shba
ShBA refuzon dhënien e avionëve Ukrainës. Sanksionet që destabilizojnë ekonominë globale, mbahen në fuqi!!!
Shtetet e Bashkuara të Amerikës kanë vendosur të mos e furnizojnë Ukrainën me avionë luftarakë. Vendimi merr parasysh vlerësimet e komunitetit të inteligjencës dhe është njoftuar nga zëdhënësi i Pentagonit, John Kirby, që ka neutralizuar kështu propozimin polak për transferimin e avionëve Mig-29 në Ukrianë.
Rusia: Embargoja e naftës ruse do të ketë pasoja katastrofike në tregun global
Rusia paralajmëron se në rast se Perëndimi ndalon importin e naftës së saj, do të mbyllë tubacionin kryesor të gazit. Një zyrtar i lartë rus paralajmëroi se në një skenar të tillë, çmimi i nfatës mund të dyfishohet në rreth 300 dollarë për fuçi.
Në një deklaratë në televizionin shtetëror të hënën, zëvendëskryeministri rus Alexander Novak tha se ishte "absolutisht e qartë se një refuzim i naftës ruse do të çonte në pasoja katastrofike për tregun global".
Europa nën presionin amerikan për embargon e energjisë ruse
Amerika po kërkon të shtojë sanksionet mbi Rusinë në sektorin e energjisë. Por këto sanksione po rëndojnë edhe mbi europianët.
Sekretari i Shtetit, Antony Blinken, i tha NBC-së të dielën se SHBA janë aktualisht “në diskutime shumë aktive me partnerët tanë evropianë për ndalimin e importit të naftës ruse në vendet tona duke ruajtur, natyrisht, një furnizim të qëndrueshëm global me naftë".
Amerika i diskreditoi Lirinë dhe Demokracinë
Presidenti amerikan Joe Biden ka patur dje një ditë të lumtur politike miratimi dypalësh në Kongres, teksa fjalimi i tij është pritur me ovacione. Zoti Biden ka folur për ringritjen e Amerikës dhe afirmimin e saj në rolin e lidershipit global, diçka që ngjan si një simptomë ezauruese që ta jep temperatura 37.5 gradë.
Në betejën mes demokracisë dhe autokracisë, demokracitë po ngrihen në këtë moment
Fusha e minuar e sanksioneve
Në janar të këtij viti, inteligjenca amerikane paralajmëroi për një sulm ushtarak rus në drejtim të Ukrainës, më 16 shkurt. Gabimi i vetëm në këtë parashikim ishte data. Sulmi rus ndodhi pak ditë pas 16 shkurtit, e megjithatë Perëndimi u gjet i papërgatitur dhe në një dilemë që vijon edhe disa ditë pasi trupat ruse kanë hyrë në Ukrainë.
Perëndimi ka vendosur në kundërpërgjigjet me sanksione, me të cilat synohet dëmtimi i ekonomisë ruse. Por në epokën e globalizmit, sanksionet janë si të pështysh lart dhe të të kthehet në fytyrë.
Amerikanët nuk e duan përfshirjen në konfliktin Ukrainë-Rusi
Amerikanët nuk e duan përfshirjen në konfliktin Ukrainë-Rusi. Një sondazh i kryer së fundmi zbulon se vetëm 26% e amerikanëve mendojnë se SHBA duhet të ketë një rol më të madh në këtë konflikt, 52% pranojnë nevojën për një rol të kufizuar dhe 20% e përjashtojnë kategorikisht çdo ndërhyrje. Sondazhi është kryer nga Qendra Associated Press-NORC për Kërkimin e Çështjeve Publike.
Sanksione po, por me delikatesë
Presidenti Joe Biden dhe aleatët e tij evropianë mund të ndërmarrin një lëvizje për të goditur zemrën e regjimit të presidentit rus Vladimir Putin dhe pasurinë e tij: vendosjen e sanksioneve të drejtpërdrejta mbi industrinë ruse të naftës dhe gazit.
Por kjo lëvizje mund të shkaktojë një krizë energjetike që gjymton ekonomitë e tyre, kërcënon kontrollin e tyre mbi pushtetin dhe ndoshta edhe pasuron Putinin në mënyra të tjera.
Sanksionet që mund t’i kthehen kundër Perëndimit
Sanksionet kundër Rusisë vënë në rrezik edhe ekzistencën e Stacionit Ndërkombëtar të Hapësirës. Drejtori i përgjithshëm i agjencisë ruse të hapësirës Roscosmos, Dmitry Rogozin, në një seri postimesh shumë të ashpra në Twitter, dënoi sanksionet e vendosura nga presidenti amerikan Biden.
Rogozin, i cili njihet si besnik i Putinit, dhe ka mbajtur postin e zëvendëskryeministrit midis 2011 dhe 2018-i bën Biden-it një sërë pyetjesh për të ardhmen, në veçanti: “A do t’i jepni fund bashkëpunimit tonë në Stacionin Ndërkombëtar të Hapësirës? Apo dëshironi ta menaxhoni vetë?”.
Putin: Nuk negocioj interesat dhe sigurinë e rusëve
Rusia është e gatshme për zgjidhje diplomatike me Kievin dhe Perëndimin për krizën ukrainase. Por presidenti rus e kushtëzon këtë gatishmëri me mbajtjen në krye të listës së prioriteteve të interesave ruse.
"Vendi ynë është gjithmonë i hapur për dialog të drejtpërdrejtë dhe të ndershëm për të gjetur zgjidhje diplomatike për problemet më komplekse. Megjithatë, interesat dhe siguria e qytetarëve tanë nuk janë të negociueshme," tha Putin në një fjalim të transmetuar në TV.
Paqartësi europiane për sanksionet ndaj Rusisë
Njohja nga presidenti rus, Vladimir Putin, e republikave të vetëshpallura Popullore të Donetskut dhe Luhanskut në Ukrainën lindore pritet ta çojë BE-në drejt vendimit për sanksione ndaj Moskës.
“Besoj se është e nevojshme të merret një vendim i vonuar prej kohësh për të njohur menjëherë pavarësinë dhe sovranitetin e Republikës Popullore të Donetskut dhe Republikës Popullore të Luhanskut”, tha Putin.