tahiri

Saimir Tahiri ka deklaruar se në kuadër të luftës kundër trafikimit të qenieve njerëzore do të kërkojë aplikimin rigoroz të legjislacionit për prindërit që braktisin fëmijët dhe i nxjerrin për të lypur. Gjatë fjalës së mbajtur sot në konferencën me këtë temë, Ministri i Brendshëm apeloi edhe shoqërinë të heqë dorë nga dhënia e lëmoshës për fëmijët e rrugës, duke e quajtur këtë gjest një akt po aq kriminal që i hap rrugë trafikimit.

Ministri i Brendshëm Sajmir Tahiri ka hedhur poshtë zërat për një krisje të marrëdhënieve mes dy partive kryesore të mazhorances. Ministri i Brendshëm i ftuari në emisionit “Kapital” në “Vizion Plus”, tha se nuk gjen asnjë motiv për ndryshime të kabinetit dhe e konsideron thjesht spekulim mediaktik ambicien e partisë se Metës për të marrë Ministrinë e Brendshme. Ndërkohë, Ilir Meta ndryshe nga kryeministri Edi Rama deklaroi se qeverise i nevojiten impulse të reja.

Ndërsa emri i tij është “rrethuar me të kuq” mes ministrave të përfolur për t’u larguar nga detyra, ambasadori amerikan në Tiranë, Donald Lu është duke zhvilluar një takim me ministrin e Brendshëm, Saimir Tahiri në ambientet e Ministrisë. Takimi ka nisur rreth orës 15:20 dhe burime nga ministria thonë se, është duke u diskutuar drafti për krijimin e Byrosë Kombëtare të Hetimit. Kjo sepse në takim mësohet se ka përfaqësues edhe nga FBI-ja. Kohët e fundit ky mund të numërohet si takimi i tretë mes ambasadorit dhe ministrit Tahiri.

Objektivi LSI është lënë tanimë pas, për të aktivizuar objektiva të tjerë politikë. Afera CEZ që u përfol për javë të tëra si afera e madhe, si megavjedhja, po kalon gradualisht në plan të dytë. Sot Partia Demokratike ka dalë në dy qëndrime, të dyja me fokus Edi Ramën dhe Sajmir Tahirin. Ish-kryeministri Sali Berisha ka marrë sot një lajm të publikuar në media, që ka të bëjë me përfshirjen e Inter Forza italiane në transferimin jahstë të Dritan Zaganit.

Sot opozita publikoi një tjetër fakt të pakundërshtueshëm që tregon se mjeti Audi i shumëpërfolur vijon të jetë në pronësi të ministri të Brendshëm, Saimir Tahiri: Polica e sigurimit (siguracioni i makinës) për vitin 2015 -2016. Deputeti Genti Strazimiri kërkoi dorëheqjen e ministrit. Sipas tij, Tahiri e ka pranuar se makina e tij është përdorur nga trafikantë, pasi ministri nuk është distancuar nga ky fakt, por nga pronësia e mjetit.

Kryeministri Edi Rama e ‘amnistoi’ ministrin e Brendshëm, Saimir Tahiri, nga akuzat dhe insinutat e shumta që po vinin nga shumë drejtime, kur në konferencën e para disa ditëve me policinë, foli për sukses në luftën kundër trafikut të drogës. Po ato ditë, Tahiri do të ndërhynte në emsionin “Opinion” për të deklaruar se makina e përmendur në intervistën e ish-shefit të Antifrafikut në Fier, Dritan Zagani, nuk ishte më e tij, pasi e kishte shitur.

Pasi vetë kryeministri doli në konferencën me policinë dhe vlerësoi maksimalisht punën e saj në luftën kundër trafikut të drogës, ministri i Brendshëm, Saimir Tahiri, po shfaqet më i shpenguar në reagimet e veta. “Duhet te kisha falenderuar PD qe heret ne mengjes, por s’besoj merziten ti falenderoj pak me vonese per sherbimin e vyer qe po kryejn duke i bere jehone te perditshme sukseseve te Policise se Shtetit. Me shume mirenjohje per Shqupistat”, shkruan ai sot në përgjigje të një deklarate të Edi Palokës nga PD.

Ajo që u perceptua si një seancë me fakte tronditëse për trafikun e drogës, rezultoi në fakt në një seancë leksioni për rilindjen e policisë. Kryeministri i Shqipërisë ka menduar që të investohet përsonalisht në mbrojtje të Policisë, të ministrit të Brendshëm, Sajmir Tahiri, duke cilësuar se puna e bërë në luftën kundër trafikut të narkotikëve është e lavdërueshme. Sipas Edi Ramës kritikat dhe sulmet vijnë për shkak se janë prekur interesa të mëdha, ndonëse një luftë totale kundër drogës dhe pa selektivitet nuk do të sillte ndonjë reagim.

Kryetari i Partisë Demokratike, Lulzim Basha, ka mbajtur sot një fjalë në Grupin Parlamentar. Me tone thuajse solemne, Basha u është drejtuar deputetëve me përgjegjësinë e dikujt që pritet të hidhet në një aksion vendimtar, duke zbardhur edhe ofertën e PD-së. “Votimi i projektligjit të dekriminalizimit, dorëheqjet dhe hetimi i Metës dhe Tahirit, plani ekonomik i shpëtimit janë sot oferta e Partisë Demokratike për nxjerrjen e vendit nga qarku i skandaleve dhe zbutjen e krizës ekonomike. Dëshirojmë zgjidhje institucionale.

Ka zgjatur vetëm pak kohë dyzimi mbi vërtetësinë e avionit të fundit të drogës në Itali, pasi ministrit i Brendshëm Saimir Tahiri deklaroi se huk ishte e vërtetë që ky mjet ishte nisur nga Shqipëria. “Sa për avionin në Itali, ai ishte nisur nga Torino për në Leçe. I bie që kryeministri italian dhe ministri italian të jenë përfshirë në trafik, ç’punë kishte policia shqiptare me ta?!”, tha Tahiri. Por sqarimin e bëri shumë shpejt policia italiane shkruante në faqen zyrtare të saj: