tahiri

Klemend Balili duket se ka dalë nga Shqipëria dhe askush nuk di të thotë se ku ndodhet. Hamendësimet e Sali Berishës se ai është në Kubë, janë një version që kalohet në heshtje nga Policia e Shtetit me në krye Sajmir Tahirin. Por edhe nëse nuk ka dalë nga Shqipëria, e sigurtë është se Klemend Balili, një zyrtar i Lëvizjes Socialiste për Integrim, i akuzuar në mediat greke për lidhje me një fill trafiku droge, po fshihet.

Partia Demokratike ka akuzuar sot ministrin e Brendshëm, Saimir Tahiri se ka ndihmuar Klement Balilin që të arratiset nga Shqipëria. Përmes kreut të Departamentit të Rendit dhe Sigurisë, Enkeled Alibeaj, PD akuzoi Tahirin dhe Policinë e Shtetit se është e lidhur me trafikun e drogës.“Tahiri i krijoi kushtet për t’u arratisur Balilit, pak para se të çonte Policinë në banesën e tij për të prishur provat”, tha Alibeaj.

Teksa një Drejtor i Lartë i Administratës Publike është nën akuzë si një prej drejtuesve kryesorë të një prek karteleve më të mëdha të drogës në Europë, si qeveria ashtu dhe opozita kanë devijuar deklaratat dhe diskutimet për zyrtarin që akuzohet për lidhjet me Ilir Metën dhe bashkëpronësinë e hotelit “Santa Quaranta” në bregdetin e Sarandës. Gjatë diskutimeve në seancën plenare kryeministri Edi Rama nuk tha asnjë fjalë për Drejtorin e Administratës së tij  të emëruar nga LSI, duke mos atakuar aleatin e ngushtë në qeveri, Ilir Meta.

Në 18 Shkurt parlamenti miratoi  me 72  votat e shumicës projektligjin “Për identifikimin dhe regjistrimin e adresave të shtetasve shqiptarë që jetojnë jashtë territorit të Republikës së Shqipërisë”. Ky ligj u prezantua nga qeveria si një nismë e Ministrisë së Brendshme dhe iu servir publikut si një ndërgjegjësim i shtetit për të përmirësuar shërbimet ndaj qytetarëve të tij që ndodhen si emigrantë jashtë vendit. Vlen shumë të kujtojmë se çfarë ka thënë ministri i Brendshëm gjatë prezantimit të këtij projektligji.

“Burime serioze, oficerë që janë në dijeni dhe që kanë qenë prezentë në aksion, dëshmojnë se Sajmir Tahiri ka folur me Emiliano Shullazin përmes telefonit të nëndrejtorit të policisë së Tiranës, Ermal Muça.Ky funksionar i policisë rezulton të jetë një nga personat e besuar për shumë paligjshmëri e trafiqe që bëhen me dijeninë dhe bekimin e Tahirit. Nëse prokuroria merr pamjet e dy muajve të fundit të lokalit ku ndodhi ekzekutimi i Elton Çiços, do të shohë se pothuajse çdo natë Ermal Muça dhe Qebini i doganave ishin në shoqërinë e viktimës.

Kohët e fundit ka patur një debat mbi besueshmërinë e organeve ligjzbatuese në Shqipëri. Madje ky debat u përcoll si një përplasje mes policisë dhe prokurorisë që u shoqërua me deklaratat e Ministrit të Brendshëm se publiku ka më shumë besim te policia. Mirëpo ndalimi i Arben Frrokut turbulloi sërish ujërat e transparencës dhe besimit te policia, duke detyruar ministrin e Brendshëm, Sajmir Tahiri të kërkojë hetim administrativ të veprimeve të policisë tek partnerët ndërkombëtarë.

Pas deklaratës së Sali Berishës që qytetarët të lejohen të armatosen për vetëmbrojtje ka reaguar ministri i Brendshëm, Sajmir Tahiri. Tha Tahiri: “Kur një ish kryeministër bën thirrje publike që populli të armatoset, nuk besoj se ka thirrje më kriminale, më antikushtetuese, më djallëzi se kaq, shpresoj shumë që prokuroria të gjejë kurajë ta thërrasë pse është vepër penale të bësh thirrje publike për armatosje dhe dhunë. Kjo është thirrje e një epoke që shqiptarët e lanë pas.

Ka nisur një replikë në distancë mes dy palëve politike për çështjen “Shullazi”. Pas arrestimit të personit në fjalë, kryetari i PD-së, Lulzim Basha ka deklaruar se ky akt u krye në kushtet e një presioni nga SHBA. Akuzat e ngritura ndaj Shullazit ishin për gjobvënie dhe kanosje dhe në fakt nuk kishin të bënin me kërcënimin e kandidatit për rektor të Universitetit të Tiranës, Mynyr Koni, çka provon se ndaj shtetasit në fjalë ka patur ankesa në vijimësi.

Në një takim me të rinjtë socialistë ministri i Brendshem, Sajmir Tahiri i bëri thirrje anëtarësisë për pjesëmarrje masive në referendumin e 9 Prillit, duke folur për një vetidije të lartë demokratike që e çon partinë në këtë referendum. Ministri i Brendshëm Sajmir Tahiri nuk harroi t’i kthejë edhe një përgjigje opozitës për qëndrimin që ajo ka mbajtur pas ftesës së Ramës për Bashën. Ai tha se  është opozita që refuzon dialogun duke bllokuar reformën në drejtësi.

Gazeta “Sot” raporton në numrin e sotshëm për një pajisje të sofistikuar përgjimi që është në dispozicion të Ministrisë së Brendshme. Sipas kësaj gazete, e cila informon përmes burimeve jozyrtare, pajisja arrin të përgjojë edhe komunikimin sms, whatsapp dhe viber, çka e kthen Ministrinë e Drejtuar nga Sajmir Tahiri në një institucion me mundësi ndërhyrjeje në jetën e qytetarëve. Dhe në fakt sipas gazetës në fjalë ka përgjime qytetarësh nga kjo ministri, sigurisht me urdhër të titullarit të saj.