Në një kronikë të Al Jazeera para disa ditësh paraqitej edhe presidenti i Republikës, Ilir Meta në Durrës, në inspektim në zonat e goditura nga tërmeti. Në atë kronikë Ilir Metës i liheshin pak sekonda përmes të cilave thoshte se për këtë situatë do të ketë hetim. Pjesa tjetër i takonte qytetarëve. 
Ky raport ka kuptim për shkak se protagonistë të ngjarjes janë qytetarët. Media shqiptare bën të kundërtën. Në rrënoja, natën dhe ditën, mikrofoni është për politikën. Kryeministrin, kryebashkiakun etj.. 

Një ideolog i së djathtës amerikane është shprehur në një intervistë se, kur u zgjodh president, Bushi vetë nuk e kuptonte përse e kishin zgjedhur, ndaj dhe i kalonte më kot - më shumë duke pushuar në rançin e vet në Teksas - muajt e parë të presidencës. Kur ndodhi ngjarja e 11 shtatorit, thotë ky ideolog, Bushi e kuptoi se përse ishte zgjedhur president.

Gazeta “New York Times” autorizoi dje në faqen e vet online një editorial të bordit të vet me titull: Akuzojeni!

Rreth tre të katërtat e fëmijëve në zonat e prekura nga tërmeti janë ende të traumatizuar. Një anketë e kryer nga World Vision me prindërit në zonat e Durrësit, Kamzës, Kurbinit dhe Lezhës gjeti se 74% e fëmijëve janë ende të frikësuar. Ata, por edhe një pjesë e të rriturve, manifestojnë shenja të stresit pas traumës, përfshirë këtu pagjumësi, frikë, ankth dhe humbje oreksi. Këto shifra janë më të theksuara te banorët që jetojnë në çadra (88.4%) dhe ata që ende jetojnë në shtëpitë e dëmtuara (85.2%).

Në internet po qarkullojnë meme që vënë në lojë kryeministrin Edi Rama për premtimet e tij për rindërtimin e banesave të shkatërruara nga tërmeti i 26 nëntorit. Tallja ka të bëjë me ndryshimin e afatit të rindërtimit të cilin dje z. Rama e ka përcaktuar kështu: 

Lëkundjet e tërmetit janë ndjerë sërish në Tiranë në orët e para të datës 15 dhjetor 2019. Qendra Sizmologjike Euromesdhetare ka ndryshuar raportimin nga 3.8 në fillim, në 3.9 dhe në magnitudën 4.5 në finale. 

Në vitet ’90 Sali Berisha u akuzua si armik i shtypit të lirë. Disa akte të pushtetit të tij – që sot në fakt është mirë të shihen në një dritë strikt juridike – i dhanë shkas një dukurie që mund të quhet inflacion i heronjve të gazetarisë. Mjafton që ndonjë zdap avdall i SHIK-ut të qëllonte dikë që kishte bërë një shkrim kundër pushtetit dhe sapo kishte lindur një hero. 

Këtë dukuri e vuan sot mbarë vendi teksa sheh që disa prej këtyre heronjve nuk shqiten nga ekrani, dështuan kudo dhe janë pasuruar. 

Ju premtoj se do të bëj çmos që çdo qindarkë e angazhuar për këtë sfidë të shpenzohet me mençuri dhe me ndershmëri. Do të bëj çmos që transparenca të jetë maksimale dhe këtu besoj se do t’ia dalim edhe falë Komitetit të Rindërtimit

Kështu është shprehur sot ndër të tjera kryeministri Edi Rama përmes një videomesazhi në Facebook. Njeriu që sot ka nga pas angazhimin e konferencave të donatorëve nuk garanton dot shpenzimin e financimeve duke pranur se abuzimi është pjesë e sistemit që drejton vetë. 

Danny Aiello, një veteran i skenës dhe aktor i një numri të madh filmash që mbahet mend për rolet e tij në " Do the Right Thing" të Spike Lee, "The Rose of Purple of Cairo" të Woody Allen etj., vdiq në moshën 86-vjeçare.
Aiello, i cili u nominua për çmimet “Oscar” dhe “Golden Globe” për rolin e tij mbështetës si djalë i picës në filmin e Lee në vitin 1989, vdiq të enjten gjatë natës, tha agjentja e tij, Jennifer De Chiara, për Reuters.
Ai vdiq ndërsa trajtohej për një sëmundje të papritur në një qendër mjekësore në Nju-Xhersi.