Tvsh

Buxheti për bujqësinë, Panariti: Qesharak, të zerohet TVSH

Postuar në 15 Maj, 2019 16:08

Ish-ministri i Bujqësisë, Edmond Panariti, e konsideron qesharak buxhetin prej 10.8 miliardë lekë, i akorduar për Ministrinë e Bujqësisë për këtë vit. I ftuar në studion e Tema TV, Panariti pohoi se bujqësia nuk po merr vëmendjen e duhur nga shteti dhe se buxheti i vënë në dispozicion është shumë herë më i ulët krahasuar me fondet e rajonit.

Është qesharak për një bujqësi, e cila kontribuon në PBB me 20%, merr në raport me këtë prodhim 0.05 %. Kjo është e padëgjuar dhe ka bërë që ndërmarrjet bujqësore të mos jenë më të efektshme”, tha Panariti.

Megavjedhja e TVSh-së/1.260 miliardë euro mungojnë në BE

Postuar në 07 Maj, 2019 12:42

1.260 miliardë euro. Kjo është shuma që i mungon bilancit të vendeve anëtare të Bashkimit Europian për mbledhjen e Tatimit mbi Vlerën e Shtuar. Shuma në fjalë i takon viteve 2009-2016 dhe ajo është sa Prodhimi i Brendshëm Bruto i Australisë. Vat Gap i BE-së, pra diferenca mes asaj që duhet paguar dhe asaj që është derdhur realisht, vetëm në vitin 2016 arriti në 147.1 miliardë euro. Vetëm përmes skemës së karruselit që konsiston në shitjen në disa vende që më në fund të shmanget TVSh-ja shkon në 50 miliardë euro në vit.

Rimbursimi i TVSH-së dhe klima politike, faktorë pengues për bizneset vendase dhe investimet e huaja

Postuar në 23 Prill, 2019 20:19

Ish-ministri i Financave, Arben Malaj, thotë se klasa politike duhet të tregojë kujdes me bizneset e huaja që janë në vend, pasi kanë rol thelbësor për investimet e reja. Në një intervistë në studion e Tema TV, krahas ngjarjeve të fundit kriminale, të cilat dëmtojnë imazhin  e vendit, Malaj renditi edhe një sërë faktorësh të tjerë që frenojnë investitorët e huaj.

"Vivakom" nga Bullgaria pranë blerjes së Telekom

Postuar në 30 Nëntor, 2018 10:53

Kompania bullgare ‘Vivakom’ është shumë pranë blerjes së Telekom Albania. Kështu raporton RTSH duke iu referuar burimeve pranë Autoritetit të Komunikimeve Elektronike dhe Postare.

Sipas të njëjtave burime të pakonfirmuara plotësisht  se për këtë çështje janë duke u kryer disa transaksione, pra është në proces ai që njihet si transferimi i aksioneve dhe se palët janë shumë pranë nënshkrimit të marrëveshjes.

Më tej thuhet se  nga T Mobile Albania është depozituar një shkresë pranë AKEP-it, në të cilën thuhet se kërkohet shtyrja e datës së tenderit publik për këtë çështje.

Arena Kombëtare, Duka kërcënon me gjyq Ahmetajn

Postuar në 03 Nëntor, 2018 17:27

Teksa po shkojnë duke u mbyllur punimet për stadiumin e ri Arena Kombëtare, Fderata Shqiptare e Futbollit paralajmëron se do të çojë në gjyq Ministrinë e Financave, pasi sipas FSHF-së Komisioni i Apelit refuzon të rimbursojë TVSH-në për pjesën e investimit të kryer nga FSHF në stadiumin “Arena Kombëtare.

Kjo do të thotë  sipas Federatës se këtij investimi i mungojnë afërsisht 2 milionë Euro dhe se praktikisht përfundimi i punimeve të stadiumit vihet seriozisht në pikëpyetje.

Qeveria ul tvsh-në për autobusat e Veliajt (Video)

Postuar në 05 Tetor, 2018 12:25

Minstri i Financave Arben Ahmetaj ka zbardhur ndryshimet që propozohen në paketën fiskale për vitin e ardhshëm. Një nga pikat është edhe ulja e tatimit mbi vlerën e shtuar për autobusat elektrikë që do të fusë në përdorim bashkia e Tiranës.

Lëvizje që mesa duket është nxitur nga vetë Bashkia, e cila ka dalë garant për operatorët që do fusin këto mjete në Shqipëri. Ahmetaj e tha mes rreshtash këtë detaj që çon ujë në interesat e Veliajt, e cili ia ka dalë të imponohet edhe në politikën e taksave.

TAP përjashtohet nga tarifa e TVSH-së

Postuar në 05 Korrik, 2018 16:56

Projekti i gazsjellësit Trans Adriatic Pipeline do të përjashtohet nga tatimi mbi vlerën e shtuar. Ministria e Financave dhe konsorciumi TAP kanë arritur një marrëveshje e cila lejon që çdo import që kompania do të bëjë për qëllimet e punimeve të veta të kalojnë në doganë me tvsh 0, ndërsa për nënkontraktorët mallrat për ndërtimin e projektit do të blihen pa tvsh, përmes sistemit të autofaturimit.

Ahmetaj shpjegon skemën: Po formalizojmë biznesin e madh (Video)

Postuar në 10 Prill, 2018 12:49

Paralelisht me grevën e biznesit të vogël, ministri i Financave, Arben Ahmetaj doli në një konferencë për shtyp për të shpjeguar se futja në skemën e tvsh-së e subjekteve me xhiro mbi 2 milionë lekë bëhet për të formalizuar biznesin e madh dhese nuk ka për qëllim të shtojë kostot për biznesin e vogël.

Protesta e biznesit ndaj vendosjes së TVSh-së, ulen qepenat (Video)

Postuar në 10 Prill, 2018 12:06

Biznesi i vogël duket se i është përgjigjur thirrjeve të opozotës për të protestuar kundër uljes së pragut të TVSH-së. Sipas disa raportimeve në media të ndryshme, reagime ka patur edhe në qytete të tjera veç Tiranës, duke formësuar kështu një solidaritet për çështje mirëfilli ekonomike, aty ku edhe duhet përqendruar protesta e të gjithëve. Në këtë kuptim edhe protesta e Kukësit, ishte ekonomike, ndonëse u politizua nga qeveria.

PD popozon TVSH 15%

Postuar në 09 Prill, 2018 12:41

Teksa qeveria e majtë ka hedhur poshtë çdo mundësi për reduktimin e normës së TVSH-së, nga opozita vjen një propozim për uljen në 15% të kësaj tarife. Kreu i Partisë Demokratike, Lulzim Basha tha në një takim me shoqata të biznesit se ulja e normës së TVSH-së është pjesë e planit të kësaj force politike për ekonominë.Kujtojmë që norma e TVSH-së nuk është 20% dhe nuk është ulur asnjëherë, si nga qeveritë e majta ashtu dhe ato të djathta, ndonëse vite më parë u përfol një ulje me 1 pikë përqindje.

Pages

Subscribe to RSS - Tvsh