Thaçi

Unë bindem, ndaj "jam" ministër

Postuar në 05 Korrik, 2020 23:45

Askush nuk mund të njollosë historinë e UÇK-së dhe të popullit shqiptar. Kjo është një thuajse bindje e përgjithshme në mesin tonë, pasojë e pakorrigjueshme e historiografisë dhe pedagogjisë nacionaliste të Enver Hoxhës që nuk toleronte asnjë kritikë, asnjë mëdyshje dhe asnjë rishikim. Ministri në detyrë për Punët me Jashtë në Shqipëri, i diplomuar për filozofi e që aq shumë na u shit si mendje e hapur dhe e re në një mjedis të mykur si ai i Tiranës, e ka shumë të natyrshme t’i bashkohet këtij kori të unitetit.

Nën akuzë është Hashim Thaçi, jo shqiptarët

Postuar në 29 Qershor, 2020 17:09

Frrok Çupi shkruan sot se me akuzën ndaj Hashim Thaçit, Europa vuri në bankën e të akuzuarve të gjithë shqiptarët. Se me këtë proces riciklohet dualiteti i keqkuptimit të Europës me ne. Këtu mund të lexohet opinioni. 

Mirëpo nëse ne duam të shkojmë në Europë pse duhet të kemi frikë prej saj. Çupi është ndër ata që edhe protestat e PD-së i quante pak a shume si projekt antieuropian. Sot Europa na sbpallet kurvë e motit dhe Fishta padyshim është alibia perfekte. 

Një vizitë malinje në Kosovë si miku i Hashim Thaçit

Postuar në 29 Qershor, 2020 12:21

Gazeta e Kosovës, “Koha Ditore” shkruan mbi axhendën e takimeve të kryeministrit Edi Rama në Kosovë. 

Sipas agjendës së tij, të cilën e ka siguruar KOHA, vizitën do ta fillojë me takimin me kryetarin e Nismës, Fatmir Limajn. Përpos tij, ai më vonë do të takohet edhe me kryetarin e LDK-së, Isa Mustafën dhe atë të PDK-së, Kadri Veselin.

Ndërkohë, në këtë agjendë janë përfshirë edhe takimet me presidentin Hashim Thaçi, kryeministrin Avdullah Hoti dhe kryekuvendaren, Vjosa Osmani.

Një takim që duhet bojkotuar

Postuar në 28 Qershor, 2020 14:36

Ka disa raportime mediatike, adoptuar si të vërteta edhe nga ish-kryeministri Sali Berisha, se Edi Rama, kryeministër i Shqipërisë, do të jetë në Kosovë më 1 korrik. Sipas raportimeve paraprake, z. Rama do të tentojë një koordinim të faktorit politik të Kosovës në funksion të një mbrojtjeje politike ndaj Hashim Thaçit.

Kosovën e shpëton rruga demokratike: Dorëheqje e Thaçit dhe zgjedhje

Postuar në 28 Qershor, 2020 00:36

Hashim Thaçi duhet të dorëhiqet. Kjo kërkesë tani është në tavolinë  e interesit të sigurisë së Kosovës dhe nuk ka sesi të injorohet më. Njeriu që dominon skenën politike të vendit të tij është në shah permanent me një akuzë që mund të shndërrohet në kërkesë për arrestim, tashmë hapur dhe jo e hamendësuar. Dhe këtë gjë e kërkon tanimë edhe një pjesë e opinionit europian që ka ndërmend dhe mbështet nismat për ndërmjetësim të dialogut nga Brukseli.

Haxhiut i ngelet në dorë shkopi i Fevziut dhe akuza për dështim ndaj SHBA-ve

Postuar në 26 Qershor, 2020 20:04

Më 13 dhjetor 2019, Baton Haxhiu që thotë se është gazetar, shkruajti një artikull kritik ndaj ambasadorit amerikan në Kosovë, Kosnett. Arsyeja e kritikës ishte ato që Haxhiu i quante lëvdata të ambasadorit amerikan për Vetëvendosjen. Sot Haxhiu ka  bërë kritikëmn e dytë ndaj amerikanëve, duke vënë në fokus të kritikës SHBA-të dhe Shtëpinë e Bardhë.

Hashim Thaçi nuk është Kosova

Postuar në 25 Qershor, 2020 22:28

Nuk vonoi avokatia e Tiranës për Hashim Thaçin. Me akuzën ndaj tij u sabotuan bisedimet mes Serbisë dhe Kosovës, po thonë. Një gënjeshtër e trashë, pasi u frenua thjesht një takim. Grenell sot e përsëriti ftesën dhe atë e refuzoi në mirëbesim kryeministri Avdullah Hoti. Askush nuk po izolon Kosovën për një akuzë ndaj Thaçit. Përkundrazi, qëndrimi i tij në detyrë e dëmton Kosovën. E cila nuk është Hashim Thaçi. Dhe as Hashim Thaçi nuk është Kosova që është shtet dhe ka institucione. 

Në Tiranë po të jetë nevoja e shpallin edhe shenjtor

Postuar në 25 Qershor, 2020 19:08

Gjatë një replike sot në Parlamentin e Shqipërisë, kryetari i tij, Gramoz Ruçi iu kthye deputetesh Rudina Hajdari me këtë fjalë:

Me keqardhje mund të them Zonja Hajdari se bërë ndërhyrjen më të gabuar, në kohën më të gabuar dhe me përmbajtjen më të gabuar. Unë personalisht janë dëshmitar okular i të gjithë kryeministrave në këto 30 vite dhe të gjithë në mbështetje të çështjes së Kosovës dhe asnjë krahasim mes Kosovës dhe Shqipërisë është i papranueshëm veçanërisht në këtë ditë të sotme

Çfarë halli ka Fan Noli i Facebook-ut?

Postuar në 25 Qershor, 2020 16:43

Kryeministri i Shqipërisë Edi Rama është shfaqur sot i irrituar në mënyrë ekstreme me vendimin e Gjykatës Ndërkombëtare të Hagës për të thirrur presidentin e Kosovës, Hashim Thaçi në intervistim për akuzën e 100 vrasjeve. Në një fjalë që ka zgjatur 54 minuta, z. Rama ka bërë gjyqtarin e Gjykatës, e njoftimit të saj duke folur për anën e drejtë dhe të gabuar të historisë.

Këta nuk kanë vrarë, po ftesa nga një Gjykatë Ndërkombëtare Antikorrupsion do t'u vinte vallë?

Postuar në 25 Qershor, 2020 04:20

Hashim Thaçi është i pafajshëm, lufta është e lavdishme.
Haradinaj është i pafajshëm, lufta ishte e lavdishme. 

Fatmir Limaj është i pafajshëm, lufta ishte e lavdishme.

Nuk ndodh kjo vetëm në Kosovë. Në Maqedoni, Ali Ahmeti deklaroi se ka rrëzuar Perandori. E kishte fjalën për Jugosllavinë. Z. Ahmeti nuk i ka shkuar ndonjë ftesë, edhe sepse në Maqedoni pati qitje sporadike në një kuptim metaforik.

Pages

Subscribe to RSS - Thaçi