Kryeministri ka paralajmëruar sot përmes rrjetit social tuiter mediat. Përmes këshillave urdhëruese dhe kërcënimeve, Edi Rama ka mbyllur ligjërimin e shkurtër duke deklaruar se do të bëjë atë që nuk ia pret mendja kujt.

shkruan z. Rama.

Nuk dihet se çfarë apo kush e ka mërzitur z. Rama, por është e qartë se kaosi në menaxhim që ka dalë zbuluar po vë në diskutim qetësinë sociale.

Prokuroritë e Durrësit dhe Tiranës kanë njoftuar nisjen e hetimeve për pasojat e tërmetit të 26 nëntorit 2019. Në njoftimet e veta prokuroritë në fjalë bëjnë me dije se do hetohet për veprat e shpërdorimit të detyrës dhe ndërtimit të paligjshëm, si dhe përmbushjen e detyrave të nëpunësve shtetërore për mbikëqyrjen e ndërtimeve.

Më poshtë njoftimet:

Durrës

Është e papërshkrueshme me fjalë dhimbja që po përjetojmë nga tragjedia që erdhi si pasojë e tërmeteve të njëpasnjëshme (më i fuqishmi me magnitudë 6.4 të shkallës rihter), të cilët goditën Shqipërinë në mëngjesin e hershëm të 26 nëntorit dhe më pas.

Kryeministri grek Kyriakos Mitsotakis ka deklaruar se do të kërkojë mbështetjen e NATO-s në përballjen me Turqinë. Sipas mediave greke, Mytsotakis do të negociojë për ndihmë në samitin e Londrës. Pala greke pretendon se marrëveshja e fundit mes Turqisë dhe qeverisë së mbështetur ndërkombëtarisht të Libisë, cenon sovranitetin e Greqisë dhe shkel ligjin ndërkombëtar.

Aleanca nuk mund të qëndrojë indiferente kur një nga anëtarët e vet shkel hapur ligjin ndërkombëtar 

A ka një përgjigje reale se përse duhet një Komitet i Rindërtimit? Pse duhet një strukturë e ndërthurur mes qeverisë dhe aktorëve jashtë saj për të mbledhur dhe menaxhuar fondet për lehtësimin e pasojave të tërmetit? Gazetari Marin Mema që është pjesë e këtij komiteti foli disa herë për transparencën e fondeve. Kreu i një fondacioni, Arbër Hajdari, po ashtu ka folur për transparencën. Elvis Naçi, bamirës, imam dhe një lloj ylli televiziv i besimtarëve myslimanë shqiptarë ra dakord me kryeministrin se paratë duhet të kanalizohen në një drejtim.

Burgu është kryefjalë sërish. Në gojën e të njëjtit njeri, kryeministrit të Shqipërisë. I cili e ka bërë zakon të miratojë ligje që mandej i noterizon Parlamenti.

Do ndëshkojmë ndërtuesit, do kalojmë një ligj të shpejtë. Do ndëshkojmë arkitektët që nuk denoncojnë ata ndërtues që e bëjnë projektin ndryshe nga sa është letër. Arkitektët që nuk kanë bërë punën i bie kanë bishtnuar. Duhet të ketë përgjegjësi personale, duhet të kenë pasoja penale e pasurore.

Pas tërmetit qeveria, më saktë kryeministri Edi Rama, ka krijuar një komitet për rindërtimin. Në krye do të jetë Arben Ahmetaj.

Tryeza e krijimit ka qenë pak e pazakontë, janë parë aty gazetarë, biznesmenë, ministra, bamirës.

Binzesmenti Artan Dulaku ka deklaruar se në Durrës disponohen 3500 banesa të lira dhe ato mund të shiten për të pastrehët. Z. Dulaku ka sqaruar se sipas Shoqatës së Ndërtuesve ndërtimet në Shqipëri janë bërë mirë dhe konform normave teknike dhe se nuk ka asgjë të vërtetë në spekullimet e bëra në media.

3 muaj bas betimit si kryebashkiake e Durrësit, Valbona Sako jep dorëheqjen, duke lënë pa titullar një tjetër bashki të vendit. Shkak u bë ky koment i saj për pasojat e tërmetit tragjik të 26 Nëntorit, ku theksonte se ishte e kënaqur me bilancin e viktimave, pasi sipas saj numri mund të ishte edhe më i madh.

Vendimin për të dhënë dorëheqjen Sako e njoftoi vetë në rrjetet sociale duke shpjeguar se e kishte të pamundur të përballonte stresin që I kishin krijuar komentet negative mbi deklaratën e saj.

Pas kryeministrit polifonia e pushtetit ka nisur këngën e vet për bashkim. Bashkim me opozitën në emër të dashurisë dhe solidaritetit me shqiptarët e dëmtuar nga tërmeti. Mentor Nazarko e ka nxjerrë nga xhepi këtë propozim duke arsyetuar se nuk ka asnjë mënyrë për të menaxhuar situatën e tanishme veçse duke u bashkuar: 

Kryeministri Edi Rama i ka bërë thirrje partive opozitare dhe personalisht liderit të demokratëve Lulzim Bashës, që “të ulemi pa humbur kohë në tryezë për të dëgjuar idetë dhe propozimet e tyre konkrete”.

Në tre postime në Twitter, shefi i qeverisë shkruan:

U bëj apel forcave opozitare të ulemi pa humbur kohë në tryezë për të dëgjuar idetë dhe propozimet e tyre konkrete. Në këto rrethana të jashtëzakonshme duhet mbiprodhim energjish pozitive për fatkeqët që kanë humbur gjithçka e mbarë popullin që meriton përkujdesje psikologjike.