tendera

Ish-sekretarja e përgjithshme e Ministrisë së Drejtësisë, Juliana Hoxha, drejtori ekonomik Aurel Lamce dhe dy specialistët e IT-së, Lysien Ali dhe Arlind Alikaj janë arrestuar për abuzime me tenderat në këtë dikaster.

Tetë të  tjerë janë në arerst shtëpie. Raportohet jo zyrtarisht se nën verifikim janë edhe dy ish-ministra të Drejtësisë, Petrit Vasili dhe Ylli Manjani për rolin e tyre në këto tendera.

“Lufta jonë frontale ndaj kriminalitetit shënon sot një zhvillim të ri”. Kështu e nisi deklaratën për shtyp nga selia e qeverisë ministrja e Drejtësisë Etilda Gjonaj, bazuar mbi një paketë ndryshimesh ligjore që sipas saj qeveria ka marrë për të ndaluar “kriminelët” të përfitojnë para publike. Ministrja e quajti paketë ligjore në fakt, por nga teksti i deklaratës kuptohet se bëhet fjalë vetëm për një ndryshim formulimi në ligjin ekzistues të Prokurimeve Publike.

Të gjithë tenderët e zhvilluar në Ministrinë e Brendshme nga viti 2013 deri në vitin 2017, kohë që përkon me periudhën kur në krye të këtij dikasteri ishte ministër i Brendshëm, Saimir Tahiri do të verifikohen nga Prokuroria e Krimeve të Rënda.

Me urdhër të Prokurorisë së Tiranës është ndaluar  në Gjirokastër ish-ministri i Punës, Spiro Ksera, i dyshuar për veprën penale të vjedhjes duke shpërdoruar detyrën. Hetimet nisën në Prill të vitit të kaluar pas kallëzimit penal të dorëzuar nga Ministria e Mirëqënies Sociale. Ksera akuzohet për veprat “Vjedhje duke shpërdoruar detyrën”, “Shpërdorim detyre” dhe “Shkelje e barazisë dhe pjesmarrjes në tendera dhe ankande publike. Ksera mësohet se akuzohet edhe për abuzime me donacionet e romëve.

KLSH-referon në prokurori shkelje të shumta për tenderët e ilaçeve të miratuara nga ministri. Krimet e Rënda po verifikojnë kryesisht drejtorët e Ministrisë së Shëndetësisë për procedurat e koncesioneve qindra miliona eurosh, ndërsa Prokuroria e Tiranës po verifikon një tjetër çështje ndaj zyrtarëve të Ministrisë së Shëndetësisë. Pak javë më parë, Krimet e Rënda filluan hetime me iniciativë për çështjen e pagëzuar tashmë “Beqaj”, ndërsa së fundmi, akuza e kryeqytetit ka marrë disa dokumente nga Kontrolli i Lartë i Shtetit për parregullsitë e zhvillimit të tenderëve.

Ministri i Shëndetësisë mund të rezultojë në fund të këtij mandati qeverisës shqiptari më i fashmë me emrin Ilir. Kjo pasi nuk ka muaj që emri i Ilir Beqjas të mos lakohet për tendera dhe prokurime, që variojanë nga qindra milionë euro në disa miliona euro. Nëse në Ministrinë që drejton tenderat edhe mund të jenë urdhër i kryeministrit apo presion i ndonjë funskionari të moçëm të Partisë Socialiste, ndaj të cilit Beqja nuk ka çfarë të bëjë, në tenderat e It-së, ai operon direkt.

Kompania që u shpall fituese për rikonstruksionin e pjesshëm të ambienteve të Ministrisë së Mbrojtjes nuk përmbushte kriteret, madje shkonte përtej çdo kufiri të shkeljes së kritereve, ishte kompani që merrej me pastrim dhe të gjithë punonjësit e saj i kishte fshesarë. Sipas Kontrollit të Lartë të Shtetit fondi që ka përfituar kjo kompani pastrimi është 500 mijë dollarë.
Por abuzimet me tenderat në ministrinë e Kodhelit kanë përfshirë edhe procedurat për blerjen e helikopterëve dhe makinave të blinduara për Policinë Ushtarake.

Lajmet për korrupsion, për tendera të ndyrë që fitohen gjithnjë nga njerëz të lidhur me politikën, për vjedhje e mashtrime galopante, vlojnë gjithandej në Shqipërinë tonë. Në fakt nuk jane lajme te reja. Kështu u pasuruan ata qe iken, në të njëjtën rrugë po vijojnë edhe të rinjte. Ekziston nje shprehje nën zë mes militanteve të njerës prej partive në koalicion: 'Kap çfare të kapesh'.

Opozita akuzoi së fundmi se disa firma që i përkasin deputetëve socialistë kanë fituar para publike përmes tenderave, apo edhe pa tendera. Kreu i opozitës dhe edhe shifra. Qeveria, që ka përditësuar grafikisht faqen “transparenca.al” duke bërë me të zezë krahun e opozitës, jep versionin e vet që është në thelb si më poshtë: “Përgjigje për akuzat e opozitës: a) Prej vitit 2009, kompania “Eurogjici” ka një kontratë shërbimi me OSHEE-në, për ruajtjen dhe shoqërimin e vlerave monetare.

Damian Gjiknuri, ministër i Energjisë dhe Industrisë mori sot mbrojtjen publike të kryeministrit për akuzat e Kontrollit të Lartë të Shtetit për Marrëveshjen e Mirëkuptimit.  Menjëherë pas Edi Ramës, ka reaguar kryetari i opozitës, i cili me letër në dorë ka bërë të ditur se kush janë njerëzit afër kryeministrit që kanë përfituar para publike nga tenderat. “Çfarë bënë: 5 miliardë ia ka dhënë ndërtuesit të sarajeve të Edi Ramës, ka dy javë që nuk thotë asnjë fjalë, por e mohon edhe pse opozita e denoncon:

850 milionë lekë i janë dhënë Safet Gjicit.