shba

Bashkimi Europian dhe Shtetet e Bashkuara janë treguar të drejtëpërdrejtë me presidentin maqedonas Gjorgje Ivanov pas refuzimit të tij për t’i dhënë liderit të social –demokratëve Zoran Zaev mandatin për krijimin e qeverisë së re për shkak të platformës së partive shqiptare.

Përfaqësuesja e Lartë për Politikën e Jashtme, Federica Mogerini, e cila vizitoi Shkupin këtë të enjte lëshoi një ultimatum në adresë të Ivanov, duke i kërkuar qe brenda ditës së hënë t’i japë mandatin përfaqësuesit të mazhorancës parlamentare dhe të lejojë bashkqeverisjen me BDI-në.

Dorërëheqja e deputetit socialist Armando Prenga nga parlamenti erdhi si produkt i ligjit të dekriminalizimit dhe pamundësisë që ai kishte për  të mbrojtur ligjërisht mandatin e tij. Argumenti me të cilin është mbrojtur kryeministri për futjen në listat e kandidatëve për deputetë të individëve të inkriminuar është se ata kishin dëshmi të pastër penaliteti.

Shumëkush mban mend Fizik – kulturën (Fiskulturën) e dikurshme në mnëgjes. Jo vetëm nxënësit e shkollave, por disa kohë edhe qendrat e punës, instiucionet aplikonin minutat e mëngjesit me disa lëvizje fizike. Pas vitit ’90 ky rregull I përgjithshëm u braktis, u vu në lojë për t’u konsideruar si pjesë e asaj gjeometrie të Diktaturës që unifomizoi çdo gjë. Por duket se kjo nuk është një gjetje e regjimit të Hoxhës. Dhe as edhe kineze siç thuhet. Në SHBA, në vitin 1917, kur vendi po hynte në luftë, prkatika e ushtrimeve gjimnastikore u vendos deri edhe në Shtëpinë e Bardhë, apo në ministri.

Ambasadorja amerikane në Organizatën e Kombeve të Bashkuara, Nikki Haley ka deklaruar se Kosova e meriton të jetë anëtare e plotë e OKB-së. "SHBA beson se komuniteti ndërkombëtar duhet të pranojnë se Kosova ka bërë përparime të mëdha që nga shpallja e pavarësisë. Kosova e meriton të marrë vendin që i takon në bashkësinë ndërkombëtare, përfshirë edhe anëtarësim të plotë në OKB"-tha Haley në fjalimin në Këshillin e Sigurisë, të OKB-se.

Konferenca për shtyp mes zv.presidentit amerikan, Mike Pence dhe Presidenti të Këshillit të Europës, Donald Tusk ka sjellë konfirmimin e një angazhimi të plotë të SHBA në partneritetin me BE-në. Tonet e presidentit Trump po zbuten duke ardhur sërish në tryezën e përbashkët transatlantike, që siç tha Pence, "na ndan një oqean, por na bashkon një trashëgimi dhe angazhimi për lirinë dhe demokracinë".

Rusia dhe SHBA mbeten rivalë dhe thuajse antagonistë në një botë përfytyrimi i së cilës është i ndryshëm nga të dy palët. Megjithë premtimet e bujshme dhe deklaratat e pazakonta nga presidenti amerikan Donald Trump, në mes janë interesa të cilat nuk mund të kapërcehen dhe një gjë e tillë ka rënë në sy qartë në punimëet e Konferencës së Mynihut. Ministri i Jashtëm rus, Sergery Lavrov deklaroi se ai shpreson që “bota të pranojë një rend të ri botëror – një rend post perëndimor – më demokratik,në të cilin secili vend përkufizohet nga sovraniteti i tij”.

Ministri i Jashtëm i Shqipërisë, Ditmir Bushati, ka folur dje në një intervistë për Zëri i Amerikës, për tensionet e fundit në Ballkan dhe sulmet sipas tij ndaj ambasadorit amerikan në Tiranë. 
Me tonin e një lektori që kupton mbi të tjerët çështjet shumë të ndërlikuara të politikës së jashtme, Bushati e ka nisur komentin për këtë çështje me një thënie të para disa dekadave, që duket se e ka bindje: 

Kërkesa e SHBA-së dhe presidentit të saj të ri, Donald Trump, që shtetet anëtare të NATO-s duhet të përmbushin detyrimin e tyre për kontributin me 2% në buxhetin e mbrojtjes, është kundërshtuar nga Presidenti I Komisionit Europian, Jean – Claude Juncker.

“Nuk më pëlqen që miqtë tanë amerikanë e ulin kaq afër me ushtrinë konceptin e sigurisë”, tha ai në fjalën e mbajtur në Konferencën e Mynihut. Sipas tij kjo është kërkesë e hershme e amerikanëve që përballojnë 70% të shpenzimeve të aleancës.

Shtetet e Bashkuara të Amerikës janë të "vendosura" për të mbrojtur Korenë e Jugut dhe Japoninë, duke mos përjashtuar përdorimin e armëve bërthamore. Kjo është deklarata e Sekretarit Amerikan të Shtetit,  Rex Tillerson, pak ditë pas lëshimit të një rakete balistike nga Koreja e Veriut. Në një deklaratë të përbashkët me homologët e tij nga Koreja e Jugut dhe Japonia, Tilerson dënoi ashpër provat balistike të Koresë së Veriut dhe tha se SHBA mbetet e vendosur për të kontribuar në mbrojtjen e aleatëve të saj.

Revista e njohur gjermane “Spiegel” shkruan së fundi për atë që e cilëson Beteja e Taksave dhe përgatitjet e Gjermanisë për të. Fjala është për rakordimin mes SHBA dhe Britanisë së Madhe për të ndryshuar taksën e korporatës drejt niveleve 10-15%, duke vënë në diskutim strukturën aktuale ndërkombëare të taksimit. Britania paralajmëron ulje të taksave të veta për ta kthyer vendin në “parajsë fiskale”, ndërkohë që presidenti amerikan Trump ka bërë të ditur se ndaj Gjermanisë dhe Japonisë, dy vende me të cilat SHBA ka deficit konstant, do të nisë luftën e monedhës.