trump
Trump: Testim për emigrantët që duan të hyjnë në ShBA
Kandidati republikan për president i Shteteve të Bashkuara të Amerikës, Donald Trump, ka deklaruar se do të vendosë një testim të detyrueshëm për emigrantët që hyjnë në vend. Testi do të ketë natyrë ideologjike dhe do të shtrojë pyetje sesi e shohin emigrantët Amerikën, vlerat e saj për lirinë e besimit, barazinë gjinore dhe të drejtat e gayve.
Ndjenjat vs faktet - Fushata presidenciale në SHBA
Fushatën elektorale të Amerikës po e ndjek gjithë Shqipëria me vëmendje. E them këtë sepse portalet postojnë vazhdimisht zhvillime në lidhje me zgjedhjet në Amerikë. Në youtube kam ndjekur televizionet kryesore në vend (Tv Klan, Top Channel) me kureshtje dhe kam parë sesi lajmet në lidhje me fushatën elektorale në Amerikë marrin views (shikueshmëri) më shumë sesa shumë lajme apo zhvillime të vendit tonë.
Pse Trump është rrezik dhe jo mik për Putinin
Nëse Donald Trump zgjidhet president i SHBA-së, atëherë Vladimir Putin do të ketë një mik të fuqishëm brenda “Shtëpisë së Bardhë”. Është ky mendimi që po propagandohet çdo ditë e më shumë sa herë që flitet për politikën e jashtme të SHBA-së që do të udhëhiqet nga Trump ose Hillary Clinton, pas zgjedhjeve presidenciale.
Por më shumë se mik, Trump është një rrezik për presidentin e Rusisë dhe ambiciet e tij në Europë dhe Azi.
Edhe SHBA me frikën e zgjedhjeve të manipuluara
Në një deklaratë të padëgjuar më parë nga ndonjë kandidat për president të Shteteve të Bashkuara të Anerikës, Donald Trump hodhi dyshime se zgjedhjet e ardhshme presidenciale në SHBA mund të jenë të manipuluara.
Duke folur në Ohio, Trump shprehu shqetësimin për intimidim të procesit pa dhënë më shumë shpjegime. Por kur u pyet më pas nga Fox Neës tha “Më 8 nëntor, duhet të jemi të kujdesshëm, sepse këto zgjedhje do të jenë të manipuluara, dhe unë shpresoj që republikanët t’i monitorojnë nga afër, përndryshe do të na i marrin”.
Pjesë e fushatës, New York Post publikon foto nudo të gruas së Trump (Foto)
Sot mund të fotografohet në krah të bashkëshortit të saj duke aspiruar të jetë Zonja e Parë e Shteteve të Bashkuara të Amerikës, por para disa vitesh Melania Trump pozoi përpara objektivit për të treguar sensualitetin e saj. Ishte viti 1995 kur modelja 48 vjeçarja nga Sllovenia, Melania Knavs pozoi nudo për revistën franceze Max. Me një shikim shumë premtues Melanie fshehu aq sa mundej nga bukuritë e saj trupore.
Trump është syrtarisht kandidati i republikanëve
Donald Trump është syrtarisht kandidati i republikanëve për President. Rreth 1 vit pas shpalljes së papritur të kandidaturës, miliarderi amerikan siguroi nominimin presidencial, në ditën e dytë të kongresit kombëtar të partisë. Kryetari i dhomës së ulët të Kongresit Amerikan, Paul Ryan, u bëri thirrje delegatëve republikanë të mbështesin Trampin, një ditë pasi u vunë re disa përçarje në hapjen e kongresit të partisë.
Trump ndan republikanët. Kreu i partisë lë të hapur opsionin e kundërvënies ndaj tij në Konventën e muajit korrik
Deklaratat e Donald Trump pas ngjarjes në Orlando nuk janë përtypur lehtë nga republikanët të cilët janë të ndarë sa i përket të nominuarit të tyre për garën presidenciale të muajit nëntor. Koha kalon dhe po bëhet shumë e vështirë që dikush të gjejë një propozim të kthjellët, apo një qëndrim të përgjegjshëm, brenda kufijvë të normale nga Trump. Nëse dikush mendonte se kjo ishte çështje taktike, qëndrimi me ngjarjen e Orlandos e ka hequr atë. Edhe kreu i partisë, Paul Ryan, kryetar i Kongresit, ka lënë të hapur mundësinë e një kundërvënieje të brendshme ndaj Trump.
Nuk është vetëm Trump problemi. “Në Orlando vdiqën 50 sodomitë. Kjo është shumë gjë e mirë”
Pas tragjedisë së Orlandos, ku në një lokal gaysh, u vranë 50 veta nga një person me origjinë afgane, në SHBA po diskutohet më së shumti për deklaratta e kandidatut republikan Donald Trump. Ky i fundit foli për radikalizimin islamik, për përjashtimin e myslimanëve etj., diçka që detyroi edhe drejtuesit e Partisë Republikane të distancohen. Por nuk është vetëm ky problemi. Nga një qasje “biblike” e artikuluar nga pastori Roger Jimenez i Kishës Baptiste të Sacramento-s në California, vrasjet janë të dobishme, pasi kemi të bëjmë me Sodomitë.
Cliton kryeson në sondazhe, në avantazh me 11% ndaj Trump
Hillary Clinton kryeson me 11 pikë përqindjeje të Donald Trump në garën e zgjedhjeve presidenciale, sipas një sondazhi të kryer nga kompania Ipsos për llogari të Reuters.
Clinton mban pothuajse të njëjtën distancë me kandidatin e republikanëve zhvilluar në anketën e javës së kaluar.
Sipas sondazhit, 46% e votuesve janë në favor Klinton, ndërkohë që 34.8% në favor të Trump. 19.2% e votuesve nuk mbështesin asnjë prej dy kandidatëve.
Në sondazhin e kryer nga e hëna deri të premten morën pjesë 1.276 votues shkalla e gabimit është ± 3,2%.
Pheniani refuzon idenë e Trump për një takim me Kim Yong Un
Pheniani zyrtar ka hedhur poshtë ofertën e kandidatit republikanër President të ShBA-së, Donalad Trump, për t’u takuar. “Reuters” citon një zyrtar të lartë të Koresë së Veriut, sipas të cilit “propozimi është një lloj propagande apo publiciteti në garën elektorale të Trump”. Ky i fundit propozoi një takim i cili do të shënonte ndryshim në qasjen e ShBA-së ndaj vendit të izoluar aziatik. “I takon Liderit Suprem nëse dontë takohet apo jo, por unë mendoj se ideja e
Trump është e pakuptimtë”, tha ambasadori i Koresë së Veriut në Kombet e Bashkuara, So Se Pyong.