zbulimi

Një qytet i panjohur antik që besohet të jetë themeluar nga Aleksandri gjatë fushatës së tij në Lindje, u zbulua në Irak. Sipas një artikulli të botuar në The Times, Qalatga Darband, një  vendbanim i fortifikuar, në Irakun verior, me aktivitet intensiv tregtar (veçanërisht në tregtinë e verës) duket se është kaluar pa u vënë re derisa mbetjet u zbuluan nga arkeologët e Muzeut Britanik në ndihmën e dronëve.

 Disa shkencëtarë gjermanë kanë zbuluar me ndihmën e teleskopti Hubble një tip shumë të veçantë objekti në sistemin diellor. Objekti konsiston në dy asteroid që orbitojnë ndaj njëri-tjetrit, kanë karakteristikat e një komete dhe ndodhet në rripin e asteroidëve mes Marsit dhe Jupiterit. Asteroidi binar quhet 288P dhe u zbulua në shtatorin e vitit 2016 dhe bishti që shfaqin njësoj sit e kometat, dëshmon për avullimin e ujit të akullt që ndodhet brenda tyre.

Pas një shekulli kërkimesh, është gjetur në Eubea të Greqisë tempulli i Artemisit. Fati  ka buzëqeshur injë grupi arkeologësh zviceranë që e identifikuan tempullin në qytetin e vogël peshkatar të Amarynthos, në këmbët e kodrave Paleokklisies. Ai ndodhet 10 km larg nga vendi ku deri më tani mendohej se gjendej.

Shkencëtarët kanë zbuluuar rajonin më të madh vullkanik në Tokë, 2 km poshtë sipërfaqes së akullit që mbulon Antarktidën.

Projekti eksplorues i ndërmarrë nga universiteti i Edinburgut, ka konstatuar ekzistencën e 100 vullkanëve në një zonë që lë pas zonën tjetër të konsideruar si zona me dendësinë më të madhe vullkanike në Tokë, e që ndodhet në Afrikë. Sipas kërkuese shpërthimet mund të mos dalin deri në sipërfaqe, por ato mund të shkrijnë akullin duke sjellë destabilizimin e saj.

Dy zbulime më të fundit mund të ndryshojnë mënyrën sesi është rrëfyer historia e njerëzimit, parahistorisë së tij dhe bashkëudhëtarit të zhdukur, Neandertalit.

Neandertali, jo vetëm jetë shpellash

Një ekip prej 20 kërkuesish mendohet se kanë zbuluar portin e vjetër prej nga ku flota e koalicionit helen u përgatit për betejën e famshme të Salaminës. Mbetjet janë gjetur në gjiun Ampelakia në ishullin e Salaminës dhe ato dëshmojnë aktivitetin tregtër dhe ushtarak të kohës kur u zhvillua beteja, që është viti 480 p.e.s. Sipas Ministrisë greke të Kulturës, kërkimi u bë edhe nga ajri për të dokumentuar të gjitha strukturat e dukshme dhe mandej u krijua edhe një hartë nënujore e portit që do të lehtësojë kërkimet që do të vijojnë në vitin 2018.

Njihej për fole lepuri, por në fakt rezultoi hyrje për një sistem të ndërlidhur shpellash që përdoheshin nga templarët 700 vjet më parë. Zbulimi është bërë në Shropshire në Angli duke nxjerrë në dritë atë që nga mbitoka as që dukej. Tabloidi “The Sun” publikon disa foto të fotografit Michael Scott që pa për rrjetin nëntokësor një video online.

Irani kap jackpotin në fushën e hiddrokarbuereve. Siç njoftojnë mediat nga ky vend, së fundmi janë zbuluar disa fushave naftëmbajtëse rezervat e të cilave shkojnë në rreth 30 miliardë barrela. Rezervat e gazit shkojnë në 128 trilionë metra kub, ndërkohë që për naftën e gjetur janë të shfrytëzueshme rreth 4.7 miliardë barrela. Irani disoponon rezervat e treta në botë të naftës me 157 miliardë barrela.

Një grup shkencëtarësh nga Cornell University pretendon se ka zbuluar galaktikën prej nga ku origjinojnë valët e shpejta radio – një dukuri e konstatuar fillimisht në vitin 2007 e manifestuar në formën e valëve shumë të shpejta radio, me energji të lartë e që zgjasin vetëm disa milisekonda. Ata e kanë publikuar konkluzionin e vëzhgimeve të bëra nga një rrjet teleskopësh në revistat “Nature” dhe “Astrophysical Journal Letters” dhe sipas tyre bëhet fjalë për një galaktikë 3 miliardë vjet dritë larg.

Shpyllëzimi në Brazil ka çuar në zbulimin e një siti arkeologjik 1000 vjet të vjetër. Bëhet fjalë për struktura megalitike që sipas analizave të kryera mendohet se kanë shërbyer si pjesë e një observatori astronomik. Ky konkluzion i bërë prej disa prej shkencëtarëve brazilianë ka nxitur edhe emrëtimin e sitit si Stonehenge i Amazonës.