Aleanca midis partive të djathta të qendrës dhe populistëve nuk është e mundur, madje as e nevojshme. Nëse sovranistët donin ta kthenin Europën me kokë poshtë, ata tani do të duhet të presin të paktën pesë vjet. Partitë e Le Penit dhe Salvinit janë të parat në Francë dhe në Itali; por forcat proevropiane kanë shumicë të qartë edhe në parlamentin e ri. Megjithatë, kjo nuk do të thotë se nuk ka ndodhur asgjë. Vota e djeshme mbyll periudhën pesëmbëdhjetëvjeçare gjatë të cilës Evropa faktikisht është qeverisur nga Angela Merkel.

Dosja që është në thelb të krizës politike, e famshmja 339, sipas kryeprokurores Arta Marku është zvarritur. Këtë e ka pranuar vetë kryeprokurorja në një raportim në Komisionin e Ligjeve. E pyetur nga deputetët ajo tha se hetimet vazhdojnë dhe se shumë shpejt do ketë një vendimarrje.

Zgjedhjet evropiane nxorën të parën shqiptare që do të ketë një vend në Parlamentin Europian. Ajo është Arba Kokalari, e cila jeton në Stokholm të Suedisë dhe në këto zgjedhje kandidoi me Partinë Moderatore.33 vjeçarja është mbesa e intelektuales, disidentes dhe atdhetares së njohur Musine Kokalari.

"Të moderuarit marrin një mandat të katërt dhe unë kam hyrë në Parlamentin Europian! Faleminderit të gjithëve që kanë luftuar për të moderuarit dhe per mua"- shkruan ajo ne FB pas shpalljes se rezultateve, duke njoftuar keshtu edhe fitoren.

Kandidimi nga Partia Socialiste i Agron Malajt për bashkinë e Matit ishte një prej lajmeve që mori fillimisht vëmendjen e mediave e më pas edhe të PD-së, për faktin se Malaj ka qenë pjesë e grupit të zjarrit të Gardës, që në 2011 u akuzua nga ish-opozita socialiste për vrasjen e 4 protestuesve në 21 Janar.

Burime nga Drejtoria e Komunikimit në Kryeministri bëjnë me dije për “Të Kripura” se së shpejti del në qarkullim vepra e radhës e z. Edi Rama, “Shënime për opozitën”. Titulli krijon tingëllime të ngjashme me librin “Shënime për Kinën” të Enver Hoxhës, por është lënë i tillë meqenëse aty ka edhe kritika, por edhe vëzhgime për opozitën. 

Pas humbjes në zgjedhjet europiane, kryeministri grek, Alexis Tsipras ka njoftuar zgjedhjet e parakohshme parlamentare. 

Duke e konsideruar rezultatin e tyre si poshtë pritshmërive, Tsipras ka shtuar se do të kërkojë nga Presidenti i Republikës që të shpërndajë Parlamentin. 

Partizani u kurorëzua edhe zyrtarisht kampion i Superligës për sezonin 2018-2019. Trofeu iu dorëzua kapitenit Alban Hoxha gjatë një ceremonie  të organizuar nga Federata Shqiptare e Futbollit pas ndeshjes kundër Kukësit.

Në pamje të parë zgjedhjet europiane të këtij viti shënuan një pjesëmarrje të madhe, ku nga rezultatet e votimeve do të formësohet udhëheqja politike e Bashkimit për pesë vitet e ardhshme.

Në Gjermani socialdemokratët e SPD pësuan një tjetër disfatë duke marrë vetëm 15.5% të votave, ndërsa (CDU / CSU) e kancelares Merkel mbetet në krye, por me mbështetje të reduktuar në 28%. Fituesit e mëdhenj janë të Gjelbrit që u renditën në vendin e dytë  me 22%. Alternativa për Gjermaninë (AfD) e ekstremit të djathtë mori  në 10.5%.

Grupi i Bënçës i ka ngritur një këngë hapjes së negociatave. Gazeta Tema jep haberin e madh duke na dhënë edhe emrin e këngëtarit kryesor, atij që ia merr: Golik Ali Jaupi.