Kompania kineze e teknologjisë Huawei ka vendosur të kundërshtojë në rrugë ligjore vendimin e qeverisë amerikane për të ndaluar përdorimin e pajisjeve të kompanisë për të gjitha agjencitë federale dhe kontraktorët e tyre. Ankimi i Huawei është depozituar në gjykatën e Teksasit dhe përmes tij kompania kërkon shpalljen si antikushtetues të Aktit për Autorizimin e Mbrojtjes Kombëtare 2019.

Barsaletat e fundit të Hashim Thaçit për të filluar bisedimet e bashkimit të Shqipërisë me Kosovën kanë hapur një teatër të ri mbi çështjet e sinoreve të kombit dhe ndryshimeve të mëdha që priten në shekullin e 21 sa i takon këtij diskutimi.

Megjithatë kryeministri i Kosovës, Ramush Haradinaj duket  me këmbë në tokë dhe pak i entuziazmuar me këtë ide të presidentit. I pyetur për këtë çështje, ai la të kuptohet se përpara se të marrë seriozisht deklaratat e Thaçit, është mirë të flitet për heqjen e tarifës së Rrugës së Kombit të vendosur nga qeveria Rama.

Një grupim i tifozëve të Tiranës e ka kthyer në demostrim fetar mbështetjen ndaj ekipit të futbollit të dielën në Laç.

Videot e publikuara në rrjetet sociale tregojnë të rinj të zhveshur nga brezi e lart që nën dirigjimin e një prej organizatorëve  thërrasin në kor “Allahu Ekber”, duke iu kundërpërgjigjur në këtë mënyrë tifozëve të Laçit.

Projekti i integrimit evropian "vdiq" më 26 maj me humbjen e presidentit pro-europian të Francës, Emmanuele Macron përballë ekstremit të Marin Le Penn. Kështu është shprehur ish-këshilltari i presidentit amerikan Donald Trump, Steve Bannon teksa ka komentuar rezultatet e zgjedhjeve europarlamentare të së dielës.

Dy herë i nominuari për çmimin Oscar, Ralph Fiennes do të së jellë në ekranin e madh jetën e balerinit rus Rudolf Nureyev (1938 - 1993), i cili në vitin 1961, në kulmin e Luftës së Ftohtë, kërkoi azil politik në Francë teksa trupa e Baletit të Leningradit ishte në turne në Paris.

Historia e tij u bë kryetemë në shtypin e kohës, pasi përveç dimensioni politik, filluan të rrjedh detaje  të jetës së tij personale. Balerin i talentuar me personaliteti shpërthyes ndihej i kufizuar nga jeta e viteve 1950 në Leningrad, duke kërkuar të vijonte karrierën e tij në Perëndim.

Sebastian Kurz humbi përfundimisht humbi votëbesimin pas mocionit që kërkuan të hënën në parlamentin austriak parti të vogla opozitare. Kancelari autriak aktualisht është në krye të një qeverie teknike e cila çojë vendin në zgjedhje. Ministrat në largim të Partisë së Lirisë janë zëvendësuar nga nëpunës civilë.

Partia Konservatore Kurz triumfoi në zgjedhjet evropiane të së dielës, pavarësisht skandalit me videon e zv/kancelarit që çoi në kolaps qeverinë e tij të koalicionit.  Christian Strache dha dorëheqjen nga të gjitha postet e tij politike.

Kancelarja Merkel komentoi rezultatet e mira  të të Gjelbërve në zgjedhjet evropiane, duke thënë se ata zgjodhën tema me interes për qytetarët, sicc është diskutimi mbi ndryshimet klimatike.

Në një intervistë për CNN ajo tha se  në Gjermani dhe në vendet e tjera duhet bërë më shumë që që "forcat e errëta të mos gjejnë mbështetje".

Matteo Salvini është njeriu i ditës në Itali.  Zgjedhjet europiane kanë konfirmuar kreun e Legas si politikanin më të rëndësishëm, aq sa mediat italaine e kanë shpallur de facto kryeministër. 

Krahas tij edhe politikania e djathtë Giogia Meloni dhe Berlusconi kanë njohur rritje. Në skenë ka ridalë Partia Demokratike kurse lëvizja “Pesë Yjet” ka marrë goditje. Kreu i kësaj të fundit, Luigi Di Maio ka njohur humbjen duke vënë gishtin mbi pjesëmarrjen e ulët të mbështetësve të së majtës, por ka refuzuar të japë dorëheqjen. 

Një ditë më parë presidenti i Kosovës, Hashim Thaçi deklaroi idenë e bashkimit në një shtet me Shqipërinë. Një propozim provokues. Sot në Veri të Kosovës njoftohen të shtëna dhe të plagosur ndërkohë që Beogradi zyrtar ka luajtur teatrin e alarmit duke vënë në gatishmëri ushtrinë dhe policinë. 

Ish-presidemti francez Valery Giscard d’Estaing ka deklaruar në një intervistë të shkurtër për gazetën greke “Kathimerini” se Europës së sotme i mungojnë liderët vizionarë që të kuptojnë rëndësinë e forcimit të Bashkimit Europian si e vetmja mënyrë që kontinenti të hyjë në nivelin e gjigandëve si ShBA dhe Kina.