tirana

Gjëja e re në "qytet"

Postuar në 17 Nëntor, 2019 14:25

Stadiumi i ri i Tiranës perceptohet lirshëm fillimisht si një godinë. Të paktën këtë të rrok syri kur kalon aty ku dikur ishte një stadium dhe një shesh që hapej drejt kodrave të Liqenit artificial.

Është një nga ato objekte që dhunojnë hapësirën ku ngrihen duke u shndërruar në simbole të artificialitetit urbanistik përpara se të shenjojnë një kohë të re për një qytet. Kulla e stadiumit nuk relatohet me asgjë vërdallë, ajo sfidon çdo logjikë dhe tonalitet në një hapësirë që supozohej se do kursehej nga kaosi rindërtues i Tiranës.

Marketingu i një treçerek stadiumi

Postuar në 20 Tetor, 2019 22:00

Në maj të vitit 2017, kryeministri Edi Rama, gjatë një interviste me gazetarin Ylli Rakipi, do të mbronte personalisht projektin e stadiumit të ri në Tiranë, duke marrë madje në mbrojtje edhe kompaninë ndëtuese. I pyetur nëse një qëndrim i tillë implikon transparencën mbi projektin, z. Rama neglizhoi duke sjellë në vëmendje emrin e arkitektit italian si alibi. 

Futbolli thotë atë që fsheh "elita"

Postuar në 30 Shtator, 2019 13:11

Ndeshja e djeshme Tirana-Partizani është paraprirë nga akte dhune të cilat nuk çudisin njeri. Në fund të fundit futbolli është kthyer ngado në arenë dhune, pse të mos ndodhë një gjë e tillë edhe në një shoqëri që dhunën e ka pjesë të kulturës së përditshme. Mirëpo një banderolë si kjo ngjitur është me të vërtetë një akt i ekzagjeruar që nuk dihet si ta lexosh. Urrejtje? Nxitje e urrejtjes?

Në Tiranë ngrihet memoriali për të vrarët e grushtit të shtetit në Turqi

Postuar në 08 Gusht, 2019 23:25

Në Tiranë është ngritur së fundmi një memorial për viktimat e atij që quhet si grusht i shtetit i 15 korrikut 2016 në Turqi. Lajmi është shmangur nga Bashkia e Tiranës e cila është përfaqësuar aty me zv.kryetarin Arbian Mazniku, krushku shumëpëdrorimësh i adeteve ku nuk duhet nxjerrë fytyra, dhe është dhënë në fakt nga ambasada turke në Tiranë.

Lypësit e shumtë të Palmerit në Tiranë

Postuar në 02 Gusht, 2019 00:58

Haberi se Mathew Palmer ka folur prapë është kryesor prej disa orësh tashmë. Zyrtari amerikan(ç’rëndësi ka detyra, mjafton që është amerikan) ka folur për korrupsionin, për zgjedhjet e 30 qershorit, duke bërë një rikonjicion mbi humorin e shoqërisë shqiptare.

Zoti Palmer foli, por çfarë tha? Nëse lexon mediat e opozitës, ai fshikulloi qeverinë; nëse lexon mediat e pushtetit ai ka thënë se SHBA nuk po mbështesin Ramën, ndaj kriza duhet zgjidhur mes shqiptarëve. Nëse lexon Palmerin, ai thotë në fakt një grumbull fjalish nga të cilat mund të nxjerrësh mesazhin që do.

Imam Lauren Luli zgjidhet Myftiu i ri i Tiranës

Postuar në 07 Korrik, 2019 14:04

Lauren Luli është që nga sot myftiu I ri i Tiranës. Prezantimi është bërë nga kreu i Komunitetit Mysliman të Shqipërië, Bujar Spahiu gjatë një takimi në selinë e komunitetit me imamët e xhamive të Tiranës.

Myftiu i ri i Tiranës, z. Lauren Luli është teolog. Ai ka kryer studimet e larta në Fakultetin e Shkencave Islame në Bursa të Turqisë dhe më pas masterin shkencor në Shkencat e Hadithit në KU Bedër, Tiranë. Ai ka ushtruar detyrën e tij si imam dhe myfti si dhe prej dy vitesh mbante postin e nënkryetarit të KMSH-së.

Kandido pa siglën e PS-së meqë ke shumicën

Postuar në 03 Qershor, 2019 19:26

Erjon Veliaj ka folur sërish sot. Në emër të Tiranës, qytetarëve, tëndit, timit, të tyret. Zoti Veliaj preferon përherë të shfaqet si zëdhënës i një shumice absolute pas së cilës qëndron një vullnet ekzekutues i të cilit është Ai. 

Ky qytet nuk e pranon bullizmin. Një nga gjërat që kemi bërë mirë në këtë qytet, është se pavarësisht se kemi tolerancë të madhe ne huk lejojmë kurrë që dhuna, prishja, dhe ndotja të kthehen në himnin e qytetin tonë. Himni i qytetit tonë është puna, puna, puna

Protestat nuk kanë cenuar pronën. Atë e cenon korrupsioni i kullave dhe betonit

Postuar në 14 Maj, 2019 11:44

Do të ishte diçka kurioze nëse ndonjë psikiatër do të diagnostikonte sjelljen publike të Erion Veliajt dhe peshën që zë kjo sjellje në jetën e tij të përditshme. Sepse është të paktën neurotike invencioni i përditshëm i një roli për veten, sidomos kur e shkëput atë nga detyra që ke përsipër. Zotit Veliaj nuk i del detyra e kryetarit të Bashkisë, të ciln me shumë gjasë do ta luajë edhe për një mandat. Ai do diçka më shumë, diçka sipër punëve të tjera. Dhe këtë diçka nuk e thotë dot me gojë, por e nënkupton.

Shqiptari(qytetar) dhe Qeni

Postuar në 05 Maj, 2019 00:13

 

Po të kafshoi qeni, i zoti do marrë gjobë ose do shkojë në burg. Qeveria ka menduar më në fund të trajtojë ligjërisht një problem që nuk di si ta quash. Emri më i përshtatshëm është: Punë shqiposh. 

Ta besojë kush të dojë/Veliaj: Ndërtojmë në Tiranë për nevoja strehimi

Postuar në 25 Prill, 2019 22:05

Shiti fiq, u shkollua jashtë me bursë, u angazhua i telekomanduar në shoqërinë civile me fonde që nuk i munguan ndonjëherë, iu hapën dyert e mediave pa doganë, u katapultua në politikë, mori bashkinë e Tiranës qyl. Tani kërkon partinë.  E megjithatë është defiçent i dokumentuar në arsyetim.

Pages

Subscribe to RSS - tirana