rusia

Një ditë pasi ministri rus i Mbrojtjes, Sergei Shoigu, akuzoi Ukrainën për hedhjen në erë të digës së Kakhovkas, zëdhënësja e Ministrisë së Jashtme, Maria Zakharova, ka përsëritur akuzën duke bërë thirrje për hetim ndërkombëtar.

Ky me të vërtetë që duhet të jetë objekt i një studimi, kërkimi dhe hetimi botëror. Reagimi i Perëndimit në të gjitha situata si kjo është 100% i parashikueshëm. Ka një dëshirë të pafundme për të fajësuar Rusinë për çdo gjë që ndodh, pavarësisht nëse ka ndodhur apo nëse është fiksion

Shtetet e Bashkuara janë gati për dialog për kontrollin e armëve me Rusinë dhe Kinën pa kushte paraprake. Këshilltari amerikan për sigurinë kombëtare, Jake Sullivan, e shprehu gatishmërinë amerikane gjatë takimit vjetor të Shoqatës së Kontrollit të Armëve.

"Ne kemi deklaruar gatishmërinë tonë për t'u angazhuar në diskutime dypalëshe për kontrollin e armëve me Rusinë dhe me Kinën pa parakushte," citohet ai nga TASS.

Këshilltari i presidentit brazilian për politikën e jashtme, Celso Amorim, thotë se Perëndimi duhet të shmangë përshkallëzimin e konfliktit me Rusinë. Për Financial Times, ai është shprehur se nëse aleatët perëndimorë të Ukrainës, rrezikohet një Luftë e Tretë Botërore.

Kryeministri hungarez Viktor Orban ka reaguar ashpër ndaj një deklarate të kryebashkiakut të Budapestit, Gergely Karácsony, që gjatë një deklarate në radion “Kosut” u shpreh se Hungaria është në luftë me Rusinë.

Nëse një person totë një gjë të tillë dhe nuk lëviz vendit, ky person nuk është në rregull. Për sa kohë të jetë në pushtet kjo qeveria, Hungaria nuk do të shkojë në luftë kundër Rusisë

është shprehur Orban, cituar nga agjencia “Tass”.

Rusia dhe Bjellorusia kanë firmosur së fundmi marrëveshje për dislokimin e armëve bërthamore ruse në territorin e Bjellorusisë.

Gjatë takimit u firmosën dokumente që përcaktojnë procedurën e ruajtjes së armëve bërthamore jostrategjike ruse në një objekt të posaçëm në territorin e Republikës së Bjellorusisë

citohet Ministria ruse e Mbrojtjes.

Sekretari i Përgjithshëm i NATO-s, Jens Stoltenberg i bën thirrje Gjermanisë që të rrisë shpejt shpenzimet e saj për mbrojtjen. Për gjermanen “Der Spiegel”, ai thotë se pret që së shpejti të ketë një debat nëse do të furnizohet Ukraina me avionë luftarakë.

Bakhmut, qyteti në juglindje të Ukrainës, që për muaj të tërë u kthye në skenën e një beteje të ashpër, është tërësisht nën kontrollin e rusëve. Lajmin e dha fillimisht Ministria ruse e Mbrojtjes, e cila njoftoi se kjo u bë e mundur falë operacionit ofensiv të skuadrës Wagner, i mbështetur nga artilieria dhe forcat ajrore.

Pak minuta më vonë, edhe presidenti ukrainas konfirmoi humbjen e Bakhmutit, duke nënkuptuar se ajo që kanë në dorë rusët janë vetëm rrënojat e qytetit.

Më shumë se një vit pas sanksioneve që i vendosi Perëndimi, si ndëshkim për pushtimin e Ukrainës, ekonomia ruse nuk reflekton rënie. Strategjia e Rusisë për t’i kundërshtuar sanksionet me politika të reja ekonomike, forcimin e aleancave të vjetra dhe rritjen e numrit të partnerëve ekonomikë jashtë Europës ka rezultuar e suksesshme. FMN rishikoi vlerësimin e fundit për PBB-në ruse për 2022-2023, duke e ngritur me 9.4 pikë përqindjeje në total.

Gatishmërisë së Britanisë për t’i dërguar Ukrainës raketa me rreze të gjatë veprimi, Rusia i është përgjigjur me kërcënimin e një përgjigjeje ushtarake.

Sekretari britanik i mbrojtjes, Ben Wallace, njoftoi se Ukrainës do t’i jepen raketa "Storm Shadow", për të cilat ka raportime sa kanë arritur tashmë në destinacion, raporton Sky News.

"Kur i thërret Atdheu, kadetët marrin armët pa hezitim dhe ngrihen për të mbrojtur tokën e tyre amë". Kjo është diçitura e njërës prej fotove të njësisë ushtarake Cascade, e cila mbledh politikanë rusë të karrierës dhe fëmijët e tyre në moshën e ushtrisë. Në kanalin e saj në Telegram, Njësia OBTF Cascade ka plot video që tregojnë dronët rusë që bombardojnë, ndërsa në sfond luhet muzikë metal. Fotot tregojnë ushtarë të përgatitur fizikisht e të pajisur mirë.

Por realiteti në front është krejt tjetër nga ai që ata i tregojnë botës.