siri

Sulmet ruse në Siri kanë nisur duke faktorizuar ndërhyrjen ndërkombëtare në zgjidhjen e krizës së rëndë të këtij vendi. Moska zyrtare thotë se qëllimi i ndërhyrjes është goditja e ISIS, por disa raportime nga mediat perëndimore flasin për objektiva të tjerë. Kështu Institute for the Study of Ëar, shkruan se sulmet ruse shkaktuan 33 të vrarë ndër civilë në Talbisah dhe në veri të Homsit.

Rusia ka dislokuar 28 avionë luftarakë në Siri, pohuan këtë të hënë zyrtarët amerikanë, duke konfirmuar praninë e trupave në rritjen e pranisë ushtarake të Moskës në kombin e shkatërruar nga lufta.

Agjensia e lajmeve AFP raporton se Franca do të zhvillojë sulme ajrore kundër organizatës Shteti Islamik (ISIS) në Siri në javët e ardhshme. Lajmin e njoftoi sot ministri francez i Mbrojtjes, Jean Yves Le Drian. I intervistuar nga “radio France Inter” dhe i pyetur se kur, avionët bombardues francezë, që zhvillojnë që prej 8 shtatorit fluturime mbi Siri për grumbullim informacioni, do të fillojnë bombardimet, ministri francez u përgjigj se bombardimet do të fillojnë “në javët në vijim, sapo të jenë mirëidentifikuar objektivat”.

Ditët e fundit ka pasur një rrjedhje të raporteve të detajuara rreth një përshkallëzimi të veprimtarisë ushtarake ruse në Siri. Një investigim i bërë nga Reuters, siç citojnë burimet libaneze, bën me dije se trupat ruse kishin filluar të merrnin pjesë në operacionet, në mbështetje të forcave të regjimit sirian, një aleat i vjetër i Moskës. Zyrtarët amerikanë treguan se dy aeroplanmbajtëse, avionë dhe këmbësoria e forcave detare kishte arritur në Siri këtë javë.

"Nuk ekziston asnjë zgjidhje ushtarake". Kjo është deklarata që sekretari i përgjithshëm i OKB, Ban Ki Moon shprehet për situatën në Siri. Ai nuk lë hapësirë për dyshime, në një intervistë për Radio Vatikanin, në pritje të vizitës së Atit të Shenjtë në OKB në 25 shtator. Sekretari i përgjithshëm bën thirrje për dialog politik sepse “po luftojmë prej më shumë se 4 vjet e gjysmë; kanë vdekur mbi 250 mijë njerëz, ka 4 milionë refugjatë dhe 12 milionë njerëz janë përfshirë drejtpërsëdrejti në këtë krizë”.

Franca mund t’i bashkohet veprimeve ushtarake të ShBA-së në Siri kundër Shtetit Islamik. Gazeta greke “Protothema” i referohet gazetës franceze “Le Monde”, sipas së cilës Presidenti francez, Francoise Holande, do ta njoftojë këtë gjë ditën e hënë.
Objekt i sulmeve franceze do të jenë pozicionet e ISIS në Siri, prej nga ku po prodhohet ndër të tjera edhe tragjedia e refugjatëve. Duket se është ky një nga faktorët që po angazhon perëndimin për të goditur militantët e ISIS, ndonëse me këtë rast çështja e Bashar al Asad po kalon në plan të dytë, pse jo me një marrëveshje të heshtur.

Kemi parë shpesh harta të përdorura në media ku tregohet lëvizja e grupeve terroriste si ISIS.

Gjeoglifet e Nazcas në Peru nuk janë të vetmet. Në Lindjen e Mesme, nga Siria, në Jordani dhe Arabinë Saudite, janë zbuluar së fundmi gati një mijë “vizatime” në strukturë guri, të cilat mund të shihen vetëm nga ajri. Format e paraqitura janë të ndryshme, por përgjithësisht mbizotëron forma rrethore dhe sipas studiuesve ato datojnë gati 2000 vjet më parë. “Në Jordani ndodhen shumë më tepër gjeoglife sesa në Nazca, në një hapësirë më të madhe dhe më të vjetra”, thotë profesori David Kennedy i Universitetit të Australisë Perëndimore.

Marwan Hisham, një banor i dikurshëm i Halepit të Sirisë, publikon një reportazh në “Vanity Fair”, një reportazh nga qyteti i tij. Një rend i përmbysur jete, shkatërrim i plotë dhe një qytet i kthyer në vijë fronti. Përmbajtja e konfliktit, pavarësisht rolit të ISIS është klasike në premisa: një elitë me “modernizim” dhe orientim perëndimor të shpejtë, përkundrejt një periferie përherë e më shumë reaksionare ndaj këtij procesi. “Po bind venten që kjo është e vërtetë”, shkruan Hisham, që e percepton shkatërrimin përmes kujtimeve të një kohe kur Halepi gëlonte nga jeta.