tahiri

Partia Demokratike ka shpërndarë sot fjalën që mbajti sot në Parlament deputeti Flamur Noka, njëkohësisht nënkryetar i Komisionit të Sigurisë Kombëtare. Duke e parë si një qëndrim zyrtar të PD-së në një seancë ku mungonte ish-kryeministri Sali Berisha, po sjellim këtu pikën kryesore të fjalës së tij që ishte ajo e akuzës për implikim të ministrit të Brendshëm, Sajmir Tahiri, në çështjen e përgjimeve.

Ministri i Brendshëm Sajmir Tahiri ka kohë që nuk ka çehre të mirë në fytyrë. Dy ditët e fundit e kanë vënë atë para faktit të shkarkimit të arrestimit të dy vartësve, shkarkimit të drejtorit të Policisë, Haki Çako, që pranoi përgjimin në prokurori. Zhvillime që janë tjerrur edhe nga politika me gjithfarë spekullimesh: ish-kryeministri Sali Berisha deklaroi sot se kryeministri po i bën presion të madh ministrit të Drejtësisë për këtë çështje.

Shumë herë e kemi dëgjuar ministrin e Brendshëm, Saimir Tahiri, me zë dhe figurë, të deklarojë për akuzat e shumta që i janë bërë: “drejtohuni në Prokurori, më hetoni, jam i gatshëm të përgjigjem përpara drejtësisë etj…”. Por kur hetimi troket në portën e tij, ministri transformohet papritur. Prokuroria dhe gjykatat qenkan të qelbura nga koka, ato u përdorkan politikisht nga opozita, edhe kjo e qelbur nga koka, prokurorët dhe gjyqtarët janë të korruptuar dhe shërbëtorë politikë. Ata janë të gjithë Fronti i së Keqes dhe Sa i Miri është Fronti i së Mirës.

Ministri i Brendshëm, Sajmir Tahiri, i cili është nën hetim nga Prokuroria për pengimin e veprimeve që çojnë në zbardhjen e së vërtetës për çështjen e pajisjes së Interforcës italiane i qëndroi sot retorikës se kjo nuk është një çështje ligjore, por një betejë parimore mes të mirës dhe së keqes.

Ministri tha se vendimi i Gjykatës për të pezulluar Drejtorin e Përgjithshëm të Policisë së Shtetit është politik dhe i ndërmarrë nga një prej anëtarëve të Frontit të së Keqes, duke përdorur termin e shpikur një ditë më parë nga kryeministri.

Sajmir Tahiri është përgjuar në zyrën e tij. Të paktën këtë raporton televizioni “ABC NEWS” sipas të cilit Ministria e Brendshme ka depozituar edhe një kallëzim penal në Prokurori, bashkë me pajisjen e gjetur. “Burimet zyrtare pranë prokurorisë së përgjithshme, i thanë ABC NEWS se pak ditë më parë, Ministria e Brendshme ka dorëzuar një kallëzim penal pranë prokurorisë së kryeqytetit. Ku kërkohet të gjenden personat që i kanë vendosur në zyrë ministrit Tahiri aparat përgjimi.

Partia Demokratike ka rikthyer në vëmendje rastin Balili, ish-drejtor Rajonal i Transporteve në Sarandë, i shpallur në kërkim si kreu i një organizate ndërkombëtare të trafikut të drogës. Opozita ngre dy akuza që shënjestrojnë direkt ministrin e Brendshëm, Sajmir Tahiri. E para ka të bëjë me rolin e policisë kufitare dhe kontrollin e rrugëve të transportit nga Balili dhe e dyta me komandimin e Asim Canajt si shef i policisë së Sarandës.

Sajmir Tahiri duket se ia ka hedhur edhe këtë herë. Pa mohuar dot se një pajisje përgjimi është operuar nga policët e tij në kundërshtim me ligjin dhe Kushtetutën, por as duke e pohuar dot deri në fund, ministri i Brendshëm i Shqipërisë, i diskredituar në çdo drejtim, luajti atë pjesë që di të bëjë më mirë: ditët e para nuk fliste, heshtte, ulte sytë sa herë dilte në media dhe pranoi që në Komisionin e Sigurisë të poshtërohej dhe tallej nga Flamur Noka. Të cilit dikur, me kapardisje i thërriste “Mul”.

Ministri i Brendshëm, Sajmir Tahiri ligjëroi sot para të rinjve që fituan të drejtën për të vazhduar studimet në Akademinë e Sigurisë, duke folur fatkeqësisht për veten dhe për opozitën dhe jo për integritetin e policisë. Ministri përdori podiumin e një institucioni shtetëror për të bërë politikë, duke u treguar policiëve të ardhshëm se kush janë të mirët dhe kush të këqinjtë në këtë vend.

Lidhjet e ngushta të kryeministrit Rama, ministrit të Brendshëm, Tahiri dhe atij të Financave, Arben Ahmetaj sipas Lulzim Bashës janë struktura e një shteti brenda shtetit, që po menaxhon orientimin e financave publike në duart e oligarkëve dhe elementëve kriminalë. "Ka një shtet brenda shtetit që merr paratë që duhet t’i merrje ti. Ka një shtet brenda shtetit që merr paratë që duhet të shkojnë për ilaçet nëpër spitale, pajisjet nëpër spitale. Ka një shtet brenda shtetit që merr paratë e pensioneve e të ndihmës ekonomike.

Dje u bë i njohur lajmi se Europol, agjencia policore europiane, kishte ndryshuar tekstin e njoftimit për shtyp për operacionin e kapjes së disa trafikantëve të drogës në Greqi. Në njoftimin e publikuar më 13 maj, Europol, njoftonte se operacioni ishte drejtuar nga Greqia me mbështetjen e Belgjikës dhe të Europol. Pra Shqipëria nuk figuronte në njoftim, ndërkohë që ministri i Brendshëm shqiptar, Sajmir Tahiri, deklaronte se polica shqiptare kishte qenë pjesë e operacionit.