë. Megjithatë, disa e lidhin origjinën e karikaturës me Leonardo Da Vincin dhe vizatimet e tij në vitet e fundit të shekullit XV.

Raportohet se Zhaku i Fierit, një nga dy luanët që u zhvendosën në Hollandë për t’i shpëtuar një lloj Burreli zoologjik, ku hyn dhe nuk del, ka vdekur. Ose ka ngordhur me standardin persekutues të shqipes. Top-Channel ka sjellë njoftimin e qendrës Felida në Hollandë që ka përcjellë me dhimbje ndarjen nga jeta të një krijese të pafajshme që u kap në kurthin e vdekjes në Fier të Shqipërisë. Për këtë luan ishte tepër vonë, pasi veshkat e tij ishin shumë të dëmtuara.

Mediat serbe po qarkullojnë një emër si të dyshuar kryesor për vrasjen e Oliver Ivanoviçit, politkanit serb të Kosovës. Gazeta “Novosti” flet për një person të quajtur Florim Ejupi si i dyshuar kryesor për të cilin pretendon se ka marrë informacione nga gjykatësi suedez Christer Karphammar, drejtues i hetimeve për sulmet me bombë në Podujevë në vitin 2001.

Një baba dhe vajza e tij shtrihen të vdekur në bregun e lumit Rio Grande, të bashkuar në një përqafim, pasi u mbytën në përpjekje për të arritur në Shtetet e Bashkuara. Burri është Óscar Alberto Martinez Ramírez; vajza e tij 23 muajshe quhej Angie Valeria. Ata mbërritën nga El Salvadori dhe kishin tentuar të kalonin kufirin me not. Fotoja e trupave të tyre u përhap në të gjithë botën javën që shkoi. Është një histori që të këput shpirtin.

Nga Samiti i Poznanit na vjen një video ku kryeministri Edi Rama shihet duke shkëmbyer batuta dhe të qeshura me kancelaren Merkel. Këtë shpërndan zoti kryeministër dhe kështu e interpretojnë mediat që i shërbejnë.

Të qeshura dhe batuta kanë ardhur edhe nga Samiti i Berlinit, Vjenës, Triestes. Batutat nuk kanë munguar edhe në takimet dypalëshe, por ja që vendimet e marra dallojnë nga simpatitë personale.

Tallavaja politike është zhvendosur edhe në Komisionin Qendror të Zgjedhjeve. Përveç lajmit të kërcënimit të kryetarit të tij, Klement Zguri, mbledhja e djeshme ka provuar një tjetër maskaradë të luajtur për qëllime personale të zv.kryetarit Denar Biba.