Biblioteka Ambrosiana në Milano ka njoftuar nisjen e procesit të dixhitalizimit. E konsideruar si një ndër entet me pasurinë librare nga më të çmuarat në botë, Biblioteka u krijua nga kardinali Borromeo 400 vjet më parë. Kodikë arabë, hebraikë, latinë, grekë, italianë, siriakë, armenë dhe persianë janë pjesë e pasurisë së saj nga të cilët do të dixhitalizohen 36 mijë njësi në dorëshkrim.

Sërish kemi një pozicion të vijës së parë, siç e preferojnë shumë media: Nga njëra anë, shkencëtarët paralajmërojnë gjithnjë e më me këmbëngulje për efektet e ndryshimit të klimës, qindra mijëra të rinj në të gjithë botën dalin në rrugë dhe kërkojnë që më në fund të ndodhë diçka. Dhe nga ana tjetër janë drejtues injorantë shtetesh si Presidenti i SHBA, të cilët mbrojnë botën e vjetër, të fosilizuar dhe fitimet e tyre.

Teksa po afron samiti i NATO-s që do të mbahet në Londër në fillim të dhjetorit, presidenti francez adresoi kritika për sjelljen e SHBA-ve dhe Turqisë në raport me Aleancën dhe përsëriti nevojën për të forcuar mbrojtjen e Europës.

"Ajo që po jetojmë është vdekja klinike e NATO-s. Tani është e nevojshme të sqarohen cilat janë qëllimet strategjike të NATO-s"- theksoi Emmanuel Macron në një intervistë për The Economist.

Disa media në Tiranë citojnë sot një intervistë të presidentit francez Emmanuel Macron dhënë për “The Economist” ku shprehet konsiderata e shumicës së vendeve anëtare të BE-së për negociatat me vendet e Ballkanit Perëndimor. 

Duhet të them se shumica e tyre ishin pro nisjes së negociatave me Maqedoninë e Veriut, por thuajse gjysma ishin kundër Shqipërisë. Gabim fatal

citohet Macron. 

Ilir Meta është ndoshta skraparlliu i dytë pas Sejfulla Myftarit që dallohet publikisht për sens humori. D.m.th jo se nuk ka skraparllinj të tjerë që kanë humor, por ata nuk janë figura publike. Skrapralliu i fundit publik, Sulo Gradeci, ishte njeri serioz. Ose të paktën nuk zbuloi ndonjë virtyt në lëmin e humorit. Drama e këtyre talenteve është se janë të pakuptuar në zonën e tyre. Ndaj edhe kanë ikur prej saj, kanë shkëlqyer gjetiu.

Gjermania duhet të marrë një rol aktiv ushtarak në botë. Këtë ka lënë të kuptohet ministrja gjermane e Mbrojtjes, Annegret Kramp-Karrenbauer gjatë një fjalimi në Universitetin e Bundewehr në Mynih. Sipas saj, aleatët po bëjnë përherë e më shumë thirrje që Gjermania të luajë një rol në drejtim të dislokimit ushtarak jashtë vendit, çka përbën një nga pikat më delikate të politikës gjermane që lidhet me përvojën e Luftës së Dytë Botërore.

Ministria Kineze për Shkencën dhe Teknologjinë ka njoftuar së fundmi nisjen e punës për krijimin e rrjetit 6G wireless. Në një ceremoni të posaçme ku mori pjesë edhe zv.ministri Wang Wei, u fol për fillimet e kërkimit për teknologjinë 6G që presupozohet se do të rrisë në mënyrë marramendëse shpejtësinë e transmetimit që mendohet se do të arrijë deri në 100 GB/sekondë. Në takim kanë qenë të pranishëm përfaqësues të disa universiteteve, specialist të telekomunikacionit dhe të Akademisë së Shkencave.

Kreu i Agjencisë Shtetërore të Kadastrës, Artan Lame, sqaronte dje në një emision televiziv situatën me pronat në Shqipëri. Rast ilustrues: Lalëzi.

Deri pak kohë përpara bëhej kjo gjë: Kur përplaseshin, shkonin te Hipoteka përkatëse dhe atje paraqiteshin. Hipoteka nuk përdorte sistem elektronik. E dyta, shikonte kush ishte më i forti ose kush paguante më shumë dhe regjistronte atë. Ai që mbetej, ose do shtyhej më poshtë ose do shtynte ndonjë tjetër dhe ai do sistemohej. Mbetej tjetri dhe do shtyhej dhe ky.

Rusia ka kërkuar mbylljen e zyrës së Përfaqësuesit të Lartë të OKB-së në Bosnje - Hercegovinë me pretendimin se zyrtarët kryesorë të saj janë të njëanshëm. 

Ambasadori rus në këtë organizatë, Vassily Nebenzia paraqiti kërkesën zyrtare pasi Këshilli i Sigurimit votoi për zgjatjen me një vit të forcës ushtarake europiane që është ngritur për zbatimin e Marrëveshjes së Dejtonit. 

Ai akuzoi kreun e zyrës, diplomatin austriak, Valentin Inzko se ka shfrytëzuar raportin e fundit të Këshillit të Sigurimit për të nxitur integrimin e Bosnjes në struktura5 euroatlantike. 

Ai konsiderohet një nga pionierët e teknologjisë dixhitale. Arkitekt, shkencëtar kompjuterash dhe sipërmarrës, Nicholas Negroponte, 35 vjet më parë themeloi në Institutin e Teknologjisë në Masaçusets (MIT), Media Lad ku u përpunuan ide të mëdha teknologjike që lidhen me inteligjencën artificiale dhe robotikën.