suficit

Sipas të dhënave paraprake të Thesarit të Shtetit, të ardhurat buxhetore në 4 muajt e parë të vitit ishin rreth 1.09 miliardë dollarë, ose 7.4% më shumë se e njëjta periudhë e një viti më parë. Ndërsa shpenzimet ishin rreth 950 milionë dollarë, ose 8.4% më pak se vjet. Si rezultat, deri në fund të prillit, kemi patur një suficit buxhetor prej rreth 140 milionë dollarësh (në të njëjtën periudhë vjet, kishim një deficit buxhetor prej 30 milionë dollarësh).