tvt

Agjencia Kombëtare e Barnave është hallka e fundit e zinxhirit institucional që do të certifikojë dokumentacionin mbi kompanitë dhe llojin e vaksinës antikovid që do të vijë në vendin tonë. Ky institucion është në pritje të dosjes që duhet të mbërrijë nga Instituti i Shëndetit Publik për të finalizuar këtë proces. Burime pranë Agjencisë Kombëtare të Barnave  thanë për TvT se nga ISHP nuk ka ende asnjë njoftim lidhur me nisjen e procedurave për vaksinën.

Shkelja e privatësisë dhe publikimi i të dhënave personale ka qenë një nga problemet kryesore me të cilat janë përballur qytetarët qëkurse u evidentuan rastet e para të Covid 19 në vendin tonë.

Në një intervistë për TVT, Komisioneri për mbrojtjen e të dhënave personale Besnik Dervishi thotë se përgjatë këtij viti janë regjistruar 260 ankesa për shkelje të privatësisë, ku dominojnë rastet e lidhura me Covid.

Nëntë marsi i këtij viti shënoi zyrtarisht dy rastet e para me Covid-19 në Shqipëri. Dy ditë më pas, në vendin tonë do të regjistrohej viktima e parë, një 73-vjeçare nga Durrësi, me sëmundje bashkëshoqëruese. Përgjatë nëntë muajve, Ministria e Shëndetësisë ka raportuar çdo ditë numrin e viktimave, moshën dhe informacione shtesë në lidhje me sëmundje bashkëshoqëruese të viktimave.  Dy elementët e fundit u eliminuan nga raportimi ditor me nisjen e asaj që njihet si vala e dytë e pandemisë.

Në disa vende të Ballkanit, numri i rasteve të reja është në rënie. Kështu, në Serbi, autoritetet shëndetësore raportojnë për 4 932 raste të reja në 24 orët e fundit dhe 49 viktima. Shifrat e të infektuarve të rinj janë në rënie për të disatën ditë radhazi.

Eksperti kriminalistik, Artan Rexhepi e cilëson vrasje, mënyrën se si qëlloi efektivi i “Shqiponjave” 25 vjecarin Klodian Rasha. Eksperti Rexhepi në studio e lajmeve në TvT, tha se polici nuk ka qenë në kushtet e vetëmbrojtjes pasi i riu është qëlluar pas shpine, çka sipas tij hedh poshtë alibinë e efektivit të patrullës, duke  e cilësuar si vrasje.

Përdorimi i teknologjisë në zgjedhje përbën një nga risitë kryesore të procesit elektoral që do të zhvillohet më 25 prill.  Ish-deputeti i PD-së, Endri Hasa, thotë se koha është e mjaftueshme për përmbylljen e projektit, por duhet që kryeministri të firmosë për buxhetin.

“E rëndësishme është që ka pasur 6 kompani që i janë përgjigjur thirrjes. Koha është e mjaftueshme. Ka interes nga kompani që e kanë bërë këtë punë më parë. Duhet që procedurat të vijojnë pa vonesë. Qeveria e di që nga marrëveshja e qershorit për koston. Kryeministri e ka letrën mbi tavolinë”, tha ai.

Korrupsioni në Shqipëri vijon të mbetet një çështje kryesore, jo për shkak të mungesës së kuadrit ligjor, por si pasojë e moszbatimit të ligjeve. Një ditë pas publikimit të raportit të Grupit të Shteteve të Këshillit të Europës Kundër Korrupsionit për Shqipërinë, eksperti i GRECO, Stephane Leyenberger, thotë në një intervistë për TvT se duhen zbatuar në praktikë mekanizmat që frenojnë korrupsionin në nivel të lartë.

Kjo ka qenë situata në morgun e Tiranës këtë të diel.

“Doli një polic atje dhe tha do jetë me radhë. Këtu vijnë një nga një dhe futet ai që është më i fortë,” shprehet një qytetar që priste pranë morgut.

Debati që ka hapur në Shqipëri pretendimi i kreut të opozitës për fshehjen e vdekjeve nga Covid-19, në SHBA ka nisur disa muaj më parë.

4.1 milionë euro që iu kaluan me urgjencë Bashkisë së Tiranës me një amendament të propozuar 24 orë para seancës plenare të 14 nëntorit nuk mban vetëm autorësinë e deputetes Klotilda Ferhati, por edhe kolegut të saj, Ervin Bushati, i cili është nën hetim nga SPAK për pasuri të paligjshme. E pyetur nga TvT, Ferhati la të kuptohet përmes një lidhjeje telefonike se ndërhyrja e saj dhe drejtuesit politik të Partisë Socialiste për Tiranën vetëm sa  korrigjoi një nevojë të Bashkisë së drejtuar nga zoti Veliaj që lidhet me menaxhimin e mbetjeve.