Autostrada Tiranë-Durrës është në planet e qeverisë për t’u kthyer shumë shpejt në një aks ku kalimi do të jetë me pagesë. Ministrja e Infrastrukturës Belinda Balluku thotë se ka rënë kontakt me investitorë të huaj për këtë projekt, por pa dhënë më shumë detaje. Ajo thotë se është duke negociuar për të nisur brenda vjeshtës punimet përmes Partneritetit Publik Privat.

Zonja Gjylameti pranoi sot se udhëheqja e Partisë Socialiste është shumë e shqetësuar për shkrimin e gazetës gjermane "Bild“ sipas të cilës Shqipëria është një shtet që qeveriset nga gangsterët dhe ku kryeminsitri i saj është pjesë e një përgjimi në dosjen hetimore 339 për blerjen e zgjedhjeve.

Nuk ka sesi në fakt zonja Gjylameti dhe shokët socialistë të mos shqetësoheshin për skanerin që gazeta gjermane i ka bërë qeverisjes së zotit Rama sidomos për një çështje si ajo e zgjedhjeve, për të cilën ka folur më herët edhe Zëri i Amerikës.

Ish-ministri i Bujqësisë, Edmond Panariti, e konsideron qesharak buxhetin prej 10.8 miliardë lekë, i akorduar për Ministrinë e Bujqësisë për këtë vit. I ftuar në studion e Tema TV, Panariti pohoi se bujqësia nuk po merr vëmendjen e duhur nga shteti dhe se buxheti i vënë në dispozicion është shumë herë më i ulët krahasuar me fondet e rajonit.

“Është qesharak për një bujqësi, e cila kontribuon në PBB me 20%, merr në raport me këtë prodhim 0.05 %. Kjo është e padëgjuar dhe ka bërë që ndërmarrjet bujqësore të mos jenë më të efektshme”, tha Panariti.

Kur Kosova kishte shpallur Pavarësinë më 17 shkurt të vitit 2008, kryesimin e radhës së BE-së e kishte Sllovenia. Këtij shteti të ri në atë kohë të BE-së, me një përvojë prej më pak se katër vjet si anëtare e BE-së, i ra mbi supe një detyrë jo e lehtë. U desh që Sllovenia të mundohej të ndërtojë një konsensus brenda BE-së për shtetësinë e Kosovës. Sa i përket qëndrimit individual nuk kishte dyshim: Sllovenët ishin shprehur në favor të pavarësisë madje duke thënë se Kosova po e përdorte të njëjtën të drejtë që në vitin1991 e kishin përdorur sllovenët.

Një lajm i mirë për kombin shqiptar: Besa Shahini, aktualisht ministre e Arsimit në Shqipëri, do të jetë gjatë në politikën shqiptare në Tiranë. Zonja e njofton haberin në një intervistë për gazetën “Mapo”, përmes së cilës bën me dije se është një gjë shumë e mirë që z. Rama hapi PS-në dhe qeverisjen për kosovarët.

Serbia ka përfituar një tjetër investim me shumë rëndësi duke provuar se është vendi kryesor në këtë drejtim në rajonin tonë. Mediat serbe njoftojnë se korporata e njohur NCR, pjesë e gjigandit AT&T, që realizon pajisje të teknologjisë së lartë, do të investojë në Beograd ndërtimin e një kampusi prej 30 mijë metrash katrorë, për një vlerë investimi prej 90 milion dollarësh ku pritet të punësohen më shumë se 4000 persona.

Pothuajse gjysma e subjekteve  që janë ankuar për procedat në tendera kanë marrë të drejtë nga Komisioni i Prokurimit Publik.

Gjatë raportimit vjetor në Komisionin Parlamentar të Ekonomisë, kryetarja e këtij autoriteti, Evis Shurdha, tha se në vitin 2018-ë operatorët ekonomikë që kanë marrë pjesë në tendnera kanë dorëzuar 1145 ankesa pranë Komisionit të Prokurimit Publik.

Silvio Berlusconi nuk heq dorë. Megjithë problemet e shumta personale, politike dhe shëndetësore, ish-drejuesi i Forza Italia dhe ish-kryeministër i Italisë, deklaron se ai është lideri që i duhet vendit. Gjatë një interviste me Bianca Berlinguer në Rai Tre, i pyetur se kush janë liderët e Italisë, Berlusoni ka caktuar veten meqenëse sipas tij një lideri i duhet karizma, një projekt dhe një vizion për vendin, çka sipas tij ai i ka të gjitha.

Vangjel Tavo dhe Vangjel Dule raportuan te kryeministri grek Aleksis Tsipras mbi problemet e minoritetit grek në Shqipëri. Takimi mes tyre u zhvillua gjatë turit që shefi i qeverisë greke pati në Janinë.

Ndonëse automjetet shpesh kritikohen apo akuzohen nga shumë aktorë të ndryshëm për ndotjen e mjedisit, Shqipëria ende është tepër larg për të futur në përdorim makina me ndotje zero. Vetëm për vitin 2018 në vendin tonë janë futur në qarkullim vetëm 152 makina elektrike. Kjo është një shifër relativisht tepër e ulët krahasuar me totalin e mjeteve që vetëm për vitin e kaluar, 595 mijë makina. Edhe pse mund të konsiderohen si e ardhmja e transportit, mungesa e infrastrukturës penalizon ndjeshëm përhapjen e tyre.